❤️✨️ശാലിനിസിദ്ധാർത്ഥം10✨️❤️ [??????? ????????] 349

ധനുഷിനെ ആക്രമിച്ചയാളുടെ മുഖം പതിയെ വെളിച്ചത്തിൽ തെളിഞ്ഞു വന്നു.

” ഹ്ഹാ… അഷിൻ.. You Bloody Notorious Criminal.” തന്നെ ആക്രമിച്ചയാളെ കണ്ട് ദുസഹമായ വേദനക്കിടയിലും ധനുഷ് ക്രോധത്തോടെ തറയിൽ നിന്നെഴുനേറ്റ് അയാളെ ആക്രമിക്കാനെന്നവണ്ണം നിന്നു.

അഷിൻ മിലാനി റാവത്ത് അഥവാ മനോരോഗി എന്ന M.R, ധനുഷിന്റെ പ്രവർത്തികളെല്ലാം കണ്ട് മന്ദഹസിച്ചു. അയാൾക്ക്, മുഖത്തെ പൂർണമായും കവർ ചെയ്യുന്ന രീതിയിലൊരു കടനലിന്റെ ടാറ്റൂവുണ്ടായിരുന്നു. കഴുത്തിൽ അയാളുടെ ഗ്യാങ്ങിനെ പ്രതിനിധികരിക്കുന്ന, കടന്നലിന്റെയൊരു വലിയ ലോക്കറ്റുള്ള ചെയിൻമാല അയാൾ ധരിച്ചിരുന്നു.

“Yes it’s me Ashin… Your Destroyer… പിന്നെ നീ മരിക്കുന്നതിന് മുൻപ് ഒരാൾക്ക് നിന്നെ കാണണമെന്ന് പറഞ്ഞിരുന്നു… ഞങ്ങളുടെ ക്ലയന്റ്. ഞാൻ വിളിക്കാം. “അഷിൻ അത്രയും പറഞ്ഞിട്ട് കൈകൊട്ടി.

അപ്പോഴവിടേക്കു ആരോ ഒരാൾ കടന്നു വന്നു.

ആ ആളെ കണ്ട് ധനുഷും, വീഡിയോ കണ്ടുകൊണ്ടിരുന്ന ആദമും ഒരു പോലെ ഞെട്ടി.

“ആൽബി…! എടാ നീ ” എന്ന് പറഞ്ഞുകൊണ്ട് ആ വന്നയാളുടെ അടുത്തേക്ക് ധനുഷ് അലറിക്കൊണ്ട് ഓടിയെടുക്കാൻ ശ്രമിച്ചപ്പോൾ അഷിന്റെ ഗ്യാങ് മെംബേർസ് അവനെ പിടിച്ചു വെച്ചു…

ആൽബി : “എന്തേ…! എന്നെ പ്രതീക്ഷിച്ചില്ല അല്ലേ… ” അവന്നതും പറഞ്ഞു അട്ടഹസിച്ചു..

ധനുഷ് : “എനിക്കറിയാമായിരുന്നു നീ തന്നെയാണ് ഈയൊരു ക്വട്ടേഷൻ ഇവന് തന്നെ കൊടുത്തതെന്നു… കാരണം എന്നെ നശിപ്പിക്കാൻ നീയേത് അറ്റം വരെയും പോകുമെന്ന് എനിക്കറിയാമെടാ… ”

“ഹ… അതുകൊണ്ടല്ലേ ഞാൻ നിന്നെ ഇവരെ കൊണ്ട് കിഡ്നാപ്പ് ചെയ്യിപ്പിച്ചത്… ഇവരാകുമ്പോൾ നമ്മൾ ഏൽപ്പിക്കുന്ന ജോലി, വാല്യൂ ഫോർ മണി’ എന്ന പോളിസി പാലിച്ചുകൊണ്ടാ നിർവഹിക്കുന്നത്.” ആൽബി അത്രയും പറഞ്ഞിട്ട് അഷിന്റെ അടുത്ത് ചെന്ന് അയാൾക്ക് കൈകൊടുത്തു…

തുടരും…