💘 സ്വർഗ്ഗം 💘 7[ꫝ𝚓𝚎𝚎𝚜𝚑] 404

 

“അച്ഛാ…”

 

സൂര്യനായി തഴുകി ഉറക്കമുണർത്തുമെൻ യച്ഛനെയാണെനിക്ക് ഇസ്ട്ടം… ഞാനൊന്ന് കരയുമ്പോൾ അറിയാതെ ഉരുകുമെൻ യച്ഛനെയാണെനിക്ക് ഇസ്ട്ടം…!”

 

“അച്ഛാ…”

 

“എടാ… ഡ്യൂപ്ലിക്കേറ്റ് ഇന്ത്യൻ കഴുവേർടെ മോനെ…”

 

“എന്തോ…”

 

“ഞാൻ വീട്ടിൽ ചെന്നിരുന്നു, നിന്റെ അമ്മ പറഞ്ഞാ അറിയണേ., നീ പെണ്ണും കെട്ടി കുടുംബായി ജീവിക്കുവാന്ന്…! പിന്നെ മോളെ എനിക്കറിയാലോ…, ഏത്…?”

 

“മ്മ്…”

 

“അവളേന്ന് തന്നെ നമ്പറും വാങ്ങി മോളെ വിളിച്ചു, പിന്നിവിടെ എത്തി…! പിന്നെ പറ സുഖല്ലേ നിങ്ങൾക്ക്…?”

 

“അഹ് അങ്ങനെ ഇങ്ങനൊക്കെ അങ്ങ് പോണ്…”

 

“മോളുണ്ടല്ലോ…!”

 

അതിന്റെ ഇടയിൽ കൂടെ തന്ത എനിക്കിട്ടൊന്ന് വച്ചിരുന്നു.

 

“അമ്മ അങ്ങോട്ട് വിളിക്കാത്തതിൽ നീ വിഷമിക്കുവൊന്നും വേണ്ടടാ, നിനക്ക് ഉത്തരവാദിത്യം ഇങ്ങനെയെങ്കിലും വരൂന്ന അവരുടെ വാദം…!”

 

മ്മ് ഉത്തരവാദിത്തം അതും എനിക്ക്… ഈശിപൂശി…

 

“bytha bye dad, തങ്ങൾ grandpa ആവാൻ പോവുവാണ്, happy ആയില്ലേ ഏഹ്…?”

 

“അറിഞ്ഞു…!”

 

“ഞാനേ ഇപ്പഴാ അറിഞ്ഞേ…! അപ്പൊ പിന്നെ അച്ഛനെങ്ങനേ…?”

 

“അത് മോള് വിളിച്ചിരുന്നു, ചെറിയൊരു സംശയമാണ്. ഹോസ്പിറ്റലിൽ പോയി ഉറപ്പിക്കണം എന്നും പറഞ്ഞിരുന്നു. പക്ഷെ കേട്ട പാതി നിന്റമ്മ ഉറപ്പിച്ചു കഴിഞ്ഞിരുന്നു…!”

 

ഇതിനിടക്ക് ഹോസ്പിറ്റലിലും പോയോ ഇവള്…? അവളെ പിന്തിരിഞ്ഞ് നോക്കുമ്പോ, ആളെ കാണാനില്ല…! But അടുക്കളയിൽ പാത്രങ്ങൾ വീണുടയുന്നുണ്ട്…

 

“മ്മ്…”

 

”നീ വിഷമിക്കല്ലേടാ, നിങ്ങളെ കൂട്ടിട്ട് പോവാൻ ഞങ്ങള് നല്ലൊരു ദിവസം നോക്കി ഇങ്ങ് എത്തും…!”

 

ദത് മതി ദത് മതി… മനസ്സ് നിറഞ്ഞു., കൊറേ കാലം കൊണ്ടുള്ള കാത്തിരിപ്പ് ആണേ… ഞാനൊന്നും കളഞ്ഞിട്ടല്ല…!

 

“പിന്നെന്റെ പൊന്ന് മോനോട് ഒന്ന്, ഇതുവരെ നല്ല സുഖമല്ലായിരിന്നോ., ഇനിയാണ് കഷ്ടപ്പാടും, കഷ്ട്ടകാലവും തുടങ്ങാൻ പോണത്…!”

 

“മനസ്സിലായില്ല…!”

 

“നീയും നിന്റെ ചേച്ചിയും അമ്മയുടെ വയറ്റിൽ ആയിരുന്ന സമയത്ത്…. ഉഫ് എന്റെ തെക്കുള്ള അപ്പുപ്പാ…! അഹ്, അതൊക്കെയൊരു കാലം…”

 

“അതിന് അമ്മയെ പോലെയല്ലല്ലോ എന്റെ കീത്തു., ദേ നോക്ക്‌ daddy, എന്റെ കീത്തു പാവാ…!”

 

മറുപടി അച്ഛനൊരു ചിരിയിലാണ് ഒതുക്കി കളഞ്ഞത്. പൈശാചികമായ ചിരി…! കൊടുമൺ പോറ്റിയുടെ ചിരി…!

 

ടിങ്… ടിങ്… ടിങ്…

 

Daddy പറഞ്ഞത് അച്ചിട്ടായി…, ഒന്ന്., ഞങ്ങളിപ്പോ എല്ലാം മറന്ന് ഹാപ്പി ആയിട്ട് ഒരുമിച്ചാണ്…!