ലക്ഷ്മി..?? 2 [Vijay] 152

ലച്ചു : ഒന്നുമില്ല ഞാൻ ചുമ്മാ ഓരോന്നു ആലോചിച്ചു ഇരുന്നതാ..

അവൾ ചിരിച്ചുകൊണ്ട് അവനു മറുപടി നൽകി..

ഒരു ചെറിയ ചിരി മാത്രം ആയിരുന്നു അവന്റെ മറുപടി..
ആ ചിരിയിൽ നിന്നും അവൾക് മനസിലായി അവനു വിഷമം ആയെന്നു..

പിന്നെ അവൾ അവനോട്  കോളേജ് എത്തുന്നത് വരെ സംസാരിച്ചുകൊണ്ടിരുന്നു…
അവൾ തന്നെ വിഷമിപ്പിക്കാതിരിക്കാൻ വേണ്ടി ആണ് ഇങ്ങനെ നിർത്താതെ സംസാരിക്കുന്നതെന്നു അരുൺ നു അറിയാമായിരുന്നു..

എന്നാലും അവൻ അവളോട് ഒന്നും ചോദിച്ചില്ല..
എത്രയൊക്കെ മറക്കാൻ ശ്രമിച്ചാലും അന്ന് നടന്ന കാര്യങ്ങളും എല്ലാം മനസ്സിൽ ഓടി എത്തും..
അത് ആരെക്കാളും ലച്ചുവിനാണ് കൂടുതൽ വിഷമം ഉണ്ടാകുക…
ഇടക്ക് ഇടക്ക് അവൾ അതൊക്കെ ഓർത്തു വിഷമിക്കുന്നത്
അവനു അത് നല്ല പോലെ അറിയാം..
അത്കൊണ്ട് തന്നെ ആണ് അവൻ അവളോട് ഒന്നും ചോദിക്കാത്തതും..

കോളേജിൽ എത്തി ലച്ചു ഇറങ്ങി..

അരുൺ : അതെ വൈകിട്ടു ഞാൻ വരില്ല കേട്ടോ??

ലച്ചു : ഓ ശരി..
അതും പറഞ്ഞു അരുണിനോട് ബൈ പറഞ്ഞു അവൾ മുന്നോട്ട് നടന്നു..

നടക്കുന്നതിനിടക്ക് അവളുടെ ദേഹത്ത് ഒരു കൈ വന്നു വീണു.
പെട്ടന്നു ഞെട്ടികൊണ്ട് അവൾ തിരിഞ്ഞു നോക്കി

ഡീ ശവമേ നീ ആയിരുന്നോ.. മനുഷ്യനെ പേടിപ്പിക്കാൻ…

അതും പറഞ്ഞു ലച്ചു പ്രിയയെ അടിക്കാൻ ചെന്നു.

പ്രിയ : ഞാൻ നിന്നെ ഒന്നു പേടിപ്പിച്ചതല്ലേ മോളെ..
നീ ഇങ്ങനെ പേടിക്കുമെന്ന് ഞാൻ           കരുതിയോ..

ശരി വാ പോകാം അതും പറഞ്ഞു ലച്ചു പ്രിയയുടെ കൈയും പിടിച്ചു നടന്നു..

ലച്ചു : അവിടെടി നിന്റെ പ്രിയതമൻ??

പ്രിയ : അവൻ ഇന്നു വരില്ല.. അവിടെയോ പോയേക്കുവാ.. ഫാമിലി ഫഗ്ഷൻ എന്തോ ഉണ്ട്..

അതും പറഞ്ഞു അവർ മുന്നേക്ക് നടന്നു..

ലക്ഷ്‌മി…

പിറകിൽ നിന്നും ഒരു വിളി കേട്ടു രണ്ടു പേരും തിരിഞ്ഞു നോക്കി..

മഹേഷ്‌… ലച്ചു പ്രിയയെ നോക്കി..

അവനെ കണ്ടതും അവൾ തിരിച്ചു നടക്കാൻ തുടങ്ങി..
മഹേഷ്‌ വേഗം അവരുടെ മുൻപിൽ കയറി നിന്നു

മഹേഷ്‌ :  എന്താ ലക്ഷ്മി താൻ ഇങ്ങനെ.. എന്നെ കണ്ടിട്ട് ഒരു മൈൻഡ് പോലും ഇല്ലാതെ പോണേ.. എത്ര നാൾ ആയി തന്റെ പിറകെ നടക്കാൻ തുടങ്ങിയിട്ട്..

അതും പറഞ്ഞു അവൻ ലച്ചുവിനെ നോക്കി ഒരു വഷളൻ ചിരി ചിരിച്ചു

മഹേഷ്‌  കോളേജിലെ പ്രധാന തരികിട.. കള്ളും കഞ്ചാവും ആയിട്ട് നടക്കുന്നവൻ.. എല്ലാ അടിപിടി കേസ്കളിലും അവൻ ഉണ്ടാകും.. പെണ്ണുങ്ങളെ കാണുമ്പോൾ വല്ലാത്ത ഒരു നോട്ടമാ അവന്റെ.. കുറച്ചു നാൾ ആയി ലക്ഷ്മിയുടെ പിറകെ ആണ് അവൻ..  അച്ഛൻ രാഷ്ട്രീയത്തിലും കൂടാതെ പൈസ ഉണ്ടെന്നുള്ളതിന്റെ അഹങ്കാരവും ആണ് അവനു…

ലക്ഷ്മി അവനെ പുച്ഛത്തോടെ നോക്കികൊണ്ട് പറഞ്ഞു..