ചിങ്കാരി 1 [Shana] 224

“അത് ഞാൻ പറയാം അതിനു മുൻപ് മോൾക്ക് ഇതിനകത്ത് എന്തായിരുന്നു പണി, പെട്ടന്ന് പറയ് ”

“ഞാൻ ഇന്നലെ പറഞ്ഞത് മറന്നുപോയോ, റെക്കോർഡ് എഴുതുവായിരുന്നു, ആ പരട്ടകൾ കണ്ടാൽ അമ്മയോട് പാര വെക്കും അതാ മുറി അടച്ചിരുന്നത്, ഇന്നലെ കിട്ടിയ ക്ഷീണം മാറിയിട്ടില്ല ഇന്നും കൂടി വാങ്ങാൻ വയ്യടാ ”

“അപ്പോ ഇന്നലെ നല്ല പൂരമായിരുന്നോ ”

“ഒന്നും പറയണ്ട ആ പരട്ടകൾ കൂടി അമ്മയെ എരികേറ്റി, പിന്നെ ടോമി വന്നകൊണ്ട് രക്ഷപെട്ടു, അതുപോട്ടെ നീ എന്താ ഇപ്പോ ബാഗും പിടിച്ചു വന്നെ എന്തോ വലിയ കാര്യമുണ്ടല്ലോ ”

“ടി നിനക്കൊരാൾ ഒരു ഗിഫ്റ്റ് തന്നു വിട്ടു ,ഞാൻ വാങ്ങാണ്ട് പോന്നതാ പിന്നെ എൻ്റെ കൈയ്യും കാലും പിടിച്ച് തന്നുവിട്ടതാ. ” അവൻ ചിരിയോടെ പറഞ്ഞു.

” പ്ഭ നാറി വല്ലവനും എന്തേലും തന്നു വിട്ടാ അതും പൊക്കിപ്പിടിച്ച് ഇങ്ങു കൊണ്ടുവന്നോണം. അവൾ ദേഷ്യപ്പെട്ടു.

അല്ല അതാരാടാ എനിക്ക് ഗിഫ്റ്റ് തന്നു വിട്ടത്. , എവിടെ അത് നോക്കട്ടെ ” അവൾ ആകാംഷയോടെ അവൻ്റെ ബാഗ് പിടിച്ചു വാങ്ങി.

” ടി നമുക്ക് നമ്മുടെ സ്ഥിരം സ്ഥലത്ത് പോകാം ,ഇവിടെ വേണ്ട ”

” ശരിയെന്നാ ” അമ്മേ ഞാൻ അജിടെ കൂടെ പോകുവാ കുറച്ചു കഴിഞ്ഞു വരാം ”അവർ പുറത്തേയ്ക്ക് ഇറങ്ങി കൊണ്ടു പറഞ്ഞു.

”നീയല്ലേ തലവേദന എന്നു പറഞ്ഞ് മുറിയടച്ചിരുന്നത് ഇത്ര പെട്ടന്ന് മാറിയോ ” മുറ്റത്ത് തുണി വിരിച്ചിടുകയായിരുന്ന രാധാമ്മ അവളെ നോക്കി ചോദിച്ചു.

” കുറവുണ്ടമ്മേ , ഒരു റേക്കോർഡ് അവൻ്റെ അടുത്തുന്നെടുക്കാനുണ്ട് പോയിട്ട് വരാം ”

” പോണതൊക്കെ കൊള്ളാം താമസിച്ചാൽ നല്ല കീറു കിട്ടും എൻ്റേന്ന് പെട്ടന്ന് എത്തിക്കോളണം ”

“ആ ശരി അമ്മേ” അതും പറഞ്ഞ് അവർ അജിയുടെ വീട്ടിലെ പറമ്പിലേക്ക് പോയി ,അവിടെ കുറച്ചു പാറക്കല്ലുകൾ കൂട്ടിയിട്ടിട്ടുണ്ട് അതിനടുത്ത് ഒരു വിറകു പുരയും അതാണവരുടെ സങ്കേതം

” ടാ മനുഷ്യൻ്റെ ക്ഷമ നശിച്ചു നീ എന്താന്നു വെച്ചാൽ തരുന്നുണ്ടോ ”

ദൈവമേ അതു കണ്ടു കഴിഞ്ഞാൽ ഇവളുടെ ആവേശം എൻ്റെ നെഞ്ചും കൂടു തകർക്കുമോ
ഒരാത്മാഗതം പറഞ്ഞ് അവൻ ബാഗിൽ നിന്നും പതിയെ വർണ്ണക്കടലാസിൽ പൊതിഞ്ഞ ഒരു പൊതിയെടുത്തു അവളുടെ കൈയ്യിൽ കൊടുത്തു .”എൻ്റെ അച്ചൂട്ടിക്ക് ” എന്ന് അതിൻ്റെ മുകളിൽ എഴുതി വെച്ചിരുന്നു

“ആരാടാ ഇത് ,എനിക്കിങ്ങനെ തരാനും മാത്രം ”

“നീ തുറന്നു നോക്ക് അകത്ത് എന്താണന്ന് എനിക്കറിയില്ല ”

അവൾ ആ പൊതി ചട പടേന്ന് പറഞ്ഞ് വലിച്ചു കീറി
“ടി പതുക്കെ തുറക്ക് വല്ല വിലപ്പെട്ടതെന്തങ്കിലും ഉണ്ടങ്കിലോ ”

“പിന്നെ എൻ്റെ ക്ഷമ നശിച്ചിരിക്കുവാ അപ്പൊഴാ ,നീ പോടാ ഞാനിതെന്താന്നു നോക്കട്ടെ ”

കുറച്ചു കുപ്പിവള , ടിക് ടാക്ക് , പൂവൊക്കെ പിടിപ്പിച്ച ഒരു ഹെയർ ബാൻ്റ് , പൊട്ട് ,കൺമഷി പിന്നെ ചെറിയൊരു പേപ്പറിൽ എന്തോ എഴുതി മടക്കി വെച്ചിട്ടുണ്ട്

അവൾ ആ പേപ്പർ തുറന്നു നോക്കി