മറഞ്ഞു പോകുന്ന ജീവിതം [മാടപ്രാവ്] 76

ചിലപ്പോൾ കാണുമായിരിക്കും.. പക്ഷെ ഞാൻ അങ്ങനെയല്ല എപ്പോൾ വിളിച്ചാലും ആ കുഞ്ഞിളം കവിളുകളിൽ ഒരു മുത്തം നൽകാൻ ആഗ്രഹിക്കാറുണ്ട്…

അവർ ആവശ്യം പെടുന്നതോ.. ഞാൻ കാണുമ്പോൾ ഇഷ്ട്ടപെടുന്നതോ അവരുടെ കൈകളിൽ എത്തിക്കാൻ ശ്രമിക്കാറുണ്ട്…

എന്തെല്ലാം കിട്ടിയാലും അത് അവർക്ക് ഒരു ദിവസത്തെയോ അല്ലെങ്കിൽ കുറച്ച് ദിവസങ്ങളുടെയോ കൗതുകം മാത്രം..

കൂടുതലും ആവശ്യം തന്റെ ഉപ്പ എന്ന് വരും എന്ന് തന്നെ..

അതിനിടയിൽ ഭാര്യയുടെ കണ്ണുകൾ കൊണ്ടൊരു ചോദ്യം ഉണ്ട്..

ഇന്ന് തന്നെ ടിക്കറ്റ് എടുത്തു പോയാലോ എന്ന് കരുതും..

എന്നാണ് എന്നെ പോലുള്ള സാധാരണക്കാരായ പ്രവാസികൾക്ക് അവരുടെ പ്രേശ്നങ്ങളെല്ലാം ഒഴിഞ് ഒരു ജീവിതം ഉണ്ടാവുക…

ആദ്യമായി വരുമ്പോൾ മനസ്സിൽ ഉണ്ടാവുന്ന ഒരു അത്യാഗ്രഹം ഉണ്ട്…

ഒരു കൊല്ലം കൊണ്ട് ഒരുപാട് പൈസ ഉണ്ടാക്കി നാട്ടിൽ പോകണം…

എന്നിട്ട് ബാക്കിയുള്ള കാലം നാട്ടിൽ സുഖമായി ജീവിക്കണം..

കാർ വാങ്ങണം… ഒരു നല്ല വീട് വെക്കണം..

വന്ന് ഒരു പണി കിട്ടി ആദ്യ മാസം തന്നെ മനസ്സിലാവും ഇതെല്ലാം തന്റെ സ്വപ്നങ്ങൾ മാത്രമാവും…

ഇതിനൊക്കെ തന്റെ ജീവിതം ഈ മരുഭൂമിയിൽ ചുട്ടു പൊള്ളിച്ചാൽ മാത്രമേ നടക്കുകയുള്ളു..

അതിനും എത്ര കാലങ്ങൾ വേണം…

നന്നാവുന്നവരും.. ഉണ്ട്.. ഓരോരുത്തരുടെ മുകളിലും എഴുതിവെച്ച പോലെ ചിലപ്പോൾ പെട്ടെന്ന് നല്ല ഭാഗ്യം കൊണ്ട് വളരുന്നവർ..

അതെല്ലെങ്കിൽ നാട്ടിലെ പോലെ എന്തെങ്കിലും തരികിട ഇവിടെ നടത്തി ജീവിക്കുന്നവർ..

അവരൊക്കെ പെട്ടന്ന് തന്നെ പണം നേടുന്നുണ്ട്..