ചിങ്കാരി 5 [Shana] 421

ഇതേസമയം അറസ്റ്റ് വിവരം അറിഞ്ഞു ഗുരുജിയുടെ അഡ്വക്കേറ്റ്
എത്തിച്ചേർന്നു

” സർ ഞാൻ അഡ്വക്കേറ്റ് കിരൺ. ഗുരുജിയുടെ അഡ്വക്കേറ്റാണ്. അയാൾ പറഞ്ഞു നിർത്തി.

” ഓഹ് ഇയാളുടെ കൂടി കുറവുണ്ടായിരുന്നുള്ളു, കള്ളന് കഞ്ഞിവെക്കാൻ വന്നേക്കുന്നു. എടോ ഇനി താൻ വന്നിട്ടു കാര്യമൊന്നുമില്ല. കുറച്ചു കാലത്തേയ്ക്ക് ഇവൻ വെളിച്ചം കാണില്ല. അതിനു പറ്റിയ എല്ലാ വകുപ്പും ചേർത്തിട്ടുണ്ട്. എന്തായാലും ഇന്ന് തന്നെ കേടതിയിൽ പ്രസൻ്റ് ചെയം ” എസ് ഐ അയാളെ പുച്ഛത്തോടെ നോക്കി പറഞ്ഞു .

ഇയാളും വ്യാജനായിരിക്കും സാറേ. അച്ചു ചാടിക്കേറിപ്പറഞ്ഞു. അഡ്വ. കിരൺ ഞെട്ടി അവളെ നോക്കി.

പോലീസ് സ്റ്റേഷനിൽ നിന്നും ഇത്രയും ധൈര്യത്തോടെ സംസാരിക്കുന്ന അവളെ അയാൾ അത്ഭുദത്തോടെയും കുറച്ചു നീരസത്തോടെയും നോക്കി

ടീ കൊച്ചേ..ഞാൻ എന്റെ ജോലിയാ ചെയ്യുന്നത് ” കിരൺ പറഞ്ഞു .

” ഓഹ് ഇതിലും നല്ലത് കട്ടപ്പാരയും എടുത്ത് കക്കാൻ പോകുന്നതാ , കുട്ടികളെ തട്ടിക്കൊണ്ടു പോകുന്നവനും മോഷണം നടത്തുന്നവനെയുമൊക്കെ രക്ഷിച്ചിട്ടു എന്തു കാര്യം ഒരുപാട് പേരുടെ പ്രാക്ക് ഉണ്ടാവും ആ പൈസക്ക് .. ഞാൻ തന്നെ ഇയാളുടെ തലയിൽ ഇടിത്തി വീണു തല പെട്ടിത്തെറിച്ചു വല്ല കഴുകനും തിന്നാനായിട്ട് ഇപ്പൊ തന്നെ നൂറു തവണ പ്രാർത്ഥിച്ചിട്ടുണ്ടാകും അതുപോലെ എത്രപേർ ”

അവളുടെ മറുപടിയിൽ അയാൾ അന്തം വിട്ടു , പോലീസുകാർ കാര്യങ്ങൾ പറയുന്ന അച്ചുവിന്റെ കുറുമ്പിനെ ആസ്വദിക്കുകയായിരുന്നു അച്ചുവിന്റെ വീട്ടുകാർ ഇനി അവൾ എന്തുകുഴപ്പമാണ് ഉണ്ടാക്കുന്നതെന്ന ചിന്തയിലും ഈ സമയത്താണ് പുറത്ത് ചെറിയ ബഹളം കേൾക്കുന്നത്

” സാർ..മാധ്യമപ്രവർത്തകർ പുറത്തു വന്നിട്ടുണ്ട്, ഇയാളുടെ അറസ്റ്റ്‌ അറിഞ്ഞിട്ടാണെന്ന് തോന്നുന്നു” അകത്തേക്ക് വന്ന പിസി പറഞ്ഞു

” ഞാൻ പറഞിട്ടാടോ അവര്‌ വന്നത്. ഞാൻ അങ്ങോട്ട് വരാം.

” ഡോ സുജിത്തേ എന്തുണ്ട് വിശേഷം.. സൈമൺ അവരിൽ ഒരാളേ നോക്കി പറഞ്ഞു.

സാറിനല്ലേ വിശേഷം.. ഗുരുജിയെ അറസ്റ്റ്‌ ചെയ്തുന്നു കേട്ടല്ലോ. എന്തായിരുന്നു സാർ സംഭവം ”