😈 Guardian Ghost 😈 part 8 (༆ കർണൻ(rahul)༆) 265

മൂന്നാമത്തെ വണ്ടി അന്വേഷിക്കുകയായിരുന്ന മിഖാ ഒരു അടച്ചിട്ട ഗോഡൗണിന് വെളിയിൽ ആ വണ്ടി കണ്ടെത്തി അവൻ പൂട്ടി ഇട്ടിരിക്കുന്ന ആ ഗോഡൗണിന് വെളിയിൽ നിന്ന് അകത്ത് ആരെങ്കിലും ഉണ്ടോ എന്നൊക്കെ പരിശോധിക്കുകയായിരുന്നു.

സാർ ക്യാമ്പാസിന് അടുത്ത് ഒരിക്കൽ കൂടെ അന്വേഷണം നടത്തിയതിൽ നിന്ന് ഒരു ക്ലൂ കൂടെ കിട്ടിയിട്ടുണ്ട്. അവിനാഷ് മിഖായോട് പറഞ്ഞു.

എന്ത് ക്ലൂ ആണ് കിട്ടിയത് അവിനാഷ്. മിഖായേൽ അത്യധികം ആകാംഷയോടെ ചോദിച്ചു.

സാർ ഇവിടെ ക്യാമ്പാസിന് അടുത്ത് ഉണ്ടായിരുന്ന ഒരു വിദ്യാർഥിയുടെ ഫോൺ ക്യാമറയിൽ ഒരു വിഷ്വൽ കിട്ടിയിട്ടുണ്ട്. അതിൽ നേത്രയെ തട്ടിക്കൊണ്ട് പോകുന്ന വിഷ്വൽസ് ആണ് ഉള്ളത്. അതിൽ ഉള്ള വിഷ്വൽസ് വച്ചു നോക്കുമ്പോൾ സാർ അന്വേഷിച്ചു പോയിരിക്കുന്ന വണ്ടിയിൽ ആണ് ആ കുട്ടിയെ കടത്തിക്കൊണ്ട് പോയിരിക്കുന്നത്. അവിനാഷ് പറഞ്ഞു.

ഒകെ അവിനാഷ് ആ വണ്ടി ഞാൻ ഇപ്പോൾ കണ്ടെത്തിയിട്ടുണ്ട് ഇവിടെ ഒരു അടഞ്ഞു കിടക്കുന്ന ഗോഡൗണിൽ ആണ് ആ വണ്ടി ഉള്ളത് ഞാൻ ഉള്ളിലേക്ക് പോകുവാണ് നിങ്ങൾ ഇങ്ങോട്ട് പോരെ. മിഖാ അത് പറഞ്ഞ് പൂട്ടി കിടക്കുന്ന ഗോഡൗണിന്റെ മതിൽ ചാടി കടന്നു.

സാർ രണ്ടാമത്തെ വണ്ടിയിൽ ഉണ്ടായിരുന്നവർ ആ കുട്ടിയെ റോഡിൽ ഉപേക്ഷിച്ചു വരുന്ന വഴിയാണ് നമ്മുടെ കയ്യിൽ പെട്ടത്. അതിൽ ഒരാൾ കുറ്റ സമ്മതം നടത്തി. ഞങ്ങൾ ആ കുട്ടിയെ ഇവർ ഉപേക്ഷിച്ച സ്ഥലത്തേയ്ക്ക് പോകുവാണ്. എത്രയും പെട്ടെന്ന് ആ കുട്ടിയെ റിക്കവർ ചെയ്യുന്നതായിരിക്കും സർ. കപൂർ മിഖായോട് പറഞ്ഞു.

ഒകെ ഗുഡ് ജോബ് കപൂർ. വണ്ടിയിൽ ബ്ലഡ്‌ സ്റ്റൈൻ കണ്ട സ്ഥിതിക്ക് ആ കുട്ടിയെ അവർ ഉപദ്രവിച്ചു കാണാൻ ചാൻസ് ഉണ്ട് സോ എത്രയും പെട്ടെന്ന് ആംബുലൻസിനെ അറിയിക്കുക. എത്രയും പെട്ടെന്ന് ആ കുട്ടിക്ക് വേണ്ട ട്രീറ്റ്മെന്റ്സ് ഏർപ്പടക്കുക. ഞാൻ ഉടനെ തന്നെ ഇവിടുന്ന് തിരിക്കുന്നതാണ്.

മിഖാ അതും പറഞ്ഞു തിരിഞ്ഞു നടക്കാൻ തുടങ്ങുമ്പോഴാണ് ആ പൂട്ടിയിട്ട ഗോഡൗണിനുള്ളിൽ നിന്ന് ആരൊക്കെയോ സംസാരിക്കുന്നത് അവൻ കേട്ടത്. സംശയം തോന്നിയ മിഖാ ആ ഗോഡൗണിന് അടുത്തേയ്ക്ക് പോയി.