ചിങ്കാരി 5 [Shana] 421

എന്താ നിൻ്റെ പ്രശ്നം.. പറകേൾക്കട്ടേ.. ഒന്നുമില്ലേലും എനിക്കൊരു ചായ തന്ന ആളല്ലേ.. സൈമൺ ചിരിയോടെ പറഞ്ഞു. അച്ചു ഓരോ സംഭവങ്ങളായി പറഞ്ഞു തുടങ്ങി..

” സറേ.. എനിക്ക് വട്ടൊന്നുമില്ല.. അമ്മ അങ്ങനെ പലതും പറയും.. ഞാൻ സാറിനെപ്പോലെ ഒരു പോലീസ് കാരിയാകാൻ ഇപ്പോഴേ പരിശ്രമം തുടങ്ങിയതിനാ.. ഇവർ എന്നെ.. അച്ചുവിനു കരച്ചിലും ദേഷ്യവും വന്നു. സൈമൺ അവളെ പുറത്തു തട്ടി ആശ്വസിപ്പിച്ചു.

അതൊന്നും സാരമില്ല സാർ.. സാർ എന്റെ കൂടെ വാ ഞാൻ കാണിച്ചു തരാം , ഇയാളൊരു കള്ള ഗുരുജി ആണ് “അച്ചു കണ്ണു തുടച്ചു കൊണ്ടു പറഞ്ഞു.

എസ് ഐ അവളുടെ ധൈര്യം കണ്ടു അത്ഭുദപ്പെട്ടു പെൺകുട്ടി ആയിട്ട് കൂടി മുട്ടിടിക്കാതെ വാക്കുകൾക്ക് പാതാർച്ചയില്ലാതെ സംസാരിക്കുന്നതിൽ , അവൾ പറയുന്നതിൽ എന്തെങ്കിലും കാര്യം ഉണ്ടാകുമെന്ന് അയാൾക് തോന്നി.

ഇതേ സമയം ഗുരുജി രക്ഷപ്പെടാനുള്ള മാർഗങ്ങൾ നോക്കുവായിരുന്നു അച്ചുവിന്റെ നേരെ അയാൾ പകയോടെ നോക്കി.

” ടോ പിസി അയാളെയും വിളിച്ചു അകത്തേക്ക് വാ ” അത്രയും പറഞ്ഞു അച്ചുവിന്റെ കൂടെ എസ് ഐ അകത്തു കയറി

” സാറേ.. ദേ അവിടെ ആണ് അതിന്റെ ഉള്ളിൽ ഒരു കുട്ടിയെ കെട്ടിയിട്ടിട്ടുണ്ട് ” അവൾ അയാൾക്ക് മുറി കാണിച്ചു കൊടുത്തു

അകത്തേക്ക് കയറിയ എസ് ഐ കുട്ടിയെ കണ്ട് ദേഷ്യം കൊണ്ടു വിറച്ചു അത്രക്ക് ദയനീയമായിരുന്നു അതിന്റെ അവസ്ഥ കൂടെ വന്ന പോലീസുകാരോട് ആ കുട്ടിയെ ഹോസ്പിറ്റലിൽ കൊണ്ടുപോകാൻ പറഞ്ഞു അതിനു ശേഷം അവിടെ മുഴുവനും അരിച്ചു പിറക്കി കുറേ ഏറെ സ്വർണ്ണവും പൈസയും വിഗ്രഹങ്ങളും അവിടുന്ന് കണ്ടെടുത്തു എല്ലാം പുറത്തേക്കു കൊണ്ടുവന്നു

ആളുകൾ ആകെ ഞെട്ടി , അച്ചുവിന്റെ അമ്മക്ക് ഒന്നും മിണ്ടാൻ പറ്റാത്ത അവസ്ഥ ആയി അവർ തല കുമ്പിട്ടു നിന്നു.

അച്ചു അതേ സമയം തൊണ്ടിമുതൽ നിരീക്ഷിക്കുവായിരുന്നു.പെട്ടന്നാണ് അവളുടെ കണ്ണുകൾ തിളങ്ങിയത്.

” സാറേ.. ഓടി വാ.. ഇത് എന്റെ വീട്ടിലെ വിഗ്രഹം ആണ് ” ഒരു വിഗ്രഹം നോക്കി അച്ചു പറഞ്ഞു