❤️ദേവൻ ❤️part 24

Devan Part 24 | Author : Ijasahammed

[ Previous Part ]

 
 

ഒരുപാട് നാൾക്ക് ശേഷമാണ് ഇവിടെ വീണ്ടും.. ആദ്യം തന്നെ ഒരുപാട് ക്ഷമ ചോദിക്കുന്നു…

 

 

ഇതുകൂടെ കഴിഞ്ഞാൽ അടുത്ത പോസ്റ്റ്‌ കൂടെ ❤️ദേവൻ ❤️അവസാനിക്കുകയാണ്..

 

എഴുതാൻ പറ്റിയ ഒരു സിറ്റുവേഷൻ അല്ലായിരുന്നു..

എന്നാൽ ഇന്ന് സൈറ്റിൽ കയറിയപ്പോ ദേവനു വേണ്ടി ഇപ്പോഴും കാത്തിരിക്കുന്ന കുറച്ചു ആളുകളെ കണ്ടു.. അതിനാൽ എഴുത്തു തുടരുകയാണ്..

 

അല്ല അവസാനിപ്പിക്കുകയാണ്..

 

ഇനി ഒരു പോസ്റ്റ്‌ കൂടെ ണ്ടാവൊള്ളൂ ട്ടോ.. ഒപ്പം നിന്ന എല്ലാവർക്കും ❤️❤️❤️❤️❤️ഹൃദയത്തിൽ നിന്നും നന്ദി പറയുന്നു….

 

 

Part 24

കണ്ണ് തുറക്കുമ്പോൾ അടുത്ത് കാവ്യയുണ്ടായിരുന്നു..

” എന്താ നിന്റെ പ്ലാൻ..

ഇന്നലെ പറഞ്ഞതെല്ലാം തീരുമാനിച്ചുറപ്പിച്ചാണോ..? ”

അവൾ പുരികം ഉയർത്തി ചോദിച്ചു..

ഉള്ളിൽ ഉയർന്നു പൊന്തിയ ഭയത്തിന്റെ കണികകൾ ഉള്ളിലേക്ക് തന്നെ ആവാഹിച്ചുകൊണ്ട് ഞാൻ വെറുതെയൊന്നു മൂളി..

“തീർക്കണം എത്രയും വേഗം തന്നെ..

ഇനിയും അവനേ വെറുതെ വിടുന്നതിൽ അർത്ഥമില്ല..

എല്ലാം ഇതോടെ അവസാനിക്കണം..

ഈ ഭൂമിയിൽ ഒരാളുടെ മേലും അവന്റെയാ കണ്ണുകൾ ഇനി പതിയാൻ പാടില്ല..

അതിപ്പോ ഏത് അർത്ഥത്തിലായാലും..

ദേവൻ ചെയ്ത് തുടങ്ങിയത് ഞാൻ ഇന്ന് മുഴുമിപ്പിക്കാൻ പോകുവാണ്..”

 

ഭയത്തിന്റെ നിഴൽ എന്നിൽ നിന്നും മെല്ലെ അടർന്നുമാറുന്നത് ഞാനറിഞ്ഞു…

ഞാൻ ഉറക്കെ നിശ്വസിച്ചു..

 

ശ്വാസത്തിന്റെ
വേഗതകൂടിയതും അവളെന്നെ മുറുകെ പിടിച്ചു..

“ഒന്നും സംഭവിക്കാൻ പോണില്ലാ…

ഒന്നുകൊണ്ടും പേടിക്കേം വേണ്ടാ..

ഞാനുണ്ട് ഒപ്പം.. ഇത് അവസാനിക്കുവോളം എന്തിനും കൂടെ ണ്ടാകും..”