A Birthday Gift❤️ [Tom David] 187

അവൾ ഒരേ ചിന്തയിലാണ് ഞാൻ അവളോട്‌ ചോദിച്ചു ‘ടോ എന്താ പറ്റിയെ വന്നപ്പോൾ മുതൽ ഒരേ ചിന്തയിലാണല്ലോ ”എന്താ എന്തെങ്കിലും പ്രശ്നമുണ്ടോ??? ‘ ഞാൻ ചോദിച്ചു നിർത്തി. അവൾ പറഞ്ഞു ‘എനിക്ക് കുറച്ചു സംസാരിക്കനുണ്ട്’. ബില്ല് കൊടുത്തു ഞാങ്ങൾ പഴയ സ്ഥലത്തേക്ക് പോയി അവിടെ നിൽക്കാൻ ഒരു പ്രേത്യേക രസം ആണ് എന്താണ് എന്ന് ചോദിച്ചാൽ അറിയില്ല കടലിനോടു ചേർന്ന് നിൽക്കുന്ന പാർക്ക്‌ അതിൽ കടലിന്റെ തൊട്ടു അടുത്തുള്ള ഭാഗത്താണ് ഞങ്ങൾ നിൽക്കുന്നത് അസ്തമയത്തിനു തയാറെടുക്കുന്ന സൂര്യൻ ചെമ്പിച്ചു കിടക്കുന്ന ആകാശം സ്വർണ നിറം പോലെ തൊണ്ണുപ്പിക്കുന്ന കടൽ ഇളം കാറ്റ് എല്ലാം കൊണ്ടും അതിസുന്ദരമായ അന്തരീക്ഷം. ഞാൻ അവളെ നോക്കി അവൾ എന്തോ ചിന്തയിലാണ് ഞാൻ വീണ്ടും അവളെ വിളിച്ചു ‘ഡീ എന്താ പറയാൻ ഉള്ളത്’. ‘അത് നിനക്ക് വളരെ വിഷമം ഉണ്ടാകും എന്നെനിക്കറിയാം പക്ഷെ നമു

ക്ക് ഇത് നിർത്താം’ അവൾ പറഞ്ഞു നിർത്തി.ഞാൻ ഒരു നിമിഷത്തേക്കു സ്തബ്ധനായി നിന്നു. അങ്ങനെ ഒരു കാര്യം അവൾ പറയുമോ എന്ന് എന്റെ മനസ്സിൽ ചിന്ത ഉണ്ടായിരുന്നു എങ്കിലും അത് കേട്ടപ്പോൾ ഹൃദയം നിലക്കുന്നതുപോലെ തോന്നി അവൾ വീണ്ടും എന്തൊക്കെയോ പറയുന്നുണ്ട് പക്ഷെ എനിക്ക് കേൾക്കാൻ കഴിയുന്നില്ല ഞാൻ എന്തൊക്കെയോ പറയാൻ ശ്രമിക്കുന്നുണ്ടെങ്കിലും കഴിയുന്നില്ല മെല്ലെ ഞാൻ അവിടെ അടുത്തുള്ള ബെഞ്ചിലേക്ക് ഇരുന്നു ഇല്ലെങ്കിൽ ഒരു പക്ഷെ ഞാൻ നിലത്തു വീണു പോകുമായിരുന്നു അവൾ എന്റെ അടുത്ത് വന്നു പക്ഷെ ഇരുന്നില്ല ഞാൻ ഒന്ന് ok ആയി എന്ന് തോന്നിയപ്പോൾ അവളെ അവിടേക്കു വലിച്ചിരുത്തി എന്നിട്ട് ചോദിച്ചു ‘എന്താ പറ്റിയെ ഇപ്പൊ ഇങ്ങനെ തോന്നാൻ’ അപ്പൊ അവൾ പറഞ്ഞു ‘വേണ്ടട നമുക്ക് നിർത്താം അതാ രണ്ടു പേർക്കും നല്ലത്’ ഞാൻ അവളോട്‌ പറഞ്ഞു ‘എനിക്ക് തോന്നിയിരുന്നു നീ ഇത് പറയുമോ എന്ന് അല്പം വൈകിയാൽ വഴക്കുണ്ടാക്കുന്നവൾ മൗനം പാലിച്ചപ്പോൾ ഞാൻ തരുന്ന diary milk ഉടൻ തന്നെ കഴിക്കുന്നവൾ അത് ആ കടയിൽ വച്ചു മറന്നപ്പോൾ’ അവൾ അപ്പോളാണ് അത് ശ്രദ്ധിച്ചത് അവളുടെ കയ്യിൽ അതില്ലായിരുന്നു ‘പിന്നെ എല്ലാ പിറന്നാളിനും ആദ്യം ആശംസിച്ചിരുന്നവൾ അങ്ങനെ ഒരു കാര്യം ഉണ്ടെന്നു പോലും ഓർക്കാതിരുന്നപ്പോൾ’ അവളുടെ തല കുനിഞ്ഞിരുന്നു ‘എന്തായാലും പോട്ടെ പക്ഷെ എനിക്ക് നല്ല വിഷമം ഉണ്ട് ഒരിക്കലും ഞാൻ നീ ഇങ്ങനെ ചെയ്യും എന്ന് വിചാരിച്ചിരുന്നതല്ല, അപ്പൊ ഗുഡ് ബൈ’ ഞാൻ പറഞ്ഞു അവസാനിപ്പിച്ചു നേരെ വണ്ടിയുടെ അടുത്തേക്ക് നടന്നു എന്റെ കാലുകൾ വിറക്കുന്നുണ്ടായിരുന്നു എന്റെ കണ്ണുകൾ അവളെ നോക്കുവാൻ ശ്രമിക്കുന്നുണ്ടായിരുന്നു പക്ഷെ എന്റെ മനസ്സിനെ എന്റെ തലച്ചോർ കൊണ്ട് നിയന്ത്രിച്ചു ഞാൻ വണ്ടിയും എടുത്തു എങ്ങോട്ടെന്നില്ലാതെ പാഞ്ഞു എനിക്ക് ഉണ്ടായ സങ്കടവും ദേഷ്യവും എല്ലാം എന്റെ വലതു കയ്യിലേക്ക് ഇരച്ചു കയറി പെട്ടന്ന് അവളെ കണ്ടത് മുതൽ ഇന്ന് വരെ നടന്ന എല്ലാ സംഭവങ്ങളും എന്റെ കണ്ണിനു മുന്നിലൂടെ ഒരൊറ്റ നിമിഷം കൊണ്ട് സിനിമ പോലെ കണ്ടു പെട്ടെന്ന് എന്റെ കണ്ണിലേക്കു ഇരുട്ട് കയറുന്നതു പോലെ പെട്ടന്ന് എല്ലാം തന്നെ ഇരുണ്ടു എന്തൊക്കെയോ സംഭവിക്കാൻ പോകുന്നു എന്ന് മനസ്സിൽ ആരോ മന്ത്രിക്കുന്നു പെട്ടന്ന് എന്റെ വണ്ടി എവിടെയോ ഇടിച്ചു എന്നെനിക്കു മനസ്സിലായി എന്റെ തല ഏതോ ചില്ലിൽ ഓടിച്ചു അത് തകരുന്ന ഒരു ശബ്ദം ഞാൻ കേട്ടു എങ്ങും തന്നെ ഞാൻ നിന്നില്ല അവിടുന്ന് അതിശക്തിയായി ഞാൻ തെറിച്ചു പുറകു ഭാഗം എവിടെയോ ഇടിച്ചു