ചിങ്കാരി 5 [Shana] 421

ആളുകൾ അങ്ങോട്ടേക്ക് ചെന്നപ്പോഴേക്കും രാധമ്മയെ അവർ വിട്ടു

” ചേച്ചി എന്താ സംഭവിച്ചത് , ” കൂട്ടത്തിൽ ഒരുത്തൻ അവരോടു ചോദിച്ചു.

“അറിയില്ല മോനെ ഇവളെ കാണിക്കാൻ വന്നതാ , ഇവൾ ഇടക്ക് പിച്ചും പേയും പറയും ഗുരുജി നോക്കട്ടെന്ന് പറഞ്ഞു കുറച്ചു കഴിഞ്ഞു ഇവളിവുടുന്ന് ഇറങ്ങി ഓടി പിറകെ ഗുരുജിയും, അവർ പോയപ്പോൾ അവരെന്നെ പിടിച്ചു വെച്ചു എന്താ ഇപ്പോ സംഭവിച്ചത് എനിക്ക് ഒന്നും മനസിലായില്ല മക്കളേ ” രാധമ്മ പറഞ്ഞു കഴിഞ്ഞതും ആളുകൾ അച്ചുവിന്റെ നേരെ തിരിഞ്ഞു .

അമ്മ ഇതെന്തു കുന്തമാ പറയുന്നേ എന്ന രീതിയിൽ ആയിരുന്നു അച്ചുവിന്റെ നിൽപ്

അതേസമയം ഗുരുജി വിജയഭാവത്തിൽ അവരെ നോക്കി പറഞ്ഞു

” ഇപ്പോ എന്തായി ഞാൻ പറഞ്ഞതു സത്യമല്ലേ , നിങ്ങൾക്കു സമാദാനം ആയല്ലോ ഇനി പോയി തരുമോ ”

അയാളെ കുറച്ചു നേരമെങ്കിലും മോശമായി ചിത്രീകരിച്ചല്ലോ എന്നോർത്ത് ആളുകൾ മുഖത്തു വിഷമവും അച്ചുവിനോട് ദേഷ്യവുമായി അപ്പോഴേക്കും അവിടെയ്ക്ക് പോലീസ് ജീപ്പു വന്നു.

മുൻ സീറ്റിൽ നിന്ന് എസ് ഐ സെമൺ ഇറങ്ങി മീശ പിരിച്ചു

” എന്താടാ ഇവിടെ പ്രശ്നം , ആരാ പരാതി പറഞ്ഞത് ” എല്ലാരും എന്തു പറയുമെന്നോർത്ത് ഒന്നും പരുങ്ങി. ഇടിയൻ സൈമണിനെ നാട്ടുകാർക്കു ഭയമായിരുന്നു

” സാറേ.. സാറേ.., ഈ നിൽക്കുന്നത് കള്ള ഗുരുജി ആണ്.. അകത്ത് ആരെയോ കെട്ടിയിട്ടിട്ടുണ്ട് .. എന്നെ കൊല്ലാൻ നോക്കി ഇയാൾ ” അച്ചു പറഞ്ഞു അതുകേട്ടു രാധമ്മ അവളെ നോക്കി കണ്ണുരുട്ടി

” ഇല്ല സാറെ എൻ്റെ മോൾ വെറുതെ പറയുവാ ” കുറച്ചു ദിവസം ആയിട്ട് സ്വയം പോലീസ് ആണെന്നൊക്കെ പറഞ്ഞു വെറുതെ എല്ലാരേയും സംശയിക്കുവാ.. ഇത് അതു പോലെ എന്തോ ആണ്. ” രാധമ്മ ഗുരുജിയുടെ രക്ഷക്കെത്തി

എസ് ഐ അച്ചുവിനെ ചൂഴ്ന്ന് നോക്കി.. നിന്നെ ഞാൻ എവിടെയോ കണ്ടിട്ടുണ്ടല്ലോ.. സൈമൺ പറഞ്ഞു.

സാറേ ഒന്നര മാസം മുന്നേ എൻ്റെ വീട്ടിൽ കള്ളൻ കേറിയിരന്നു. അന്നു സാറ് വീട്ടിൽ വന്നാരുന്നു.. ഞാനാ സാറിന് ചായകൊണ്ടെതന്നത്. അച്ചു ആശ്വാസത്തോടെ പറഞ്ഞു..