ഇരട്ടപ്പഴം [Hyder Marakkar] 522

വടക്കേപറമ്പിൽ എത്തിയപ്പോൾ അമ്മു അതാ രാജാവിനെ പോലെ തലയെടുപോടെ നിൽക്കുന്ന പുളിമരത്തിന്റെ ചില്ലയിൽ വല്യമ്മാമയും വടക്കേലെ ചന്ദ്രേട്ടനും കൂടെ കെട്ടി കൊടുത്ത ഊഞ്ഞാലിൽ ഇരുന്ന് പകൽ കിനാവ് കാണുന്നു…. എന്നെ ആയിരിക്കും, അമ്മുവിന്റെ കിച്ചേട്ടനെ…..
അച്ചുചേച്ചിയുടെ കൂടപ്പിറപ്പ് തന്നെ, ഇങ്ങനെ ഒരുത്തൻ ഓടി പിടഞ്ഞ് വന്നതൊന്നും പെണ്ണ് അറിഞ്ഞിട്ടില്ല….

“””കൂയ്……………”””
മീൻകാരൻ ഭാവക്ക കൂവുന്ന അതെ ഈണത്തിൽ ഞാൻ ഒന്ന് കൂവിയതും അമ്മു സ്വപ്നലോകത്ത് നിന്നും ചാടി എഴുന്നേറ്റു….

“””ഓ….. ഈ കിച്ചേട്ടനെ കൊണ്ട്…… പേടിച്ച് പോയല്ലോ……””””
ഒരു നിമിഷത്തെ പകപ്പ് മാറിയതും അമ്മു ചിണുങ്ങി കൊണ്ട് പറഞ്ഞു….

“””നീ എന്തിനാ അമ്മു ഈ നട്ടുച്ചയ്ക്ക് ഇവിടെ ഒറ്റയ്ക്ക് വന്നിരിക്കുന്നെ??””””

“””ചിന്നു ഉണ്ടായിരുന്നു കിച്ചേട്ടാ….. അവളെ ഞാൻ കുറേ നേരം ആട്ടി കൊടുത്തു, ന്നിട്ട് നേ തിരിച്ച് ആട്ടി തരാൻ പറഞ്ഞപ്പോൾ ഉച്ചയായി അമ്മ ചീത്തപറയുമെന്ന് പറഞ്ഞ് ഓള് ഓടി പോയി……. പിശാച്ച്…… ഞാൻ ഇനി ഓളോട് ഒരിക്കലും മിണ്ടൂല…… നോക്കിക്കോ……””””
ഉറ്റ ചങ്ങായിച്ചി ചതിച്ചതിന്റെ വിഷമവും ദേഷ്യവും എല്ലാം ആ വാക്കുകളിൽ കലർന്നിരുന്നു…..

“””ചിന്നൂനോട് പോവാൻ പറ….. അമ്മൂസിനെ ഞാൻ ഊഞ്ഞാല് ആട്ടി തരാ ട്ടോ”””
എരുതീയിൽ എണ്ണ ഒഴിച്ചുകൊണ്ട് ഞാൻ അമ്മൂനേ ആശ്വസിപ്പിച്ചു…. അല്ലെങ്കിലും അവൾക്ക് ഇടയ്ക്ക് എന്നെക്കാൾ ആ ചിന്നൂനോടാണോ ഇഷ്ടമെന്ന് തോന്നാറുണ്ട്, ഇനി ഇപ്പൊ ഈ പേരും പറഞ്ഞ് രണ്ടും കൂടെ അടിച്ച് പിരിഞ്ഞാലും നോം സന്തുഷ്ട്ടനാവും….