ജിന്ന് പറഞ്ഞ കഥ [ജ്വാല] 1382

ബോധം വരുമ്പോൾ വിജയ്‌ യെ കണ്ടില്ല. തന്റെ വസ്ത്രങ്ങൾ ഒരു മൂലയിൽ ചുരുണ്ടു കിടക്കുന്നു. ആ വസ്ത്രങ്ങൾ എടുത്ത് ധരിച്ചു.

വേച്ച്, വേച്ച് എപ്പോഴോ തന്റെ മുറിയിൽ വന്നു കിടന്നു.

എന്റെ പരിശുദ്ദിയും, ഞാൻ കണ്ട സ്വപനങ്ങളും എല്ലാം ഒരു നിമിഷത്തിൽ നഷ്ടമായി,
ഞാനിനി മറ്റൊരാളുടെ മുന്നിൽ എങ്ങനെ നിൽക്കും, വികാരപ്രഷുബ്ധത നിറഞ്ഞു മനസ്സിൽ, സമനില തെറ്റി പോകുമോ എന്ന് പോലും ഭയപ്പെട്ടു.

അവൾ എഴുന്നേറ്റു. കാലുകളിൽ തട്ടി മറിഞ്ഞു വീണ മഷി കുപ്പി കൈയിലെടുത്തു പിന്നെ പകുതി മാത്രം വരച്ചു വച്ച ക്യാൻവാസിലേക്ക് വലിച്ചെറിഞ്ഞു.

കൈകൾ നീട്ടിയതു പോലെ വരച്ചിട്ടുള്ള ചിത്രത്തിൽ ആ മഷി പടർന്നു.
വിരലുകൾ മുറിഞ്ഞത് പോലെ ചുവന്ന മഷി രക്തം പോലെ താഴേക്ക് പതിച്ചു.

പുറത്ത് നിന്ന് നായ്ക്കൾ നിർത്താതെ ഓരയിടുന്നു. അപർണ വാതിൽ തുറന്നു,

അതേ നിമിഷത്തിൽ വീട്ടിലെ കുറിഞ്ഞി പൂച്ച അതിവേഗം മുറിക്കുള്ളിലേക്ക് കയറി. മ്യാവൂ എന്ന് കുറുകി കൊണ്ട് ഓടി നടന്നു.

അപർണയ്ക്ക് ഇതൊന്നും ശ്രദ്ദിക്കാൻ സമയമില്ലായിരുന്നു.
ഈ രാത്രി ഇരുട്ടി വെളുക്കുമ്പോൾ എന്റെ മരണം ആകണം, എന്റെ ശരീരത്തിനെ ചുടുകാട്ടിലെ അഗ്നി വിഴുങ്ങുമ്പോൾ ഒരു രക്തരക്ഷസ്സായി പുനർജ്ജനിക്കണം, അവന്റെ കഴുത്തിൽ ഞാൻ പല്ലുകൾ ഇറുക്കി അവന്റെ ചൂട് ചോര കുടിക്കുന്നതായി മനസ്സിൽ സങ്കൽപ്പിച്ചു. നിസ്സഹായ ആയ യുവതിയുടെ രോദനം.

അവൾ വീടിനു പുറത്തിറങ്ങി, കിഴക്കേപ്പുറത്തുള്ള ചെമ്പക മരമായിരുന്നു ലക്ഷ്യം.
അധികം ഉയരത്തിൽ അല്ലാത്ത ചില്ലയിൽ ഞാൻ സാരിയുടെ ഒരറ്റം കെട്ടി.
ചെമ്പകപ്പൂവിന്റെ ഗന്ധം മൂക്കിലേക്ക് ഇരച്ചു കയറി,

ഇരുട്ടിൽ നിന്ന് രണ്ട് തിളങ്ങുന്ന കണ്ണുകൾ എന്നെ ലക്ഷ്യമാക്കി വരുന്നുണ്ടായിരുന്നു, ഞാൻ കണ്ണുകൾ അടച്ചു.

പെട്ടന്ന് എന്റെ കാലുകളിൽ ആരോ തൊട്ടു ഞാൻ നോക്കി ആ സന്ദർഭത്തിൽ പോലും എനിക്ക് ചിരി വന്നു.

കുറിഞ്ഞി പൂച്ച തെറിച്ചു വീണ മഷിയിൽ കിടന്നുരുണ്ട്‌ ഒരു കളിപ്പാട്ടം പോലെ എന്റെ കാലിന്റെ വശത്തായി സ്ഥാനം പിടിച്ചു.

അതിനു പിന്നാലെ ഒരു നീല ചിത്രശലഭം പൂച്ചയുടെ ചെവിയിൽ വന്നിരുന്നു. ചിത്രശലഭത്തിന്റെ പിന്നാലെ മറ്റൊരു ശലഭം കൂടി വന്നു, പിന്നാലെ രണ്ട് ശലഭം കൂടി വന്നു.
നാലു ദിക്കിൽ നിന്നു വന്ന ശലഭങ്ങൾ ഒന്ന് ചേർന്നു പിന്നെ താഴേക്ക് വീണു…

നിമിഷാർദ്രങ്ങളുടെ ഇടയിൽ നീല പുക ഉയരാൻ തുടങ്ങി.
അപർണ അത്ഭുതത്തോടെ പുക നോക്കി നിന്നു. താൻ മരിക്കാൻ വന്ന കാര്യം തന്നെ മറന്നു.

നീല പുക പിന്നീട് ചുവപ്പായും, മഞ്ഞയായും മാറി അവസാനം വെള്ള പുക അന്തരീക്ഷത്തിൽ ഉയർന്ന് പൊങ്ങി അതിലൂടെ ഒരു രൂപം വന്നു എന്റെ മുന്നിൽ വന്നു നിന്നു.