?എൻ്റെ ടീച്ചർ അഥവാ എൻ്റെ ചേട്ടത്തിയമ്മ 5 ?[ADM] 1439

കാറിൽ നിന്നിറങ്ങിയ അഖിയെയും സൂര്യയെയും അമ്മയെയും അമ്മുവിനെയും ഒകെ അയാൾ ദേഷ്യത്തോടെ നോക്കി…………..

അകത്തേക്ക് കയറാൻ നോക്കിയതും

“എങ്ങോട്ടാ എല്ലാരും കൂടി ”

“അതുപിന്നെ ശിവേട്ട ………………”അമ്മയ്ക്ക് മുഴുവിപ്പിക്കാൻ പറ്റിയില്ല

“നിങ്ങളെ ആരെങ്കിലും ഇങ്ങോട്ട് ക്ഷണിച്ചോ………….എന്തിനാ എല്ലാരും കൂടെ ഇപ്പൊ ഇങ്ങോട്ട് എഴുന്നള്ളിയത് ……… ഇത് വരുന്നവർക്കും പോകുന്നവർക്കും കയറി നിറങ്ങാനുള്ള സ്ഥലമല്ല” അമ്മയുടെ മുഖത്തേക്ക് തറപ്പിച്ചു നോക്കിക്കൊണ്ട് ശിവകുമാർ പറഞ്ഞു നിർത്തി……

“ശിവേട്ടാ………..”അയാളുടെ മുൻകോപത്തെ എതിർത്തുകൊണ്ട് അയാളുടെ ഭാര്യ അയാളെ വിളിച്ചു..

“എന്താടി……..കയറിപ്പൊടി അകത്തേക്ക്………….. കുടുംബം കലക്കാൻ ഓരോരുത്തർ വന്നോളും ………”അയാൾ ഭാര്യയുടെ നേരെ ഉറഞ്ഞു തുള്ളിക്കൊണ്ട് ലക്ഷ്മി അമ്മയുടെ മുഖത്തേക്ക് നോക്കി പറഞ്ഞു………

കേൾക്കാൻ അർഹതപ്പെട്ടപോലെ ലക്ഷ്മിയമ്മ എല്ലാം കണ്ണടച്ച് കേട്ട് നിന്നു…….അമ്മയ്ക്ക് പുറകിലായി ഒന്നും ചെയ്യാൻ കഴിയാത്തവനെ പോലെ നിന്നിരുന്ന അഖിയുടെ കയ്യിൽ തൂങ്ങി അമ്മുവും വിറങ്ങലിച്ചു നിൽക്കുന്നുണ്ടായിരുന്നു…………

പക്ഷെ അവിടുന്നങ്ങോട്ട് അച്ഛനെയും അമ്മയെയും സൈഡ് ആക്കി കൊണ്ട് സൂര്യയുടെ കയ്യിൽ ബോൾ വന്നു

“പോകാൻ തന്നെയാ വന്നത്……….അതിനു മുൻപ് എനിക്കിവളോട് കുറച്ചു ചോദ്യം ചോദിക്കാനുണ്ട്” ശബ്ദം കേട്ട് തയേക്ക് വന്നു വാതിൽ പടിയിൽ നിൽക്കുന്ന ആര്യയെ നോക്കി സൂര്യ പറഞ്ഞു…..

“ഇവിടെ ആർക്കും ഒന്നും കേൾക്കണ്ട………ദയവു ചെയ്ത കുറച്ചെങ്കിലും മാനം ഉണ്ടെങ്കിൽ ഇറങ്ങിപ്പോകണം ”

“ഇറങ്ങി പോകാൻ തന്നെയാ വന്നത്………പക്ഷെ അത് ഞങ്ങൾക്ക് സംസാരിക്കാനുള്ളത് സംസാരിച്ചിട്ടേ പോകൂ …………അച്ഛന്റെ മൂത്ത മോളാ ഈ പറയുന്നേ ”

വാശിയിൽ സൂര്യയെ തോൽപ്പിക്കാൻ കഴിയില്ലെന്നുറപ്പുള്ള ശിവകുമാർ മെല്ലെ മാറി തിണ്ണയിലോട്ടിരുന്നു ……….

മുറ്റത്തു തന്നെ നിന്നിരുന്ന അമ്മയെയും അഖിയെയും മറികടന്നു സൂര്യ ഉമ്മറത്തേക്ക് കയറി നേരെ ആര്യയുടെ അടുത്തേക്ക് പോയി…………..അവളുടെ മുഖത്തേക്ക് നോക്കി……..ആ നോട്ടം താങ്ങാൻ ആവാതെ അവൾ തായെക്ക് നോട്ടം മാറ്റി……