…?ക്ഷെത്രീയൻ?️… [?????⚡] 263

പ്രിൻസിന്റെ ശബ്ദം ആ കോളേജിനെ മുഴുവൻ പ്രകമ്പനം കൊള്ളിച്ചു.ബോധ രഹിതനായി പ്രിൻസ് നിലംപതിച്ചു.

എന്താണ് നടന്നതെന്ന് അവിടെ കൂടി നിന്നവരും ജസ്റ്റിനും ഒരു നിമിഷം ആലോചിച്ചു.

തനിക്കുനേരെ വീശിയ പ്രിൻസിന്റെ കൈ വലതുകയ്യാൽ തടഞ്ഞുകൊണ്ട് ആ ചെറുപ്പക്കാരൻ അവന്റെ കൈ തന്റെ ഇടതു കയ്യിലേക്ക് തിരിച്ചു പിടിച് തന്റെ നടുവിരലും ചൂണ്ടുവിരലും കൂട്ടി പിടിച്ച് പ്രിൻസിന്റെ തൊണ്ടകുഴിയിൽ കുത്തി ഇറക്കി.രണ്ട് വട്ടത്തെ പിടച്ചലിനു ശേഷം അവൻ ബോധം വെടിഞ്ഞ് നിലംപതിച്ചു.

“””””ഡാ……… തന്റെ കൂട്ടുകാരന്റെ ചലനമില്ലാത്ത ശരീരം കണ്ട് കലി പൂണ്ട ജസ്റ്റിൻ ആ ചെറുപ്പക്കാരന്റെ ഇടം നെഞ്ചിൽ ആഞ്ഞു ചവിട്ടി. ചവിട്ടു കിട്ടിയ ആഗാധത്തിൽ ആ യുവാവ് പിന്നോട്ട് മറിഞ്ഞു വീണു. എന്നാൽ നിമിഷ നേരം കൊണ്ടവൻ കൈകൾ നിലത്തൂന്നി ചാടി നിവർന്നെണീറ്റു.

അപ്പോഴാണ് ജസ്റ്റിൻ ആ ചെറുപ്പക്കാരന്റെ വലം കയ്യിലേക്ക് നോക്കിയത്. നേവി ബ്ലൂ…ഫുൾ സ്ലീവ് ഷർട്ടണിഞ്ഞ ആ യുവാവിന്റെ കയ്യിൽ നിന്നും ഷർട്ട്‌ അൽപ്പം മുകളിലേക്ക് വലിഞ്ഞു കേറി നിന്നു.

പെട്ടന്ന് ജസ്റ്റിന്റെ മുഖത്ത് ഭയം വന്നു നിറഞ്ഞു. അവൻ ഒരടി പുറകിലേക്ക് വേച്ചു പോയി.

അത് കണ്ട് നിന്ന വിദ്യാർത്ഥികളും അവന്റെ കൂട്ടുകാരും ഭയന്നു.

✰✰✰✰✰✰✰✰✰✰✰✰✰✰✰✰✰✰✰