ഈ കഥക്ക് ഇത്രക്ക് സപ്പോട്ട് കിട്ടുമെന്ന് ഉദ്ദേശിച്ചതല്ല. എന്നെ പിന്തുണച്ച ഏല്ലാവർക്കും ഈ ഉള്ളവന്റെ നന്ദി രേഖ പെടുത്തുന്നു. പിന്നെ ഈ പർട്ട്‌ മുമ്പത്തേതിനെ പോലെ അത്ര നന്നായി ഇരിക്കില്ല അതെനിക് എഴുതിയപ്പോൾ തന്നെ മനസ്സിലായിരുന്നു. പക്ഷെ ഈ ഭാഗം ഇങ്ങനെ എഴുതാനെ എനിക് കഴിഞ്ഞുള്ളു. ഇതിൽ ധാരാളം പോരായ്മ ഉണ്ട്. പിന്നെ ഞാനീ കഥ എഴുതാനുള്ള കാരണം അവസാനത്തിൽ എഴുതുന്നുണ്ട് അത് പോലെ വേറെ ചില കാര്യങ്ങളും. 

എന്റെ മുഖത്തിന് പകരം കണ്ണാടിയിൽ കാണുന്നത് എന്റെ ഉറ്റ സുഹൃത്തായ ജോണിന്റെ മുഖമയിരുന്നു.

എന്റെ കയ്യും കാലും വിറക്കാൻ തുടങ്ങി.
എന്നെ പറ്റികാൻ വേണ്ടി ആരോ മാസ്ക് വെച്ചതാണ് എന്നു കരുതി ഞാൻ മുഖത്തെ തൊലി വലിച്ചു നൊകി. അല്ല മാസ്കല്ല

കാലുകൾ തളരാൻ തുടങ്ങി തലക്ക് ഭയങ്കരമായ പെരുപ്പ്, രക്തയോട്ടം എല്ലാം നിലച്ചതു പോലെ കണ്ണുകൾ അടയാൻ തുടങ്ങി. പാതി അടഞ്ഞ മിഴികളോടെ ഞാൻ ബാകിലോട്ട് പുറം അടിച്ചു വീണു.എന്റെ ശരീരം നിലം പതിക്കുന്നതിന് മുൻപ് തന്നെ ഞാൻഅബോധാവസ്ഥയിലേക് മറഞ്ഞിരുന്നു.

മുഖത്തു പല ഇടങ്ങളിലായി തണുപ്പ് വന്ന് പതിക്കുന്നതും ആരോ കവിളിൽ തട്ടുന്നതും അറിഞ്ഞിട്ടാണ് ഞാൻ കണ്ണുകൾ ചെറുതായി തുറക്കുന്നത്. അബോധാവസ്ഥയിൽ നിന്നും വെല്ലെ ഞാൻ ബോധത്തിലേക് വന്നു.

കണ്ണുകൾ തുറന്നതും ആരൊക്കെയോ എന്റെ ചുറ്റും നിൽക്കുന്നത് ഞാൻ കണ്ടു. എണീക്കാൻ നിന്നപ്പോളാണ് ഞാൻ ബെഡിൽ കിടക്കുകയാണ് എന്ന് മനസിലായത്.

“ വേണ്ട കിടന്നോ “. എന്റെ തൊട്ടരികിൽ ബെഡിൽ ഇരുന്നിരുന്ന ഡോക്ടർ എന്നോട് പറഞ്ഞു.

എന്റെ ചുറ്റും നിക്കുന്നവരെ ഞാൻ കണ്ണോടിച്ചു. ‘അമ്മ ജോണിന്റെ അമ്മ അച്ഛൻ ജോണിന്റെ അച്ഛൻ പിന്നെ ചാരുവും ഇവെരെല്ലാരും കൂടി ബെഡിന് അരികിലായി എന്നെയും വീക്ഷിച്ചോണ്ട് നിൽക്കുകയാണ്. പെണ്ണുങ്ങളുടെ മുഖത്തൊക്കെയും പേടിയും വിഷമവും നിഴലിക്കുന്നതായി മനസിലായി. പക്ഷെ അച്ഛൻ മാരുടെ മുഖത്ത് അശോസത്തിന്റെ കണികയാണ് കണ്ടത്.

“ ആരവ് നിന്നോട് കുറച്ചു കാര്യങ്ങൾ സംസാരിക്കാനുണ്ട് “. ഡോക്ടർ എന്നോട് പറഞ്ഞു.
“ നിങ്ങൾ മൂന്ന് പേരും പുറത്തു നിക്ക് “. അച്ഛൻ അമ്മയോടും ജോണിന്റെ അമ്മയോടും ചരുവിനോടും പുറത്തേക്ക് ഇറങ്ങാൻ പറഞ്ഞു. അവർ മൂന്ന് പേരും സക്ഷ്മൂമം എന്നെയും അച്ഛനെയും നോക്കിയിട്ട് റൂമിൽ നിന്നു പുറത്തേക്ക് ഇറങ്ങി.

അവർ പുറത്തേക് ഇറങ്ങിയതും നേരത്തെ സംഭവിച്ച കാര്യങ്ങൾ എന്റെ മനസിലേക് കടന്നു വന്നു. എനിക്കിപ്പോൾ എന്റെ പഴയ മുഖമല്ല അതു ജോണിന്റെ മുഖമാണ്. എന്റെ നിഴലായി നടന്നിരുന്ന രക്ത ബന്ധങ്ങൾക്കപ്പുറമുള്ള കൂടപ്പിറപ്പ് ഞാൻ ചിന്തിക്കുന്നത് പോലും മനസിലാക്കാൻ കഴിവുള്ള എന്നെ ഏറ്റവും കൂടുതൽ മനസിലാക്കിയ ജോണിന്റെ മുഖം.

ജോണിന്റെ മുഖമാണ് എനിക്കെന്നോർത്തതും ഹൃദയ മിടിപ്പ് ക്രമാതീതമായി കൂടി. കണ്ണുകളിലേക്കു ചോര ഇരച്ചു കയറി ശരീരത്തിലൂടെ വൈത്യുത പ്രവാഹങ്ങൾ പോയി കൊണ്ടിരുന്നു.അറിയാതെ കണ്ണുകൾ നിറയാൻ തുടങ്ങി. മനസ്സിൽ ഭയത്തോടൊപ്പം വിഷമവും അടിഞ്ഞു കൂടി.