?The Hidden Face 7 ? [ പ്രണയരാജ] 1377

അവനെ ഒക്കെ, കെട്ടാൻ ഒരു പെണ്ണും തയ്യാറാവില്ല.

എന്തായാലും ആ പൊട്ടന് ലോട്ടറി അടിച്ചു.

ഛി നിർത്തെടാ… നായെ,

എൻ്റെ ഭർത്താവിനെ കുറിച്ച് എനിയൊരക്ഷരം പറഞ്ഞാ നിൻ്റെ കരണക്കുറ്റി ഞാൻ അടിച്ചു പൊട്ടിക്കും.

അവളുടെ സംഹാരരൂപം കണ്ട് , ചന്ദ്രഗാന്ദും ഒരു നിമിഷം ഞെട്ടി.

അതെൻ്റെ മുറച്ചെറുക്കനാ… ഞാൻ ഇഷ്ടപ്പെട്ടു കെട്ടിയതും അതിനു നിനക്കെന്താടാ…

അവനെ പറ്റി വെറുതെ ഓരോന്നു പറഞ്ഞാൽ ചിലപ്പോ ഞാൻ നമ്മൾ തമ്മിലുള്ള സൗഹൃദം മറന്നെന്നു വരും. അതു തനിക്കു കേടാ..

അതു കൂടെ ആയപ്പോൾ ഒന്നും പറയാതെ എരിയുന്ന കനലും നെഞ്ചിലേറ്റി , ചന്ദ്രഗാന്ദ് ആ കാമ്പിൻ വിട്ടിറങ്ങി. പുറത്ത് തന്നെ ഉറ്റു നോക്കുന്ന പോലീസുക്കാരോട് തൻ്റെ അമർഷം കാട്ടി, അവൻ പുറത്തേക്കു നടന്നു.

ഒരു നിമിഷം അർച്ചനയ്ക്കു തന്നെ വിശ്വസിക്കാനായില്ല. അവൾ പറഞ്ഞ വാക്കുകൾ. ചന്ദ്രഗാന്ദ് അരവിന്ദനെ കുറിച്ച് കുറ്റം പറഞ്ഞപ്പോ എന്തിനാ… തനിക്കു വേദന എടുത്തത്, എന്തിനാ താൻ അങ്ങനൊക്കെ അയാളോട് പറഞ്ഞത്. അതിനർത്ഥം ഞാൻ അരവിന്ദനെ, അതെ ഐ ആം ഇൻ ലൗ…

കലി തുള്ളി വന്ന ചന്ദ്രഗാന്ദ് വണ്ടി മുന്നോട്ടെടുത്തതും കണ്ടു കാറിനരികിൽ നിൽക്കുന്ന അരവിന്ദനെ, വണ്ടി അവനരികിൽ ചവിട്ടി നിർത്തിയ ശേഷം , അവനെ ഒന്ന് തുറിച്ചു നോക്കിയ ശേഷം, അവനോടായി പറഞ്ഞു.

നിന്നെ ഞാൻ എടുത്തോളാം…

അതും പറഞ്ഞ് ചന്ദ്രഗാന്ദ് വണ്ടി മുന്നോട്ടെടുത്തതും. ഈ കോപ്പ് ഇതെന്തു ഷോയാ കാട്ടിയെ, വട്ടായോ അവന് , എന്നും ചിന്തിച്ച് ഒന്നും അറിയാത്ത അരവിന്ദൻ അവിടെ തന്നെ നിന്നു.

?????

അരവിന്ദനോട് തനിക്കു പ്രണയമാണെന്നു തിരിച്ചറിഞ്ഞത് മുതൽ അർച്ചന തകർന്നിരുന്നു. പുരുഷ വിദ്ദ്വേശിയായതോണ്ടൊന്നുമല്ല കേട്ടോ.. അവൾ തന്നെ മെനഞ്ഞുണ്ടാക്കിയ ഊരാക്കുടുക്കുകൾ അവൾക്കു തന്നെ പാരയായി എന്നു പറയുന്നതാവാം ശരി.