Batman : Lost Smile [Arrow] 1524

മൂക്കിലും കണ്ണിനു ചുറ്റും എല്ലാം ചുവപ്പും കറുപ്പും ചായങ്ങൾ ഇല്ലാതെ ആ മുഖം ആദ്യമായി ആണ് കാണുന്നത് എങ്കിലും തനിക് നല്ല പരിചിതമായ മുഖം ആണ് അത് എന്ന് batman തിരിച്ചറിഞ്ഞു. പക്ഷെ എവിടെ ആണെന്ന് മാത്രം ബ്രൂസിന് മനസ്സിലായില്ല.

ചുറ്റും നോക്കി വളരെ ശ്രദ്ധിച്ച് batman ജോക്കറിന്റെ അടുത്ത് ചെന്നു. അപ്പോഴാണ് ജോക്കർ മരിച്ചു എന്ന് batman തിരിച്ചറിഞ്ഞത്. ജോക്കർ കയ്യിൽ ഒരു ഗിഫ്റ്റ് ബോക്സ്‌ പിടിച്ചിരുന്നു. അതിൽ ” For Dear Bruce ” എന്ന് എഴുതിയ ഒരു ടാഗ് ഉണ്ടായിരുന്നു, അത് കണ്ടു batman ഒന്ന് ഞെട്ടി. സൊ ബ്രൂസ് ആണ് batman എന്ന് ജോക്കറിന് അറിയാമായിരുന്നു. ഒരു ട്രാപ് ആണ് എന്ന് പ്രതീക്ഷിച് കൊണ്ട് തന്നെ batman ആ ബോക്സ്‌ എടുത്തു തുറന്നു. അതിൽ ഒരു താക്കോലും പഴയ ഒരു പിസ്റ്റളും ഉണ്ടായിരുന്നു. Batman അത് കയ്യിൽ എടുത്തു.

അന്നേരം ആണ് batman  ജോക്കറിന്റെ പുറകിൽ ഒരു ഡോർ കണ്ടത്, അത് താഴ് ഇട്ട് പൂട്ടിരുന്നു. Batman ആ താക്കോൽ ഇട്ട് ആ വാതിൽ തുറന്നു. ഒരുപാട് ഇലക്ട്രോണിക് equipments പിടിപ്പിച്ചു ഒരു കസേര ആയിരുന്നു അവിടെ ഉണ്ടായിരുന്നത്. ഒരു ടൈം മിഷീൻ ആണ് അത് എന്ന് അയാൾ ഒറ്റ നോട്ടത്തിൽ മനസ്സിലാക്കി. അടുത്ത് ചെന്ന് നോക്കിയപ്പോൾ അതിൽ വർഷവും തിയതിയും സമയവും എല്ലാം ആൾറെഡി സെറ്റ് ചെയ്ത് വെച്ചിട്ടുണ്ട്. ആ തിയതി കണ്ട് ബ്രൂസ് ഒന്ന് ഞെട്ടി. അയാൾക്ക് ഒരിക്കലും മറക്കാൻ പറ്റാത്ത ഒരു ഡേറ്റ് ആയിരുന്നു അത്. ആ ദിവസം ആണ് ബ്രൂസിന് അവന്റെ അച്ഛനേം അമ്മയേയും നഷ്ടമായത്. അതേ തോമസ് വെയിനും മാർത്ത വെയിനും ഒരു റോബ്ബറിന്റെ വെടിയേറ്റു മരിച്ച ദിവസം.

ജോക്കർ എന്തിനാണ് ഇത് പോലെ ഒരു സമ്മാനം തന്നത് എന്ന് ബ്രൂസ്ന് മനസ്സിലായില്ല. എങ്കിലും തന്റെ മാതാപിതാക്കളെ രെക്ഷപെടുത്താൻ തന്നെ ബ്രൂസ് തീരുമാനിച്ചു. കയ്യിൽ ഇരുന്ന ആ പിസ്റ്റളിൽ മുറുകെ പിടിച്ചു ബ്രൂസ് ആ കസേരയിൽ ഇരുന്നു. പിന്നെ ആ സ്വിച്ച് ഓൺ ചെയ്തു. ഹൈ വോൾട് പവർ അയാളുടെ ദേഹത്തു കൂടി കടന്ന് പോയി. ബ്രൂസ് കണ്ണുകൾ ഇറുക്കി അടച്ചു.
കുറച്ചു നേരത്തെ തലകറക്കത്തിന് ശേഷം ബ്രൂസ് നേരെ നിന്നു.

അയാൾ ചുറ്റും ഒന്ന് കണ്ണോടിച്ചു. ഇത്തിരി മുമ്പ് വരെ തുരുമ്പ് പിടിച്ചും നശിച്ചും കിടന്നിരുന്ന ആ സ്ഥലം പുതുപുത്തൻ ആയിരിക്കുന്നു. സൊ ശരിക്കും ടൈം ട്രാവൽ ചെയ്തിരിക്കുന്നു. ബ്രൂസ് സമയം നോക്കി ഇനി ഏകദേശം 30min കൂടിയെ ഉള്ളു. അയാൾ വേഗം ആ ഫാക്ടറിയുടെ പുറത്ത് ഇറങ്ങി.

അന്നേരം ആണ് ബ്രൂസ് മൊത്തത്തിൽ ആ സ്ഥലം ശ്രദ്ധിക്കുന്നത്. അയാളുടെ മുന്നിൽ ഉള്ള ആ ഇടങ്ങിയ വഴിയിൽ വെച്ച് ആണ് അയാൾക്ക് തന്റെ അച്ഛനേം അമ്മയേയും നഷ്ടമായത്. നേരത്തെ താൻ ഇത് ശ്രദ്ധച്ചില്ലല്ലോ എന്ന് അയാൾ ഓർത്തു.

താൻ ഇട്ടിരിക്കുന്ന batman ന്റ സൂട്ട് ആളുകൾ കണ്ടാൽ അത് പ്രശ്നം ആവും എന്ന് അയാൾക്ക് തോന്നി. ബ്രൂസ് മാസ്കും കേപ്പും ഒക്കെ ഊരി അവിടെ കണ്ട വെയ്സ്റ്റ് ബിന്നിൽ ഇട്ടു. അന്നേരം ആണ് അതിൽ ആരോ ഉപേക്ഷിച്ച മുഷിഞ്ഞ ഒരു കൊട്ട് കിടക്കുന്നത് ബ്രൂസ് ശ്രദ്ധിച്ചത്. അയാൾ ആ കൊട്ട് എടുത്ത് ഇട്ടു. പിന്നെ അരയിൽ നിന്ന് ആ പിസ്റ്റൾ എടുത്തു കയ്യിൽ ഭദ്രമാക്കി പിടിച്ചു. പതിയെ ആ ഇടവഴിയിലെ ഇരുട്ടിൽ അവരെ കൊല്ലാൻ വരുന്ന ആ കൊലയാളിയെ  കാത്ത് പതുങ്ങി ഇരുന്നു.

സമയം കടന്ന് പോയി. ചിരിച്ചു കളിച് ഓടി വരുന്ന കുഞ്ഞ് ബ്രൂസിനെ അയാൾ കണ്ടു. അവരുടെ പുറകെ വന്ന മാർത്തയും തോമസും. അവരെ കണ്ടതും സന്തോഷം കൊണ്ടും സങ്കടം കൊണ്ടും ബ്രൂസിന്റെ കണ്ണുകൾ നിറഞ്ഞൊഴുകി. പിന്നെ കണ്ണുനീർ തുടച് ആ കൊലയാളിക്ക് ആയി കാത്തിരിന്നു. പക്ഷെ ആരും വന്നില്ല. അന്ന്  ആ കൊലയാളി പ്രത്യക്ഷപെട്ട സ്ഥലത്ത് അവർ മൂവരും എത്താറായി. പക്ഷെ വേറെ ആരും ആ വഴി വന്നില്ല.