?കരിനാഗം 13? [ചാണക്യൻ] 311

ഈ ശരീരം രുദ്രരൂപയ്ക്ക് വല്ലാതെ ഇഷ്ട്ടപ്പെട്ടു.

തന്റെ നഷ്ട്ടപ്പെട്ടു പോയ ഊർജവും കഴിവുകളും സിദ്ധികളും ഒക്കെ തിരികെ വരുന്നതായി രുദ്രരൂപ മനസിലാക്കി.

കരിനാഗ രാജകുമാരനെ അതും ശേഷ നാഗത്തിന്റെ അംശാവതാരത്തെ കൊലപ്പെടുത്തുമെന്ന ഉഗ്ര ലക്ഷ്യത്തോടെ രുദ്രരൂപ മുഷ്ടി ചുരുട്ടി വായ് തുറന്നു പിടിച്ചു അലറി.

ആാാാാഹ്ഹ്ഹ്ഹ്ഹ്

രുദ്രരൂപയുടെ അലർച്ച അവിടമാകെ മുഴങ്ങി.

പ്രകമ്പനം പോലെ.

ക്രോധത്തോടെ കലി തുള്ളി നിൽക്കുന്ന രുദ്രരൂപയുടെ കണ്മുന്നിൽ പെട്ടത് ആ ചെറുപ്പക്കാരൻ ആയിരുന്നു.

അൽപം മുന്നേ ഒരു നാരിയെ കൊലപ്പെടുത്താൻ ശ്രമിച്ച, മർദിച്ചു അവശരാക്കിയ അവരെ വെറുതെ വിടാൻ പാടില്ലെന്ന് അവൾ ഉഗ്ര ശപഥം എടുത്തു

ആ ചെറുപ്പക്കാരൻ നോക്കി നിൽക്കെ രുദ്രരൂപ തന്റെ കൈകളിൽ ചിന്മുദ്ര പതിപ്പിച്ചു.

ഉടനെ തന്നെ അവൾ തന്റെ സർപ്പ രൂപം കൈ വരിച്ചു.

ദ്രുത ഗതിയിൽ ഭീമാകാരമായ രുദ്രരൂപയുടെ ഉടൽ കണ്ടു ആ ചെറുപ്പക്കാരന് സ്വബോധം നഷ്ടപ്പെടുന്ന പോലെയായി.

സർപിനി ആയി മാറിയ രുദ്രരൂപ അരിശത്തോടെ നാവു നീട്ടി ശീൽക്കാരം പുറപ്പെടുവിച്ചു.

ശേഷം തന്റെ വായ് പരമാവധി തുറന്ന് ആ ചെറുപ്പക്കാരനെ ശിരസ്സിൽ പിടുത്തമിട്ടു.

അതുകൊണ്ട് വായുവിലേക്ക് ഉയർന്ന രുദ്ര കലിയോടെ ആ ചെറുപ്പക്കാരന്റെ ശിരസ്സറ്റ ദേഹം ദൂരേക്ക് വലിച്ചെറിഞ്ഞു.

ഡീസൽ കാനുമായി തിരികെ പോരവേ ആകാശത്ത് നിന്നും തങ്ങളുടെ കണ്മുന്നിൽ പതിച്ച തലയില്ലാ ശരീരം കണ്ടു അവർ ഇരുവരും ഞെട്ടി വിറച്ചു.

മുന്നിലേക്ക് നോക്കിയ ചുവന്ന ഷർട്ടുകാരനും അനസും കാണുന്നത് അൽപം ദൂരെയായി ഉറഞ്ഞു തുള്ളുന്ന ആകാശം മുട്ടെ വലിപ്പമുള്ള ഒരു സർപ്പത്തെയായിരുന്നു.

ആ കാഴ്ച കണ്ട ഇരുവരുടെയും കണ്ണുകൾ അപ്പൊ തന്നെ തള്ളി താഴെ വീഴുമെന്ന അവസ്ഥയിൽ ആയിരുന്നു.

അടങ്ങാത്ത ക്രോധവുമായി മുന്നിലേക്ക് നോക്കിയ രുദ്രരൂപ കണ്ടത് വിറച്ചു കൊണ്ടിരിക്കുന്ന അവർ ഇരുവരെയുമായിരുന്നു.

ശീൽക്കാരത്തോടെ അവർക്ക് നേരെ രുദ്ര ചീറിയടുത്തു.

അവർക്ക് പിന്തിരിഞ്ഞോടാൻ പോലും തെല്ലിട കൊടുക്കാതെ തന്റെ ഭീമാകാരമായ വാൽ ചുഴറ്റിക്കൊണ്ട് അവരെ പ്രഹരിച്ചു.

വാൽ കൊണ്ട് കനത്ത പ്രഹരം കിട്ടിയ ഇരുവരും ദൂരേക്ക് തെറിച്ചു വീണു.

ദണ്ഡിന് സമാനമായ രുദ്രരൂപയുടെ വാൽ കൊണ്ടുള്ള പ്രഹരം അവരുടെ ദേഹത്തെ എല്ലുകളും വാരിയെല്ലുകളും വരെ താറു മാറാക്കി.

എല്ലു നുറുങ്ങുന്ന വേദനയോടെ രക്തം ഛർദിച്ചുകൊണ്ടു അവർ ഒന്നനങ്ങാൻ പോലുമാകാതെ കിടന്നു.

അനാഥ ശവങ്ങളെ പോലെ.

എന്നിട്ടും കലി തീരാതെ ഇഴഞ്ഞു വന്ന രുദ്രരൂപ തന്റെ കൊടിയ വിഷം അവർക്ക് നേരെ തുപ്പി.

ആസിഡിനേക്കാൾ മാരകമായ രുദ്രയുടെ സർപ്പ വിഷമേറ്റതും അവർ പൊടുന്നനെ കത്തി ചാമ്പലായി.

മുന്നെണ്ണവും തീർന്നതും രുദ്രരൂപ തന്റെ മാനവ രൂപം തിരികെ സ്വീകരിച്ചു.