❤️✨️ശാലിനിസിദ്ധാർത്ഥം10✨️❤️ [??????? ????????] 349

“ഭഗവാനോട് നന്നായി പ്രാർഥിച്ചോ ഉണ്ണീ…??? “അദ്ദേഹം പുഞ്ചിരിച്ചു കൊണ്ട് ചോദിച്ചു.

അർജുൻ : “ഉവ്വ്..”

“വളരെ നല്ലത്.. എങ്കിൽ ഉണ്ണി പൂമുഖത്തേക്ക് പൊയ്ക്കോളൂ… പ്രാർഥനയും ജപവുമുള്ളതിനാൽ ഞാൻ എല്ലാം കഴിഞ്ഞ് ഇറങ്ങുമ്പോൾ സമയമൽപ്പം വൈകും…” തമ്പുരാൻ അതും പറഞ്ഞ് മുന്നോട്ട് നടന്നു.

“ഉണ്ണിയേട്ടാ, വരൂ… നമ്മൾക്ക് പൂമുഖത്തേക്ക് പോകാം. വല്യച്ഛൻ അങ്ങനെയാണെന്നു ഏട്ടനറിയില്ലേ… പൂജാമുറിയിൽ കേറിയാൽ പിന്നെ ഇഷ്ടദേവതകൾക്കുള്ള അർച്ചനയും ജപവും കഴിഞ്ഞേ അദ്ദേഹം മടങ്ങി വരാറുള്ളു.”

അദ്ദേഹം നടന്നു പോകുന്നത് കണ്ടുകൊണ്ട് നിന്ന അർജുനെ സുഭദ്ര വിളിച്ചു. ” ആരൊക്കെയാ അദ്ദേഹത്തിന്റെ ഇഷ്ടദേവതകൾ…??? അവിടെ പൂജാമുറിയിൽ വേറെയും മുറിയും ഞാൻ കണ്ടായിരുന്നല്ലോ…! അതാണോ നിന്റെ വല്യച്ഛന്റെ പ്രാർത്ഥനാസ്ഥലം…???”

അവൻ തിരിഞ്ഞു അവളോടൊപ്പം നടന്നു കൊണ്ട് ചോദിച്ചു.

സുഭദ്ര : “അതെ… അതാണ് വല്യച്ഛന്റെ പ്രാർത്ഥനാമുറി… അദ്ദേഹം ത്രിമൂർത്തികളെയും, ത്രി ദേവിമാരെയുമാണ് അദ്ദേഹം പ്രധാനമായും ആരാധിക്കുന്നത് അതിൽ അദ്ദേഹത്തിനു വളരെധികം ഭക്തിയുള്ളത് ശ്രീമഹാദേവനോടാണ്…”

പൂമുഖത്തേക്ക് നടക്കുന്നതിനിടയിൽ അർജുനിൽ നിന്ന് വിട്ട് നടക്കുകയായിരുന്ന സുഭദ്ര പതിയെ പതിയെ അവനടുത്തേക്ക് നീങ്ങി നീങ്ങി അവസാനം അവനെ മുട്ടിയുരുമ്മിയായി നടത്തം…!

അർജുൻ : “മ്മ് എന്താ… ഭദ്രേ…” തന്നെയവൾ മുട്ടി നടക്കുന്നതറിഞ്ഞ അർജുൻ അവളോടായി ചോദിച്ചു.

“എന്ത്… ഞാനൊന്നും പറഞ്ഞില്ലല്ലോ…???” അവളൊരു കള്ളച്ചിരിയോടെ തിരികെ ചോദിച്ചു.

അർജുൻ : “എന്തെന്നോ… നീയൊന്നും പറഞ്ഞില്ലെങ്കിലും നിന്റെ പ്രവർത്തി എന്നോടെന്തോ പറയാൻ ശ്രമിക്കുന്നുണ്ട്… നീയെന്തിനാടി വെറുതെ എന്നെ മുട്ടി നടക്കുന്നത്.. ഇത്തിരി അകന്ന് നടന്നൂടെ നിനക്ക്…???”