?കരിനാഗം 13? [ചാണക്യൻ] 311

അറിയാതെ പറ്റി പോയതാ ചേട്ടന്മാരെ….. നിങ്ങൾ പാർട്ടിയെ ചതിച്ചത് സഹിക്കാൻ പറ്റിയില്ല എനിക്ക്….. അതാ

അതും പറഞ്ഞു തീരും മുന്നേ അടുത്ത അടി ആ പെൺകുട്ടിയുടെ മറു കവിളിൽ കിട്ടിയിരുന്നു.

അടി കൊണ്ട മാത്രയിൽ അവൾ ബോധം കെട്ടു വീണു.

നിലത്ത് വീണവളുടെ അനക്കം ഒന്നും ഇല്ലാത്തതിനാൽ അയാൾ അവൾക്ക് സമീപം നടന്നെത്തി.

ശേഷം കുഞ്ഞിഞ്ഞിരുന്ന് വിരൽ ആ പെണ്ണിന്റെ മൂക്കിൻ തുമ്പത്ത് പിടിച്ചു.

ചത്തെടാ ഈ ഒരുമ്പെട്ടവൾ…… നാശം

അയ്യോ ഇനി എന്ത് ചെയ്യും?

കൂട്ടത്തിലെ രണ്ടാമൻ ചോദ്യമെറിഞ്ഞു.

എന്ത് ചെയ്യാൻ കുഴിച്ചു മൂടാം….. അല്ലേൽ വേണ്ട ടാ അനസേ നീ വാനിന്റെ ഡിക്കി തുറന്ന് ഡീസൽ എടുത്തോണ്ട് വാ

ചുവന്ന ഷർട്ട് ഇട്ടവന്റെ ആജ്ഞ കേട്ടതും അനസ് എന്ന് പറയുന്നവൻ ഡീസൽ എടുക്കുവാനായി വാനിനു സമീപം പാഞ്ഞു.

ഡാ….. നമുക്ക് ആ പൊന്തക്കാടിന് അടുത്തു വച്ചു ഈ ശവത്തെ കത്തിക്കാം…. വാ പിടിക്ക്

ദൂരേക്ക് കാർക്കിച്ചു തുപ്പിക്കൊണ്ട് ചുവന്ന ഷർട്ടുകാരൻ അറപ്പോടെ ആ പെണ്ണിന്റെ ശവം എടുത്തു പൊന്തിച്ചു.

മൂന്നാമനും അതിനായി സഹായിച്ചു.

ആ പെണ്ണിനേയും കൊണ്ടു അവർ അൽപം മുന്നിലുള്ള പൊന്തക്കാടിനു ഉള്ളിലെത്തി.

നിലത്ത് കരിയിലകൾക്ക് മുകളിൽ ആ മൃതദേഹം കിടത്തി.

ഈ മൈ₹%&* എവിടെ പോയി കിടക്കുവാ…… ഇവനെന്താ ഡീസൽ ഉണ്ടാക്കാൻ പോയിരിക്കുവാണോ?

ചുവന്ന ഷർട്ടുകാരൻ പിറു പിറുത്തുകൊണ്ടു അനസിനെ തേടി പോയി.

മൂന്നാമനെ അവിടെ കാവൽ നിർത്തിട്ട്.

ഇതു തന്നെ പറ്റിയ സമയം എന്ന് മനസിലാക്കിയ രുദ്രരൂപ കഷ്ടപ്പെട്ട് ആ പെൺകുട്ടിക്ക് സമീപം ഇഴഞ്ഞു.

അത്രമേൽ ക്ഷീണിതയായിരുന്നു രുദ്രരൂപ അപ്പോൾ.

ഒരുപക്ഷെ ഈ ശരീരം ഇന്ന് ലഭിച്ചില്ലായിരുന്നേൽ രുദ്രരൂപയുടെ അന്ത്യം പോലും ചിലപ്പോൾ സംഭവിക്കുമായിരുന്നു.

ചുറ്റും തല തിരിച്ചു നോക്കിക്കൊണ്ടിരുന്ന മൂന്നാമൻ താഴേക്ക് നോക്കിയപ്പോഴാണ് ആ കാഴ്ച്ച കണ്ടത്.

ആ പെണ്ണിന്റെ മൃതദേഹത്തിന് നേരെ കഷ്ടപ്പെട്ട് ഇഴയുന്ന ഒരു പാമ്പ്.

പാമ്പിനെ കണ്ടു ഭയന്ന അയാൾ പിറു പിറുത്തു.

ശൂ………….ശൂ………… പാമ്പ്……… പോ പാമ്പേ

താഴെ കിടക്കുന്ന ചുള്ളിക്കമ്പ് എടുത്തു പാമ്പിനു നേരെ എറിയാൻ നോക്കി.