Demon’s Way Ch-4 [Abra Kadabra] 168

അത് കൊണ്ട് തന്നെ ജാക്കിനെ necromancy സ്റ്റുഡന്റസ് കഷ്ടപ്പെടുത്തുകയും ഉപദ്രവിക്കുകയും ഒക്കെ ചെയ്യാറുണ്ട് എങ്കിലും ടോണിയോട് കാണിക്കുന്ന അത്ര കടുത്ത മുറകൾ പ്രയോഗിക്കാറില്ല. അവർ ജാക്കിനെ വഴക്ക് പറയും ചിലപ്പോൾ തല്ലും പക്ഷെ ജീവന് ആപത്ത് വരും പോലെ ഒന്നും ചെയ്യില്ല. കാരണം ജാക്ക് ടോണിയെ പോലെ ഒരു അടിമ അല്ലാത്ത കൊണ്ട്. അവർക്ക് ടോണി അക്കാഡമി വാങ്ങി ഇട്ടിരിക്കുന്ന ഒരു ഉപകരണം മാത്രമാണ്.

ടോണി ക്ക് ജാക്കിനോട് ചെറിയ അസൂയ കലർന്ന ബഹുമാനം ആയിരുന്നു. കാരണം ടോണിയെ പോലെ ഉപദ്രവം അവന് സഹിക്കേണ്ടി വരുന്നില്ല, അവനെക്കാൾ നല്ല ഭക്ഷണം ജാക്കിന് കിട്ടുന്നുണ്ട്. ജാക്കിന് ആണെകിൽ ടോണിയുടെ മുന്നിൽ നിൽക്കുമ്പോ ഴാണ് ഇത്തിരി എങ്കിലും self confidence കിട്ടുന്നത്. അത് കൊണ്ട് തന്നെ അവർ നല്ല സുഹൃത്തുക്കൾ ആയിരുന്നു.

” ഹോ .. ഹോ… നീ എന്നെ പേടിപ്പിച്ചു കൊന്നേനെ, ടോണി നീ മരിച്ചില്ലല്ലേ. അത് നന്നായി ” ജാക്ക് അൽപ സമയത്തിന് ശേഷം സന്തോഷവും അത്ഭുതവും കലർന്ന ടോണിൽ പറഞ്ഞു.

” എന്തോന്ന് നന്നായി എന്ന്?? എനിക്ക് വിശക്കുന്നു. ജാക്ക് നിന്റെ കയ്യിൽ കഴിക്കാൻ വല്ലതും ഉണ്ടോ?? ഞാൻ പിന്നെ തിരിച്ചു തരാം ”

ഇന്ദ്രജിത്ത് അത് ചോദിച്ചു കഴിഞ്ഞു കുറച്ചു സമയം കഴിഞ്ഞിട്ടും ജാക്കിൽ നിന്ന് ഒരു മറുപടിയും ഉണ്ടായില്ല. ജാക്ക് തന്റെ ഉണ്ട കണ്ണ് മിഴിച്ച് ഇന്ദ്രജിത്തിനെ തന്നെ നോക്കി നിൽക്കകയാണ്.

” എന്താടാ, എന്നെ കാണാൻ അത്ര ഭംഗി ആണോ?? ” അവൻ irritated ആയ ടോണിൽ ചോദിച്ചു.

അത് കേട്ടപ്പോൾ ജാക്ക് വീണ്ടും തന്റെ നോട്ടം കടുപ്പിച്ചു.

” ഈ കഴിഞ്ഞ വർഷങ്ങക്ക് ഇടയിൽ നീ ഒരിക്കൽ പോലും എന്നോട് ഭക്ഷണം ചോദിച്ചിട്ടില്ല. ഞാൻ എന്തെങ്കിലും തന്നാൽ നീ കഴിക്കും അത്രേ അല്ലെ ഉള്ളു. മാത്രമല്ല, നീ ഈ ടോണിൽ എന്നോട് സംസാരിക്കുന്നത് ആദ്യമായി ആണ്. നീ ശരിക്കും മാറിപ്പോയി. വേറെ ആരോ ആണെന്ന് തോന്നിപോകും ”