ശുചിമുറിയിൽ ഷവർ പൂർണമായും തുറന്ന് അവൾ അതിന്റെ താഴെ നിന്നു , വെള്ളം തുമ്പിക്കൈയിൽ നിന്ന് ചീറ്റുന്നത് പോലെ താഴേക്ക് പതിച്ചു.അപർണയുടെ തലയിൽ വീണ വെള്ളത്തുള്ളികൾ ഒത്തുചേർന്ന് ഒരരുവി പോലെ ദേഹമാസകലം നനയിച്ചു .

അപർണ കരയുകയായിരുന്നു, ഷവറിലെ വെള്ളത്തുള്ളികൾക്കൊപ്പം അവളുടെ കണ്ണീരും ആരും കാണാതെ ഒഴുകി കൊണ്ടിരുന്നു.
ദേഹമാസകലം കൊടിയ വേദന, മുറിപ്പാടുകളിൽ വെള്ളം വീണപ്പോൾ അസഹ്യമായ നീറ്റൽ അവൾ പിടഞ്ഞു.

വലിയ കണ്ണാടിയുടെ മുന്നിൽ അവൾ നിന്നു ശരീരത്തിൽ ഉണ്ടായിരുന്ന ടൗവ്വൽ അഴിച്ചു കളഞ്ഞു.
നഗ്നമായ വെളുത്ത ശരീരത്തിൽ നിറയെ ചുവന്ന പാടുകൾ, മാറിടത്തിൽ നിരയൊത്ത പല്ലിന്റെ പാട്,
തുടകളിലും ഇടുപ്പിലും നഖങ്ങൾ ആഴ്ന്നിറങ്ങിയ പോലെ,നിതംബത്തിൽ നഖം കൊണ്ട് വരഞ്ഞിട്ടിരിക്കുന്നു,

വേട്ടമൃഗം ഇരയെ കീഴ്പ്പെടുത്തിയത് പോലെ ദേഹത്തിനി ഒരു സ്ഥലവും ബാക്കിയില്ല അവന്റെ കരവിരുത് ഏൽക്കാത്തത്.

ഇന്നലത്തെ ഇര ഞാനായിരുന്നു.
അവൻ എന്നെ ക്രൂരമായി കടിച്ചു കുടഞ്ഞിരിക്കുന്നു.

അപർണയ്ക്ക് കരച്ചിൽ നിയന്ത്രിക്കാൻ കഴിഞ്ഞില്ല അവൾ ഉച്ചത്തിൽ കരഞ്ഞു കൊണ്ട് താഴെക്കിരുന്നു.
തല കാൽ മുട്ടിന്മേൽ താങ്ങി,
ഫാനിന്റെ കാറ്റിൽ മുടിയൊക്കെ പാറി പറന്നു അവൾ തന്റെ നിറക്കൂട്ടുകളുടെ ഇടയിൽ അപൂർണമായ ചിത്രം പോലെ ഇരുന്നു.

ജീവനുള്ളത് പോലെ തോന്നുന്നു, എന്തൊരു ഭംഗി. ശബ്ദം കേട്ട ഭാഗത്തേക്കവൾ തിരിഞ്ഞു നോക്കി.
വെള്ള ഷർട്ടും, കറുത്ത ജീൻസും, ഷൂസും ധരിച്ച് ട്രിം ചെയ്തു വച്ചിരിക്കുന്ന മീശയും, നേർത്ത താടിയും ഒക്കെ ഉള്ള ഒരു ചെറുപ്പക്കാരൻ.

കോളേജിൽ നടക്കുന്ന ഒരു കൾച്ചറൽ പ്രോഗ്രാമിന്റെ ഭാഗമായി നടന്ന ചിത്ര പ്രദർശനം കണ്ടിട്ടാണ് അയാളുടെ അഭിപ്രായ പ്രകടനം.

താൻ വരച്ച ചിത്രം കണ്ട് ആദ്യത്തെ അഭിനന്ദനം,അപർണ അയാളെ നോക്കി നന്ദി സൂചകമായി പുഞ്ചിരിച്ചു.

കോളേജിലെ സഹപാഠിയായ രജനിക്കൊപ്പം അയാൾ വീണ്ടും വന്നു. രജനിയാണ് എന്നെ പരിചയപ്പെടുത്തി കൊടുത്തത്.
അപ്പു ഇത് വിജയ്,

അപ്പുവോ ഇതെന്താ ആൺകുട്ടികളുടെ പേര്?
വിജയുടെ ചോദ്യം കെട്ട് ഞാൻ പറഞ്ഞു എന്റെ പേര് അപർണ എന്നാണ്,
എല്ലാവരും എന്നെ അപ്പു എന്ന് വിളിക്കും.

അയാൾ പുഞ്ചിരിച്ചു.

രജനിയാണ് പറഞ്ഞത് വിജയ് കേരള കലാ കേന്ദ്രത്തിലെ
ചിത്ര രചനാ അദ്ധ്യാപകൻ ആണെന്ന്.

അപർണാ പരമ്പരാഗതമായി മിഥില പ്രദേശത്തെ കുടുംബങ്ങളിൽ ഓരോ തലമുറകൾക്കും പകർന്ന് നൽകിയിരുന്ന സിദ്ധിയാണ് ചിത്ര രചന,
പ്രത്യേകിച്ചും സ്ത്രീകൾ ഇതിൽ വലിയ കഴിവുള്ളവർ ആയിരുന്നു.

ഞാൻ അപർണയെ കാണുന്നത് ദൈവം തനിക്ക് നേരിട്ട് വരം തന്നതായിട്ടാണ്, ദൈവത്തിന്റെ കൈയൊപ്പ് തന്റെ ഓരോ സൃഷ്ടികളിലും പ്രകടമായി കാണുന്നു. നല്ലത് വരട്ടെ.