ആശംസാ പ്രസംഗം 24

“‘ എനിക്ക് അഖിലിനെ അറിയാം … നല്ലയൊരു ചെറുപ്പക്കാരൻ … ഒരു മൾട്ടിനാഷണൽ കമ്പനിയിൽ പഠിച്ചയുടനെ ജോലി . നല്ല കുടുംബം ഒക്കെ . എന്റെ മകൾക്കൊരു ബോയ്ഫ്രണ്ട് ഉണ്ടെന്നു ഞാനാരും പറഞ്ഞറിഞ്ഞതല്ല … ഞാനെന്റെ കണ്ണുകൾ കൊണ്ട് കണ്ടതാണ് .. അഖിലിന്റെ ബൈക്കിൽ അവൻ മെറിനെ എന്റെ മുറ്റത്തു കൊണ്ട് പോയി ഒരിക്കൽ വിട്ടപ്പോൾ … കൂടെ പഠിക്കുന്നയാൾ ആണെന്ന് പറഞ്ഞപ്പോൾ ഞാൻ കയറിയിരിക്കാൻ പറഞ്ഞു .. ഇനിയൊരിക്കൽ ആവാമെന്ന് പറഞ്ഞു അഖിൽ പോയി .. മെറിനോട് ഞാൻ ചോദിക്കുകയും ചെയ്തു …. വല്ല പ്രണയവും ആണോടി എന്ന് …

ഒരാണിന്റെ കൂടെ നടന്നാൽ അത് പ്രണയം ആകുമോ എന്നവൾ ചോദിച്ചപ്പോൾ ഞാനൊന്നും പറഞ്ഞില്ല … അത് കൊണ്ടായിരിക്കാം … ഒരു ദിവസം കോളേജ് വിട്ട് വന്നു കാപ്പി കുടിച്ചോണ്ടിരുന്നപ്പോൾ മെറിൻ ഞങ്ങളോട് പറഞ്ഞു … അന്ന് എന്റെ കൂടെ വന്ന അഖിലില്ലേ …. എനിക്കവനെ ഇഷ്ടമാണെന്ന് …അത് നീ അന്നും പറഞ്ഞിരുന്നല്ലോ മോളെയെന്നു പറഞ്ഞപ്പോൾ ആണ് മെറിൻ പറഞ്ഞത് സഹൃദം എന്നതിൽ നിന്നും മാറി പ്രണയം എന്നതിലേക്ക് ആയെന്ന് . മെറിന്റെ മമ്മി അവളെ വഴക്ക് പറയാൻ ഒരുങ്ങിയപ്പോൾ ഞാൻ അവളെ തടഞ്ഞു … ഇപ്പോൾ പഠിക്കണം ..പഠിത്തം ഒക്കെ കഴിഞ്ഞു നല്ലൊരു ജോലിയുമൊക്കെ നേടി …അപ്പോഴും നിന്റെയീ ഇഷ്ടം തുടരുന്നെങ്കിൽ അന്ന് നമുക്കാലോചിക്കാം എന്ന് …. പക്ഷെ അത് നടന്നില്ല …

കാരണങ്ങൾ പലതാണ് …ദീപക് നല്ല പയ്യനാണ് … എനിക്കറിയാം അവൻ മെറിനെ സ്നേഹിക്കും മനസിലാക്കും എന്ന് …. എനിക്കൊരു നല്ല മരുമകനെയാണ് നഷ്ടപ്പെട്ടത് .പക്ഷെ ,..രണ്ടു പെൺമക്കൾ മാത്രമുള്ള എനിക്കിന്ന് … ഇവിടെ വെച്ചൊരു മകനെ ലഭിച്ചു .. അഖിൽ .

അഖിൽ ,.. ഞാനും നിന്നോട് മാപ്പു പറയുന്നു . എന്റെയും കുടുംബത്തിന്റെയും ഭാഗത്തു നിന്ന് വിഷമിക്കുന്ന എന്തെങ്കിലും ഉണ്ടായിട്ടുണ്ടെങ്കിൽ ..അഖിലിന്റെ മാതാപിതാക്കൾ വളരെ ഭാഗ്യമുള്ളവരാണ് .. കാരണം അഖിൽ എന്റെയടുത്തു വന്നു എന്റെ മോളെ ചോദിച്ചു . അതിനുള്ള മനസ് അവനുണ്ടായി … ഞങ്ങളുടെ മനസ്സ് വിഷമിപ്പിച്ചു കൊണ്ടവൻ എന്റെ മോളെയും കൊണ്ട് പോയില്ല . അങ്ങനെയുള്ള ഒരാൾ ഒരു മാതാപിതാക്കളെയും വിഷമിപ്പിക്കില്ല …

. മോളെ ..അർച്ചനാ … നീ അവന്റെ മുറപ്പെണ്ണാണ് .. അവനെ കുറിച്ചു നിന്നോട് പറഞ്ഞു തരേണ്ട ആവശ്യമില്ല ..എന്നിരുന്നാലും ഞാൻ പറയുന്നു … നിനക്ക് അഖിലിനെക്കാൾ നല്ലൊരു ഭർത്താവിനെ കിട്ടില്ല … നിന്റെ മാതാപിതാക്കൾക്ക് ഒരു മകനെയും കൂടിയാണ് കിട്ടിയിരിക്കുന്നത് “”

മൈക്ക് ഓഫായപ്പോൾ അർച്ചന അഖിലിന്റെ കൈകളിൽ മുറുകെ പിടിച്ചു . കാരണം അവളുടെ കണ്ണുകൾ കണ്ണീരിനാൽ മൂടിയിരുന്നു . .