മറഞ്ഞു പോകുന്ന ജീവിതം [മാടപ്രാവ്] 76

ഇഷമോൾ അടിക്കണ്ടാട്ടോ…

ഇല്ല പ്പച്ചി ഇഷമോൾക്ക് ഫിലുമോളെ ഇഷ്ട്ടാണ്… അടിക്കൂല ട്ടോ…

പ്പച്ചി അടിക്കണ്ട… വാവ ചെറിയ കുട്ടിയല്ലേ..

ഇഷമോൾക്ക് ഇപ്പച്ചിനാണോ ഉമ്മച്ചിനാണോ ഇഷ്ട്ടം…

ഇനിക്ക് ഇപ്പച്ചിനും ഉമ്മച്ചിനും ഇഷ്ട്ടാണല്ലോ…

ഇപ്പച്ചി എന്നാ ഇന്റെ അടുത്തുക് വരാ…

പ്പച്ചി വേഗം വരുവോ…

ഇഷമോൾക്ക് പ്പച്ചിനെ കെട്ടിപിടിച്ചു കിടക്കാൻ പൂതിയായിക്ക്…

പ്പച്ചി പെട്ടെന്ന് വരാട്ടോ… ഇഷമോൾ നല്ല കുട്ടിയായി ഇരിക്കണേ…

ഞാനും എന്റെ മൂത്ത മോളും തമ്മിലുള്ള രാവിലെ തുടങ്ങുന്ന സംസാരം ആണിത്…

എന്റെ മക്കൾക്ക് നാലു വയസ്സാകാൻ പോകുന്നു…

കുട്ടികൾക്കു എപ്പോഴും നമ്മൾ കൂടെ ഉണ്ടെങ്കിൽ എന്ന് ആഗ്രഹിക്കുന്ന സമയം…

ജീവിതത്തിൽ ഒരുപാട് നേട്ടങ്ങൾ ഉണ്ടാക്കുവാനുള്ള ഓട്ടത്തിനിടയിൽ… നല്ല പ്രായം കഴിഞ്ഞു പോകുന്നുണ്ട്…

അതിനിടയിൽ ഒരു വിവാഹം കഴിച്ച് കുഞ്ഞുങ്ങൾ ഉണ്ടെങ്കിൽ…

അവരെ കാണുന്ന ഓരോ നിമിഷവും ഉള്ളൊന്ന് ഉലയലുണ്ട്..

കൂടെ ഇല്ലല്ലോന്ന് ഓർത്ത്…

അന്നത്തെ പണികഴിഞ് വന്നാൽ പിന്നെ ചിന്തയിൽ അവരായിരിക്കും…

പണിക്കിടയിലും…

എന്റെ മക്കൾ.. എന്റെ കുടുംബം…

അവരുടെ ചിരി കാണുമ്പോൾ.. അവരുടെ കവിളുകളിൽ ഒരുമ്മ നൽകാൻ ആഗ്രഹിക്കാത്തവർ ഉണ്ടോ…