ചിങ്കാരി 5 [Shana] 421

” ചെല്ല് ചെല്ല് , രാവിലെ തന്നെ കൈ നീട്ടം വാങ്ങിച്ചോ ഇപോഴകുമ്പോൾ ആരും കാണില്ല ”

” അമ്മാവാ എന്നോട് തന്നെ വേണോ , അവൾ മിണ്ടുമൊന്ന് ഒരു ഉറപ്പുമില്ല ” അവൻ ദുഃഖത്തോടെ പറഞ്ഞു

” നിങ്ങളായി നിങ്ങടെ പാടായി ഞങ്ങൾ ഒന്നും പറയുന്നില്ലേ ” അതും പറഞ്ഞു അവർ പോയി

അച്ചുവിന്റെ മുറിയുടെ വാതിലിൽ മുട്ടാൻ പോയതും അവൾ വാതിൽ തുറന്നതും ഒരുമിച്ചായിരുന്നു, അവനെ കണ്ടപ്പോൾ സന്തോഷം തോന്നിയെങ്കിലും അവൾ പുറത്തു കാട്ടിയില്ല

” എന്തെ രാവിലെ തന്നെ , വീട്ടിൽ കിടക്കാൻ സ്ഥലമില്ലേ, മാറി നിലക്ക് എനിക്കു പോണം ” അച്ചു ദേഷ്യഭാവത്തിൽ പറഞ്ഞു

” മുത്തേ പൊന്നേ അച്ചു നീ മറന്നുപോയോ നമ്മൾ ഒരുമിച്ചല്ലേ ഓടാൻ പോകുന്നത് ”

” ആഹാ അറിഞ്ഞില്ല എപ്പോ മുതൽ ” അവൾ പരിഹാസത്തോടെ ചോദിച്ചു

” ടി വെറുതെ കളിക്കല്ലേ , മതി നിന്റെ പിണക്കം എനിക്ക് പറ്റുന്നില്ലാടി നീ മിണ്ടാഞ്ഞിട്ട് എന്തോ ഉറക്കം പോലും വന്നില്ല അതാ വെളുപ്പിന് തന്നെ ഇങ്ങോട്ടേക്കു വന്നത് പ്ലീസ് ടി പ്ലീസ് ”
അവൻ കണ്ണുനിറച്ചു പറഞ്ഞു

അതുകണ്ടപ്പോൾ അവൾക്കും സങ്കടായി എങ്കിലും പുറത്തു കാണിച്ചില്ല

“അയ്യേ രാവിലെ തന്നെ ഓഞ്ഞ കോമഡി ആയിട്ട് വന്നേക്കുന്നു ശവം, നീ ഇത്രേ ഉള്ളോ ഞാൻ കരുതി നീ പിടിച്ചുനിൽക്കുമെന്ന് , പോട്ടെ സാരമില്ല ഇപ്പോളായത്കൊണ്ട് ഞാൻ മാത്രമേ കണ്ടുള്ളു ഓഹ് ആ പരട്ടകൾ കണ്ടിരുന്നേൽ നിന്റെ വിധി എന്തായേനെ ”

“ടി സത്യം പറ നിന്റെ പിണക്കം മാറിയോ ”

” മാറിയില്ലാരുന്നു പിന്നെ രാവിലെ തന്നെ പെണ്ണുങ്ങളെ പോലെ പൂങ്കണ്ണീർ കാണിച്ച കൊണ്ട് വിട്ടു പക്ഷേ പണിഷ്മെന്റ് ഉണ്ട് കാത്തിരുന്നോ ”

” എന്നാലും കുഴപ്പമില്ല പിണക്കം മാറിയല്ലോ, സമാധാനം ആയി ”

” മതി വാ സമയം പോകുന്നു ഇനി ഓടാൻ താമസിക്കും ”

അവർ രണ്ടു പേരും കഥയൊക്കെ പറഞ്ഞു ഓടാൻ പോയി തിരിച്ചു വരുമ്പോൾ ആണ് അമ്മായി അച്ചുവിനെ വിളിക്കുന്നത്