ചിങ്കാരി 1 [Shana] 224

.

” നീ ഇനി എന്തു ചെയ്യും ”

“നാളെ ലീവെടുത്തിരുന്ന് എഴുതും അല്ലാതെ എന്തു ചെയ്യാൻ ”

“നീ ഇതെവിടെ പോകുവാ , ഇവിടെ വല്ലോം ഇരിക്കാം ”

” നമ്മുടെ പറമ്പിലെ പേരയിൽ ഞാൻ നോട്ടമിട്ടു വെച്ചിട്ടുണ്ട്.. അതു വല്ല അണ്ണാനും തിന്നും മുൻപ് പോയി പറിക്കണം ”

” അതിനു നീ തോട്ടി എടുത്തില്ലല്ലോ ”

” പിന്നേ തോട്ടിവെച്ചു പറിക്കാൻ എൻ്റെ പട്ടി വരും , ടാ പേരമരത്തിൽ കേറി പേരക്ക പറിച്ച് അതിൻ്റെ കമ്പുകൾക്കിടയിൽ ഇരുന്ന് തിന്നുന്ന സുഖം ഒന്ന് വേറയാ ”

” ആ സുഖം താഴെ വീഴുമ്പോൾ മാറിക്കോളും ” അവൻ അവളെ നോക്കി കളിയാക്കി.

“പോടാ നമ്മുടെ മുത്തശ്ശൻ പേര ഇപ്പോഴൊന്നും താഴെയിടില്ല , വർഷങ്ങളായി ഞാൻ കേറിക്കേറി എൻ്റെ ഭാരം അതിനറിയാം ” അവൾ അവനെ നോക്കി ഗമയോടെ പറഞ്ഞിട്ട് തൊടിയിലേക്ക് നടന്നു.പിന്നാലെ അവനും കൂടി.

” ടീ നീ ഇന്നലെയാ വിവേകിനെ റോട്ടിലിട്ട് തെറി വിളിച്ചന്ന് കേട്ടല്ലോ , എന്താ കാര്യം ” അവൻ ആകാംക്ഷയോടെ ചോദിച്ചു.

” അതോ അവനെന്നോട് പ്രേമമാണന്ന് ,നടുറോട്ടിൽ പിള്ളാരുടെ ഇടയിൽ വെച്ച് പൂവും കത്തും തന്നേക്കുന്നു. ഞാൻ മിണ്ടാതെ പോയതാ അപ്പൊ അവൻ്റെ കൂട്ടുകാരുടെ ചൊറിഞ്ഞ വർത്താനം ,സഹികെട്ട് ചീത്ത വിളിച്ചതാ കിട്ടേണ്ടത് കിട്ടിയപ്പോൾ അവൻ ഹാപ്പി കൊടുക്കേണ്ടത് കൊടുത്തപ്പോൾ ഞാനും ഹാപ്പി ” അവൾ ചിരിയോടെ അവനെ നോക്കി.

” ടീ നിന്നോടൊരു കാര്യം ചോദിച്ചാൽ സത്യം പറയുമോ ”

” ചോദിക്ക് , എന്താണെൻ്റെ ചങ്കിൻ്റെ സംശയം ”

“നിനക്കെന്താ ആരോടും ഇഷ്ടം തോന്നാത്തത് ,എത്ര പേരാ നിൻ്റെ പുറകേ വരുന്നത് എന്നിട്ടു എല്ലാവരെയും കണ്ടം വഴി ഓടിക്കും ”

“പ്രണയം എന്താണന്ന് അറിയും മുന്നേ പ്രണയത്തിൻ്റെ പേരും പറഞ്ഞ് പഴി കേൾക്കേണ്ടി വന്നൊരാളാണ് ഞാൻ ,എൻ്റെ അമ്മായിയുടെ സംശയരോഗം കാരണം. എത്ര പ്രാവിശ്യമാ അതുലേട്ടനെയും എന്നെയും കൂട്ടി പറഞ്ഞേക്കുന്നത്. അവരുടെ വിചാരം എന്താ ഒരാണും പെണ്ണും തമ്മിൽ ആ ഒരു ബന്ധമേ ഉള്ളോ? ,അതുലേട്ടനെ എൻ്റെ ചേട്ടൻ്റെ സ്ഥാനത്താ കണ്ടേക്കുന്നത് എന്നിട്ടും ”

” ടീ അത് മുറച്ചെറുക്കൻ ആയിട്ടല്ലേ ”

”അപ്പോൾ നീയോ നീയും മുറച്ചെറുക്കനല്ലേ , നിൻ്റെ കൂടെയല്ലേ ഞാൻ കൂടുതലും നടക്കുന്നത് എന്നിട്ട് നിൻ്റെ അമ്മയെന്താ ഇതുപോലെ പറയാത്തത് ”

“അമ്മക്ക് നമ്മുടെ ബന്ധം എന്താണന്ന് അറിയാടി ”

“അതു പോലെ അവർക്കും മനസിലാക്കിക്കൂടെ ,നാലാം ക്ലാസിൽ പഠിക്കുമ്പോൾ മുതൽ കേൾക്കുന്നതാ ഞാൻ ,