❤️✨️ശാലിനിസിദ്ധാർത്ഥം10✨️❤️ [??????? ????????] 349

ശാലിനി : “പക്ഷേ എല്ലാം എന്റെ തെറ്റാണ് ഏട്ടാ… ഞാൻ കാരണമല്ലേ സിദ്ധാർഥ് ഈ അവസ്ഥയിലായത്… വെറുതെ അവനെയും കൂടെ ഞാൻ പ്രശ്നത്തിലേക്ക് വലിച്ചിഴച്ചില്ലേ…” അവളതും പറഞ്ഞ് വിലപിക്കാൻ തുടങ്ങി.

“അല്ല ദേവൂ… അത് പൂർണമായും നിന്റെ തെറ്റല്ല… എനിക്കുമതിൽ പങ്കുണ്ട്. അവൻ.. ആൽബിയുടെ പ്രധാന ലക്ഷ്യം ഞാനായിരുന്നു… പക്ഷേ എനിക്ക് മാത്രം ലഭിക്കേണ്ടിയിരുന്ന അതിന്റെ അനന്തര ഫലം എനിക്ക് നിങ്ങൾ മൂവരുമായി പങ്കിടേണ്ടി വന്നു… അതാണ് സത്യം.”

“പക്ഷേ ഏട്ടാ… കോളേജിൽ വെച്ച് സിതാര ചേച്ചി എന്നെ കുറിച്ച് പറഞ്ഞതെന്താണെന്നു ഏട്ടനും കേട്ടതല്ലേ…

ചേച്ചി സിദ്ധാർഥിന് എന്താ പറ്റിയതെന്നു ചോദിച്ചപ്പോൾ ഞാൻ അതിനുള്ള മറുപടി നൽകിയപ്പോൾ…

‘എന്റെ മുഖം കണ്ടുതുടങ്ങിയ നിമിഷം മുതലാണ് അവൻ ഇങ്ങനെയൊക്കെ പെരുമാറാൻ തുടങ്ങിയതെന്നും അവന്റെ മരിച്ചുപോയ കൂട്ടുകാരി, അമൃതയുടെ മുഖമാണ് എനിക്കെന്നുമെന്നാണ്.’

ചേച്ചി അപ്പറഞ്ഞതിന്റെ അർത്ഥമെന്താ ഏട്ടാ… ഞാൻ കാരണം പണ്ട് ഏട്ടനും നമ്മുടെ കുടുംബത്തിനും ഒരുപാട് പ്രശ്നങ്ങളും ഉണ്ടായതൊന്നും ആർക്കും മറക്കാൻ സാധിക്കുന്നതല്ലല്ലോ…

ഇപ്പോഴിതാ സിദ്ധാർഥിനെ അപകടത്തിലേക്കും അവന്റെ കുടുംബത്തെ തീരാദുഖത്തിലേക്കും തള്ളിവിട്ടത് ഞാൻ തന്നെയല്ലേ… എന്റെയീ ശപിക്കപ്പെട്ട മുഖം കാരണമല്ലേ ഇങ്ങനെയൊക്കെ സംഭവിച്ചത്…”

അവളുടെയാ ചോദ്യത്തിൽ ദുഃഖം കലർന്നിരുന്നു. ശ്യാം എന്ത് മറുപടി പറയണമെന്നറിയാതെ കുഴങ്ങിയപ്പോൾ അവൾ വീണ്ടും തുടർന്നു.

: “എന്തിനാ ഏട്ടാ… എനിക്ക് എന്റെ യഥാർത്ഥ മുഖത്തോട് സാമ്യമുള്ള മറ്റൊരു മുഖം തുനിപിടിപ്പിച്ച് തന്നത്… അതിലും ഭേദമായിരുന്നില്ലേ ഞാനെന്റെ കത്തിയ മുഖവുമായി ജീവിക്കുന്നത്… പറയേട്ടാ…”