?എൻ്റെ ടീച്ചർ അഥവാ എൻ്റെ ചേട്ടത്തിയമ്മ 5 ?

Author : ADM

PREVIOUS PARTS

മുകളിലത്തെ ?കൊടുക്കാൻ മറക്കല്ലെട്ടോ……മിനിഞ്ഞാന്ന് ഞാൻ അപ്‌ലോഡ് ചെയ്തത് വായിച്ചവർ ഉണ്ടെങ്കിൽ ……വീണ്ടും വായിക്കാൻ താല്പര്യം ഇല്ലാത്തവരുണ്ടെങ്കിൽ നേരെ ക്ലൈമാക്സിലോട്ട് വിട്ടോ……..ഒന്നും പ്രതീക്ഷിക്കാതെ അല്ല…എന്തേലും പ്രതീക്ഷിച്ചു വായിച്ചോ…..അങ്ങനെയെങ്കിലും നിങ്ങളെയൊക്കെ പറ്റിക്കാൻ പറ്റുമല്ലോ…ഫസ്റ്റ് ഇമ്പ്രെഷൻ ഈസ് ദി ബേസ്ഡ് ഇമ്പ്രെഷൻ എന്നല്ലേ….അപ്പൊ ഇത് ടോട്ടലി മാറ്റിയാൽ അത് നിങ്ങൾക്ക് ദഹിക്കില്ല…..ബട്ട്….ഇനി അങ്ങോട്ട് നിങ്ങളുടെ മനസിലുള്ള ചോദ്യത്തിന് ഉത്തരങ്ങൾ ലഭിക്കും…..

അഭി ബൈക്കെടുത്തു ഒരു തവണ കൂടി എല്ലാരേയും തിരിഞ്ഞു നോക്കി കൊണ്ട് ആ ഗേറ്റും കടന്നു പോയി…..മുറ്റത്തു നിന്ന് കരഞ്ഞിരുന്നു അഭിയുടെ അമ്മയുടെ അടുത്തേക്ക് അമ്മു വന്നു അമ്മയെ കെട്ടിപ്പിടിച്ചു കരയാൻ തുടങ്ങി…..ആർക്കും തമ്മിൽ സംസാരിക്കാൻ കഴിയാത്ത അവസ്ഥയായിരുന്നു അത്…’അമ്മ എല്ലാരേയും ഒന്ന് തിരിഞ്ഞു നോക്കി…മേമയുടെ തോളിൽ കിടന്നു കരയുന്ന ആര്യയെ നോക്കി കൈകൂപ്പിക്കൊണ്ട് അമ്മ പോയി കാറിൽ കയറി പിന്നാലെ അമ്മുവും  …….. ആരോടും ഒന്നും സംസാരിക്കാതെ………

പിന്നാലെ നിറകണ്ണുകളോടെ എല്ലാവരെയും അഭിമുകീകരിച്ചു കൊണ്ട് അഖിയേട്ടനും വണ്ടിയിൽ കയറി……അത് കണ്ട സൂര്യയും പെട്ടെന്ന് തന്നെ നിന്ന നിൽപ്പിൽ കണ്ണുനീർ തുടച്ചു കൊണ്ട് വണ്ടിയിലേക്ക് നടക്കാൻ ആഞ്ഞതും …….

ശിവകുമാർ (സൂര്യയുടെയും ആര്യയുടെയും അച്ഛൻ ) :”നീ എങ്ങോട്ടാ ……….”

ഒന്നും മിണ്ടാതെ അച്ഛന്റെ മുഖത്തോട്ട് തറപ്പിച്ചു നോക്കിയ അവളോട് അച്ഛൻ തുടർന്ന്

“ഇത്രയും വൃത്തികെട്ട ആൾക്കാരുള്ള ആ വീട്ടിൽ ഇനി നിനക്ക് താമസിക്കണോ……….കയറിപ്പൊടി അകത്തു”

അതിനു അച്ഛനെ ഒന്ന് നോക്കിക്കൊണ്ട് സൂര്യ വീണ്ടും വണ്ടിയുടെ അടുത്തേക്ക് നടക്കാൻ ആഞ്ഞതും

എല്ലാവരും തടഞ്ഞു …….. മേമയും അമ്മാവന്മാരും  ഒക്കെ ഒരേ സ്വരത്തിൽ സൂര്യയോട് പോകരുതെന്ന് പറഞ്ഞു……

“ദാ …………ഇത് ഈ നിൽക്കുന്ന കൂട്ടത്തിലെ ആരെങ്കിലും ഇതൊന്നു പൊട്ടിച്ചു തന്നാൽ ഞാൻ ഇവിടെ തന്നെ നിന്നോളം …” ലോക്കറ്റ് ഘടിപ്പിച്ച താലിമാല അവർക്കു നേരെ നീട്ടിക്കൊണ്ട്  സൂര്യ അവരുടെ മുന്നിൽ നിന്ന് കരഞ്ഞു ……