?The Hidden Face 7 ? [ പ്രണയരാജ] 1377

നാളെ തനിക്കോ എനിക്കോ ഒരു മനം മാറ്റം വരരുതല്ലോ….

എനിക്കു വരില്ല, അതുറപ്പാ… എനി തനിക്കെങ്ങാനും വന്നാ… ആ ദേഷ്യത്തിന് വയ്യാതെ കിടക്കുന്ന തൻ്റെ അമ്മയെ ഉപദ്രവിച്ച് തന്നെ കൊണ്ട് ഡിവോർസ് വാങ്ങാ എന്നതൊക്കെ ഒരു ചീപ്പ് പരിപാടി ആവില്ലെ

ഒരു താക്കീതായി പറഞ്ഞതാണെങ്കിൽ കൂടി അത് നല്ല പോലെ ഏറ്റിരുന്നു..

അതൊന്നും വേണ്ട, മാഡം മറ്റാരെയെങ്കിലും കെട്ടിക്കോ…

എനിക്കതൊന്നും പറ്റില്ല , ഇലക്കും മുള്ളിനും കേടുവരാത്ത രീതിയിൽ തന്നെ കൊണ്ട് ആവുമെങ്കിൽ ഈ കല്യാണം മുടക്കിക്കോ എനിക്കു പ്രശ്നം ഇല്ല.

ആ പിന്നെ ഒരു കാര്യം. താൻ എന്തെങ്കിലും ചെയ്ത്, എൻ്റെ അമ്മ കടുംകൈ വല്ലതും കാണിച്ചാൽ താൻ ഓർത്തോ തൻ്റെ അമ്മയുടെ മരണം എൻ്റെ കൈ കൊണ്ടാവും.

സത്യത്തിൽ അവനെ ധർമ്മ സങ്കടത്തിൽ പെടുത്തിയപ്പോ ഞാൻ സന്തോഷിക്കുകയായിരുന്നു. ഇലക്കും മുള്ളിനും കേടില്ലാതെ അമ്മയുടെ പ്രശ്നം പരിഹരിച്ചതിൽ. പുറത്തു നിന്നും അമ്മ വിളിച്ചപ്പോ ഞാൻ പറഞ്ഞു

ദാ… വരുന്നു…

അപ്പോ താൻ എന്തു തീരുമാനിച്ചു.

മുടക്കുന്നുണ്ടേ വേഗം നോക്ക്, അല്ലേ പോയി വസ്ത്രം മാറാൻ നോക്ക്.

തല കുനിച്ചു കൊണ്ട് അവൻ പുറത്തേക്കു പോയപ്പോ എനിക്കുറപ്പായിരുന്നു അവൻ വസ്ത്രം മാറാൻ പോയതായിരിക്കും എന്ന് അതു കൊണ്ട് തന്നെ, ഞാനും വേഗം വസ്ത്രം മാറി വന്നു. ഞാൻ പ്രതീക്ഷിച്ച പോലെ അരവിന്ദനും വന്നു.

ഞങ്ങൾ രജിസ്ട്രർ ഓഫിസിലെത്തി ഭാര്യാ ഭർത്താവാകാൻ ഒപ്പിട്ടു. അമ്മയും മറ്റാരോ ഒരാളും സാക്ഷി ഒപ്പിട്ടു. അതു കഴിഞ്ഞതും അമ്മ ഒരു താലി എടുത്ത് അരവിന്ദൻ്റെ കയ്യിൽ കൊടുത്തു. പക്ഷെ ആ  താലി വാങ്ങിയ അരവിന്ദൻ ആദ്യമായി എന്നെ രൂക്ഷമായി നോക്കി.

എതായാലും നനഞ്ഞു എന്നാ കുളിച്ചു കയറാം എന്നായിരുന്നു എൻ്റെ മനോഭാവം അതു കൊണ്ട് തന്നെ ഞാൻ തല കുനിച്ചതും അമ്മ അരവിന്ദനോട് കെട്ടാൻ പറയുന്നത് കേൾക്കാം. ആ താലി എൻ്റെ കഴുത്തിൽ മടിച്ചു കൊണ്ടവൻ ചാർത്തി. പിന്നെ പൂമാലയും ബൊക്കയും മാറ്റി ഒരു ഫോട്ടോയും എടുത്ത് അമ്മയെ വീട്ടിൽ ഇറക്കി, നേരെ പോയി എഗ്രിമെൻ്റ്  ഉണ്ടാക്കി ഒപ്പിട്ടു. ഒന്ന് എൻ്റെ കയ്യിലും ഒന്ന് അരവിന്ദൻ്റെ കയ്യിലും.