❤️ എന്റെ ചേച്ചിപെണ്ണ് 4 ❤️ [The_Wolverine] 1827

…ഞാൻ ബോട്ടിൽ എടുത്ത് പതിയെ അവളുടെ വയറിൽ വെച്ചു…   ദേഹത്ത് ചൂട് തട്ടിയപ്പോൾ ഒരു ആശ്വാസം വന്നപോലെ അവൾ എന്നെ നോക്കി…   ഞാൻ പതിയെ ആ ബോട്ടിൽ കൊണ്ട് അടിവയർ മുതൽ പതിയെ അവൾക്ക് ഉഴിഞ്ഞുകൊടുത്തു…   അവളുടെ മുഖത്ത് ആശ്വാസത്തിന്റെ ഭാവം വിടരുന്നത് ഞാൻ കണ്ടു…   ഞാൻ കുറച്ചുനേരം അത് ആവർത്തിച്ചു…   അവൾ കണ്ണടച്ച് കിടക്കുവാണ്…

“വേദന കുറവുണ്ടോ മിച്ചൂസേ…”

…ഞാൻ പതിയെ ചോദിച്ചു…

“കുറവുണ്ട് വാവേ…”

…പ്രേമർദ്രമായി അവൾ എന്നെ നോക്കി പറഞ്ഞു…   അവളുടെ കണ്ണുകളിൽ ഞാൻ കണ്ടു അവൾക്ക് എന്നോടുള്ള പ്രണയം…   ഞാൻ ചുമ്മാ ചിരിച്ചു…

…ഞാൻ ആ ബോട്ടിൽ മാറ്റിവെച്ചിട്ട് സ്വല്പം വിക്സ് എടുത്ത് കൈയിൽ പുരട്ടി അവളുടെ നെറ്റിയിൽ തേച്ചുപിടിപ്പിച്ച് കുറച്ചുനേരം മസ്സാജ് ചെയ്ത് കൊടുത്തു…   പെണ്ണ് കണ്ണുകളും അടച്ച് കിടക്കുവാണ്…   ചെറുതായി കണ്ണ് നിറഞ്ഞിട്ടുണ്ട്…

“എന്താ വേദന ഇണ്ടോ മിച്ചുകുട്ടീ…”

…ഞാൻ ചോദിച്ചു…

“മ്ച്ചും…”

…കണ്ണുകൾ തുറന്നുകൊണ്ട് അവൾ ചിരിയോടെ പറഞ്ഞു…