❤️✨️ശാലിനിസിദ്ധാർത്ഥം10✨️❤️ [??????? ????????] 349

“നീയൊക്കെ എന്ത് മഹാപാതകമാടാ ഞങ്ങളുടെ ധനുഷേട്ടനെതിരെ ചെയ്തത്…” ആദം തന്റെയുള്ളിൽ തികട്ടിവന്ന ക്രോധവും വിഷമവും മൂലം അലറി.

ഗുണനായക് : “നിന്റെ ധനുഷേട്ടന് എന്താ സംഭവിച്ചതെന്നു അറിയണമെങ്കിൽ ദാ ഞങ്ങളുടെ കൈയിലൊരു തെളിവുണ്ട്. വേണമെങ്കിൽ കണ്ണ് തുറന്ന് കാണ്”

അപ്പോഴേക്കും തന്റെ ആഞ്ജാനുവർത്തികളായ അംഗരക്ഷകർ പ്രിൻസിപ്പളിന്റെ ഓഫീസിൽ നിന്ന് എടുത്തുകൊണ്ട് വന്ന ബ്ലാക്ക് ലെതർ ആം ചെയറിൽ, ഒരു ഏകാധിപതിയെ പോലെ ഇരുന്ന്, കാലിൻമേൽ കാൽ കയറ്റി വെച്ചുകൊണ്ട് ഗുണനായക്, ആസിഫിന് ഒരു ആംഗ്യം കാട്ടി.

അതോടെ ആസിഫ്, തന്റെ കൈയിലുണ്ടായിരുന്ന ഫോണിലെ ഒരു വീഡിയോ പ്ലേ ചെയ്തിട്ട് അത് ആദമിന് നേരെ അഭിമുഖമായി, അവനാ വീഡിയോ പ്രദർശിപ്പിച്ചു .

ഗുണനായകും അയാളുടെ ആൾക്കാരും എന്താണ് പറയുന്നതെന്നോ എന്താണ് പ്രവർത്തിക്കുന്നതെന്നു ആദമിനു അത്ര തന്നെ വ്യക്തത വന്നില്ലെങ്കിലും

, ഈ കോളേജിന്റെ രക്ഷകനായ ധനുഷിന് എന്തോ അത്യാഹിതം സംഭവിച്ചിട്ടുണ്ടെന്നു അവന് മനസ്സിലായി.. അതെന്താണെന്നു മനസ്സിലാക്കാനായി അവൻ ആ ഫോണിലേക്ക് നോക്കി…

******************************************

ഇനി കോളേജിൽ ആദം, ആസിഫിന്റെ ഫോണിൽ കണ്ടതെന്തെന്നറിയാൻ നമ്മൾക്ക് രണ്ടു ദിവസം മുൻപത്തെ ആ രാത്രിയിലേക്ക് പോകാം…

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈

സ്ഥലം… കൊച്ചി നഗരത്തിലെ വളരെ ഉള്ളിലെ ആൾപാർപ്പില്ലാത്ത, ഇടിഞ്ഞു പൊളിഞ്ഞ വിശാലമായ ഒരു രണ്ടു നില കെട്ടിടം… സമയം, ഞായറാഴ്ച പുലർച്ചെ മൂന്നു മണി…

അതിന്റെ താഴത്തെ നിലയിലെ ഹാളിന്റെ ഒത്ത നടുക്കായി, ഒരാളെ തടി കസേരയിൽ കൈയിലും കാലിലും കയറിട്ട് പിടിച്ച് കെട്ടിയിട്ടിരിക്കുകയാണ്…

ദേഹപ്രകൃതി കണ്ടാൽ തന്നെ അറിയാം അതൊരു യുവാവാണെന്നു… അയാളുടെ മുഖം, കറുത്ത തുണി കൊണ്ട് മൂടിയിരിക്കുകയാണ്.