💘 സ്വർഗ്ഗം 💘 2 [ꫝ𝚓𝚎𝚎𝚜𝚑] 131

 

“പോടാ., ഞാൻ പാവോല്ലേ…?”

 

“പിന്നെ… പാവം, പാവം… രാക്ഷസി…!”

 

“നിന്റെ മാത്രം…!”

 

ചോര കിനിഞ്ഞിറങ്ങുന്ന അധരങ്ങളെ, അവൾ വീണ്ടും പേരിന് കൂടി ഒരിറ്റ് ദാക്ഷണ്യം കാട്ടാതേ നുകർന്നിരുന്നു… ആവോളം… ആസ്വദിച്ച്… പിന്നീട് എപ്പഴോ മയക്കത്തിലേക്കും…!

 

അപ്പോഴും ആ വേദനയിൽ ആശ്വാസം പോലവളെ ഞാൻ ചേർത്ത് പിടിച്ചിരുന്നു. ഉറക്കത്തിൽ പോലും കൂടുതൽ കൂടുതൽ അവളും എന്നെ ചേർന്നിരുന്നു…!

 

 

💘 സ്വർഗ്ഗം 💘

 

 

ഇവിടൊരാളെ പേടിച്ച് നേരത്തേ എഴുന്നേറ്റു, അതും നല്ല നിറഞ്ഞ ചിരിയോടെ., എന്ന കാണണ്ട ആള് അടുത്തില്ലായിരുന്നു…!

 

ബാത്‌റൂമിൽ വെള്ളം വീഴുന്ന ശബ്ദം കേട്ടിരുന്നു. ഇന്ന് ജോലിക്ക് പോവേണ്ടത് അല്ലേ, പാവം…

 

അരമുക്കാ മണിക്കൂർ ഉറങ്ങാതെ തന്നെ കിടന്നു, അപ്പോഴും ചിരിയും ഒപ്പമുണ്ടായിരുന്നു. ഇനി ഇതില്ലാത്തതിന്റെ പേരിൽ ആ മുഖം വീർക്കണ്ടാന്ന് വച്ചൂ., അല്ലാതെ പേടിച്ചിട്ട് ഒന്നുമല്ല.

 

“പൊന്നുവേ… Gud morning…”

 

“അഹ്…!”

 

“എന്താരു ഉഷാർ ഇല്ലാത്ത പോലെ…? എന്ത് പറ്റി…?”

 

“ഇന്നലത്തെ hangover., നല്ല വേദന ഉണ്ടെടി ഇപ്പോഴും…”

 

“അതൊക്കെ മാറൂട്ടോ…”

 

അമ്മയായി അവളൊരു വേള തലമുടിയിൽ തഴുകുകയും, അതേപോൽ എന്റെ നെറ്റിയിൽ അമർത്തി ചുംബിക്കുകയും ചെയ്തിരുന്നു.

 

“നീ എന്താ ഇങ്ങനെ ചാടി ചാടി നടക്കണേ…?”

 

പൊട്ടി വന്ന ചിരിയേ അടക്കി നിർത്തി ഞാൻ തിരക്കി.

 

“പോടാ ദുഷ്ട്ടാ…”

 

“ഏഹ്., അതിനിപ്പോ ഞാനെന്ത് പിഴച്ചു…”

 

“നിനക്കറിയാലോ…? പിന്നെന്തിനാ എടുത്ത് ചോദിക്കണേ…?”

 

“ചുമ്മാ…!”

 

“കുമ്മാ., യ്യോ…”

 

“എന്താടി…?”

 

തലയിൽ കൈയും വച്ച് കണ്ണും പെരുപ്പിച്ച് കേറ്റിയവൾ വിളിക്കുമ്പോ, കാര്യം എന്താണെന്നറിയാതെ ഞാൻ പതറി പോയിരുന്നു.

 

”ഷീറ്റ് കഴുകി ഇടാൻ വിട്ടുപോയി… ഞാൻ എഴുന്നേറ്റപ്പോ ഇത്തിരി വൈകിപ്പോയടാ… നിന്നെ വിളിക്കാത്തത് നീ നല്ല ഉറക്കായിരുന്നു…!”

 

“അതിനിപ്പോ എന്താ…?”

 

“ഇനിയിത് കഴുകി കൊണ്ട് നിക്കാനുള്ള നേരമില്ല. ഇപ്പൊ തന്നെ മണി ഒൻപത് ആയി…!”

 

“ഏഹ് ഒൻപതോ…?”

 

ഞെട്ടി പിടഞ്ഞെഴുന്നേറ്റു, അതിന്റെ കാര്യമൊന്നുമില്ല… പിന്നെ., എന്തിനാ ഏതിനാ എന്നൊന്നും നോക്കാതെ ചാടി കടിച്ച് കളയും എന്റെ ഭാര്യ…! എന്റെ ഭാര്യ ശൂപ്പറാ…

 

“പട്ടിണി കിടക്കേണ്ടി വരോ വാവേ…?”

 

“നിന്നെ ഞാൻ പട്ടിണിക്ക് ഇടോ പൊന്നുവേ…? ഇപ്പഴത്തേക്ക് ഉള്ളത് ഞാനുണ്ടാക്കി വച്ചിട്ടുണ്ട്., ഉച്ചക്ക് നീ അങ്ങ് വരണേ… കാന്റീനീന്ന് ഒരുമിച്ച് കഴിക്കാം…!”