❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

അത് കേട്ട മറ്റവന്റെ മുഖത്ത് അതിശയം നിറഞ്ഞു… “അപ്പൊ ഇവൻ… ഇവനാണോ തമ്പുരാനെപ്പോഴും പറയാറുള്ള വിഖ്യാതരായ കർണ്ണാർജുനന്മാരിലൊരാളായ അർജുനൻ….???”

“അതെ… ഇവനാണ് അർജുനൻ…”

“അപ്പൊ മറ്റേയാളോ.. കർണ്ണനെന്ന സിദ്ധാർത്ഥൻ…! അവനെവിടെ ???”

രംഗന്റെ ആ ചോദ്യം കേട്ടതും അവന്റെയും, വൃദ്ധന്റെയും മുഖത്തെ തെളിച്ചം ഇല്ലാതായി…

“അത്.. അവൻ.. അവൻ.. കുറച്ചു നേരത്തേക്ക് കേശവനൊന്നും മിണ്ടാൻ സാധിച്ചില്ല. പകരം അയാളുടെ കണ്ണുകളിൽ കണ്ണീർകണങ്ങൾ ഉരുണ്ടുകൂടി.

“അഹ് അവനോ… സിദ്ധാർത്ഥന് എന്തെക്കെയോ തിരക്കുകൾ കാരണം വരാൻ പറ്റാത്തതാണ്.” പെട്ടെന്ന് അർജുനനിൽ നിന്നൊരു മറുപടിയുയർന്നു. അത് കേട്ട് കേശവൻ മാമ അവനെ വിശ്വാസം വരാത്ത മട്ടിൽ നോക്കി.

“എന്താ ഉണ്ണീ, നീയി പറയണേ… അച്യുതൻകുട്ടി മരിച്ചിട്ടില്ലെന്നോ???”

അയാൾ അവനോട് ആരും കേൾക്കാതെ ചോദിച്ചു.

അർജുനൻ : “ഞാൻ എല്ലാം പറയാം കേശവൻ മാമേ.. ഞാനിപ്പോൾ വന്നത്, തമ്പുരാനദ്ദേഹത്തെ, എന്റെ പഴയ ഗുരുവിനെ കാണാനായിട്ടാണ്…”

“അപ്പോൾ മോനിന്നു ഇവിടെ തങ്ങില്ലേ…???” വൃദ്ധൻ ചോദിച്ചു.

അർജുനൻ : “തീർച്ചയായും മാമാ.. ഞാനിനി നാളെ രാവിലെയേ മടങ്ങുന്നുള്ളു… കൂടാതെ എനിക്ക് തൃശൂര് സൈനിക് കോളേജിൽ ബിരുദത്തിനു പ്രവേശനം കിട്ടി. അത് കൊണ്ട് നാളെ ഇവിടെനിന്നും പോകണം.

കേശവൻ : “അതെയോ… വളരെ നന്നായി. മോന് മാമേടെ എല്ലാ അനുഗ്രഹങ്ങളും കൂടെയുണ്ടാകും…”

“മാമേ, ഇനി ഇവിടെ നിന്നാൽ ശെരിയാവില്ല. എന്നെയൊന്നു തമ്പുരാനേദ്ദേഹത്തിന്റെ അടുത്തേക്ക് കൊണ്ടു പോകാമോ..???”

“പിന്നെന്താ ഉണ്ണീ, എന്റെ കൂടെ വന്നോളൂ…”

കേശവന്റെ കൂടെ അവൻ കുടിലുകൾക്കിടയിലുള്ള വഴിയിലൂടെ നടന്നു.

“ഉണ്ണീ…”

“എന്താ കേശവൻ മാമേ ???”

“അച്യുതൻ മരിച്ചിട്ടില്ലെന്നു നീ പറഞ്ഞത് സത്യാണോ…???”

“സത്യമാണ് മാമേ… സിദ്ധാർഥ് മരിച്ചിട്ടില്ല.”

“അപ്പോൾ അന്ന് അവന് എന്താണ് സംഭവിച്ചത്… അവനിപ്പോൾ എവിടെയാണ്. ???”

അയാളുടെ ചോദ്യങ്ങളിൽ അവന്റെ മനസ്സ്, അൽപ്പനേരം പഴയ കാലത്തേക്ക് പോയി…

തുടരും….