❤️✨️ശാലിനിസിദ്ധാർത്ഥം10✨️❤️ [??????? ????????] 349

സിദ്ധാർഥിനെ കിടത്തിയിരിക്കുന്ന ഐ സി യുവിലേക്ക് അവൾ നേരത്തെ കണ്ട ഡോക്ടറും പിന്നെ ഏതാനും നഴ്സുമാരും തിരക്കിട്ടു കേറി പോകുന്നതും.. കുറച്ച് കഴിഞ്ഞ്, അവർ എന്തെക്കെയോ സാമ്പിളുമായി അവർ തിരികെയിറങ്ങി പോകുന്നതുമെല്ലാം സിതാര, ഒരു നിർജീവതയോടെ കണ്ടു കൊണ്ട് ഇരിക്കുകയായിരുന്നു.

അവളുടെയടുത്ത് നിതീഷും, ആദമും നിൽപ്പുണ്ടായിരുന്നു. “സിതാര മോളെ…” തങ്ങളുടെ അടുത്തേക്ക്, കനത്ത കാൽവെയ്പ്പുകളുമായി വേഗത്തിൽ നടന്നുവരുന്ന ഒറ്റ നോട്ടത്തിൽ ഡോക്ടറെന്നു തോന്നിക്കുന്ന ഒരു പുരുഷൻ നടന്നു വരുന്നതാണ് ആദമും നിതീഷും കണ്ടത്.

“ആദം, ദാ ഈ വരുന്നതാണ് സിതാരയുടെ അച്ഛൻ, റാംചന്ദ്രൻ…! ഇദ്ദേഹമൊരു ഡോക്ടറാണ്…”

തന്റെ നേർക്ക് വരുന്നത് സിദ്ധാർഥിന്റെ അച്ഛനാണോ, എന്ന് സംശയിച്ചു നിന്ന ആദമിനോട് താഴ്ന്ന സ്വരത്തിൽ നിതീഷ് പറഞ്ഞു.

“താര, താര.. ദാ നോക്ക്.. നിന്റെ അച്ഛൻ വന്നു…” നിതീഷ് എന്നിട്ടുടനെ താരയോട് റാം കാര്യം പറഞ്ഞു. അത്രയും നേരം ആശങ്കയോടും, വിഷമത്തോടും കൂടി തലയും താഴ്ത്തിയിരിക്കുകയായിരുന്ന സിതാര, റാമിനെ കണ്ടതോടെ എങ്ങലടിച്ചു കൊണ്ട് റാമിനെ ഓടിച്ചെന്ന് കെട്ടിപ്പിടിച്ചു കരഞ്ഞു…

“അച്ഛാ നമ്മുടെ സിദ്ധാർഥ്… അവൻ മരിക്കുമോ അച്ഛാ… ഡോക്ടർ പറഞ്ഞു അവന്റെ തലയ്ക്കു സാരമായ ക്ഷതമേറ്റിട്ടുണ്ടെന്നു… അവനെ നമ്മൾക്ക് രക്ഷിക്കാൻ സാധിക്കില്ലേ അച്ഛാ…”

സിതാരയുടെ ഹൃദയം തകർന്നുള്ള വിലാപം, റാമിനു സഹിക്കാൻ കഴിഞ്ഞില്ല..

റാം : “പറ്റും മോളെ.. പണ്ടിത് പോലെ സംഭവിച്ചപ്പോൾ സിദ്ധുവിനെ അച്ഛൻ രക്ഷിച്ചില്ലേ.. അത് പോലെ നിന്റെയി അച്ഛൻ അവനെ രക്ഷിക്കുക തന്നെ ചെയ്യും. നീ അവനെ കണ്ടുവോ…???

“ഇല്ലച്ഛാ.. എനിക്കത് കാണാനുള്ള ശേഷിയില്ല…” അവളപ്പോഴും കരയുകതന്നെയായിരുന്നു..