ജിന്ന് പറഞ്ഞ കഥ [ജ്വാല] 1382

എന്റെ സൃഷ്ടാവേ, നമസ്കാരം.

അമ്പരപ്പ് ഭയത്തിന് വഴിമാറി.

വിറച്ചു കൊണ്ട് ചോദിച്ചു ആരാ?
ആരാ?
ഭയപ്പാട് വേണ്ട,

ഞാൻ ജിന്നിസ്ഥാനിൽ നിന്നും വന്ന ഒരു പാവം ജിന്ന്.

നിങ്ങൾ ആത്മഹത്യ ചെയ്യാൻ പോകുവാണോ?
അതേ.

മരണം ഒന്നിനും ഉള്ള പരിഹാരമല്ല കുട്ടി,
പാതിരാത്രിയിലെ തന്റെ ഉപദേശം കേൾക്കാൻ എനിക്ക് വയ്യ,
പൊയ്ക്കോളൂ എവിടേക്കെങ്കിലും ,
എനിക്ക് മരിക്കണം.

പ്രലോഭനങ്ങളിളും, പുകഴ്ത്തലും നിനക്കിഷ്ടമല്ലേ? അതിലല്ലേ നീ അവനെ ഇഷ്ടപ്പെട്ടത്?
അവന്റെ സമീപ്യം നീ ആഗ്രഹിച്ചിരുന്നില്ല?
ഇപ്പോൾ മരിക്കാൻ നടക്കുന്നു,
ജിന്ന് അക്ഷോഭ്യനായി സംസാരിക്കാൻ തുടങ്ങി.

എനിക്ക് കഴിയുന്നില്ല ജനങ്ങളുടെ മുഖത്ത് നോക്കാൻ, എന്റെ വിശുദ്ദിയും നഷ്ടമായി, ഇനി മറ്റൊരു പുരുഷന്റെ മുന്നിൽ വിവാഹത്തിനായി തല കുനിക്കാൻ എന്ത് അവകാശം?

നീ ചിത്രകാരിയാണ്, പുനർജ്ജനിപ്പിക്കാൻ കഴിവുള്ളവൾ. ദൈവത്തിന്റെ സ്ഥാനം ആണ് നിനക്ക്, നിന്നെ നശിപ്പിക്കാൻ ആർക്കും കഴിയില്ല
നീ പരിശുദ്ധ തന്നെ…

ജിന്ന് കുറെ നേരം ആലോചിച്ചു എന്നിട്ട് പറഞ്ഞു
ഞാൻ നിനക്ക് ഒരു കഥ പറഞ്ഞു തരാം പ്രലോഭനങ്ങളുടെ കഥ.

പണ്ട് പണ്ട് തെക്കൻ ദേശത്ത് രണ്ടു സഹോദരങ്ങൾ അതും രാജകുമാരന്മാർ ഉണ്ടായിരുന്നു.

പ്രായ പൂർത്തി ആയപ്പോൾ അവർ വിവാഹവും കഴിച്ചു.

അച്ഛൻ മഹാരാജാവിനു വയസായി ഇനി മൂത്ത മകനെ അനന്തരാവകാശി ആക്കി രാജഭരണം ഏൽപ്പിക്കാം എന്ന് തീരുമാനിച്ചു.

അതിനുള്ള ഒരുക്കങ്ങൾ നടത്താൻ മന്ത്രിയെ ചുമതലപ്പെടുത്തി.

ഇതറിഞ്ഞ അനുജൻ ദേഷ്യം കൊണ്ട് വിറച്ചു. അധികാരം ഇല്ലാത്തവൻ വെറും പിണം ആണ്,
എനിക്ക് അധികാരം വേണം അതിനു വേണ്ടി കുറുക്കു വഴികൾ ആലോചിച്ചു കിടന്നു.
അപ്പോഴാണ് അനുജന്റെ ഭാര്യ അതിലൂടെ വന്നത്,
രാജ്ഞി ആയി സിംഹാസനത്തിൽ ഇരിക്കാം എന്ന സ്വപ്നമാണ് ഇല്ലാതെ പോകുന്നത് , എന്തെങ്കിലും ചെയ്യു മനുഷ്യാ?
ഭാര്യയുടെ കുറ്റപ്പെടുത്തൽ,

അനുജൻ ഇരുന്നും കിടന്നും ഒക്കെ ആലോചിച്ചു അവസാനം ഒരു തീരുമാനത്തിൽ എത്തി ജേഷ്ഠനെ കൊല്ലുക തന്നെ അങ്ങനെ എങ്കിൽ അടുത്ത അവകാശി ഞാൻ തന്നെ.

ഇതേസമയം കുട്ടിയെ ഉറക്കി കിടത്തി ജേഷ്ഠന്റെ ഭാര്യ ഭർത്താവിനൊപ്പം ഉറങ്ങാൻ കിടന്നു.
രാത്രിയുടെ അവസാനയാമത്തിൽ അവൾ ഞെട്ടി ഉണർന്നു,
ദേഹം വിയർപ്പിൽ മുങ്ങി, അടുത്തു കിടക്കുന്ന ഭർത്താവിനെ നോക്കി,
അയാൾ ഒന്നും അറിയാതെ ഗാഢ നിദ്രയിലും.

രാവിലെ ഭർത്താവിനോട് പറഞ്ഞു ഇന്ന് അവിടുന്ന് രാജസദസ്സിൽ പോകരുത്, അങ്ങയെ ആരോ കൊലപ്പെടുത്തുന്നതായി ഞാൻ സ്വപനം കണ്ടു.