❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

ശിവ : എന്തായാലും ഇനിയും നമ്മൾ സൂക്ഷിച്ചു നിൽക്കണം. സിദ്ധു… പ്രെതേകിച്ചും ഇനിയുള്ള ദിവസങ്ങളിൽ. അതിരിക്കട്ടെ ശാലിനിയെ കുറിച്ച് ശ്യാമണ്ണൻ എന്താ പറഞ്ഞേ…???”

സിദ്ധാർഥ് : ആ സംഭവത്തിന്‌ ശേഷം അവൾ വല്ലാത്തൊരു ഷോക്കിലും വിഷമത്തിലുമാണത്രെ… ഞാൻ വിളിച്ചാൽ അവളുടെ സങ്കടമൊക്കെ മാറാനുള്ള ചാൻസുണ്ടെന്നു ഏട്ടൻ പറഞ്ഞു…”

ശിവ: അങ്ങനെയാണെങ്കിൽ നീ ഇപ്പോൾ തന്നെ അവളെ വിളിക്കണമെന്നാണ് എനിക്ക് പറയാനുള്ളത്. ഇനിയും വെച്ച് താമസിപ്പിക്കുന്നത് ശെരിയല്ല.”

സിദ്ധാർഥ് : “ശെരി…! എന്നാ ഞാനവളെ വിളിക്കാം.”

ശിവ : “ഓക്കേ.. എന്നാൽ മറ്റന്നാൾ കോളേജിൽ വെച്ച് കാണാം.”

സിദ്ധാർഥ് കാൾ കട്ട്‌ ചെയ്തു.

‘അതെ..! എനിക്കവളെ വിളിക്കണം… ശ്യാമേട്ടന്, ശാലിനിയെ കുറിച്ച് താനോടെന്തോ പറയാനുണ്ടായിരുന്നു.

ഇനിയത് അവളോട് തന്നെ നേരിട്ട് ചോദിക്കണം.’ സിദ്ധാർഥ് അങ്ങനെ നിശ്ചയിച്ചുറപ്പിച്ച ശേഷം ഫോണെടുത്ത് ശാലിനിയുടെ നമ്പറിലേക്ക് വിളിച്ചു.

ഒന്നുരണ്ട് റിംഗ് ചെയ്തശേഷം അപ്പുറത്തു ആരോ കാൾ എടുത്തു.

ഹലോ…

“ഹലോ ആരാ…”

” ഇത് ശാലിനിയുടെ നമ്പറല്ലേ…”

” അതെ എന്റെ നമ്പറാണ്… ആരാ സംസാരിക്കുന്നത്… സിദ്ധു ആണോ..???”

സിദ്ധാർഥ് : “അതെ ശാലിനീ, ഇത് ഞാൻ തന്നെയാണ്…” അപ്പുറത്തു നിൽക്കുന്നത് ശാലിനിയാണെന്നറിഞ്ഞ സിദ്ധാർഥിന്റെ മനസ്സിലൊരു കുളിർകാറ്റടിച്ചുവെങ്കിലും

ഇനിയെന്താണ് അവൾ സംസാരിക്കാൻ പോകുന്നതെന്ന് ഓർത്ത് ഹൃദയം പെരുമ്പറ കൊട്ടി…!

ശാലിനി : “ഓ സോറി ടാ.. ഞാൻ നിന്റെ നമ്പർ സേവ് ചെയ്യാൻ വിട്ടുപോയി. എന്തേ വിളിച്ചത്… സുഖമല്ലേടാ ???”

സിദ്ധാർഥ് : “It’s Ok… എനിക്ക് സുഖം തന്നെയാണ്.”

ശാലിനി : പിന്നെ എന്തൊക്കെയുണ്ട് വിശേഷം…! എല്ലാവരും സുഖമായിട്ടിരിക്കുന്നോ…???”

‘ഏഹ്…! ഇവളെന്താ ഇങ്ങനെ ഫോർമലായിട്ട് സംസാരിക്കുന്നത്… ???’

“എന്താ സിദ്ധു… നീ എന്താ ഒന്നും മിണ്ടാത്തെ ???” അവൻ മറുപടി പറയാതിരിക്കുന്നത് കേട്ട് അവൾ ചോദിച്ചു.

സിദ്ധാർഥ് : “ഹേയ് ഒന്നുമില്ല ശാലിനി.. എല്ലാവർക്കും സുഖമാണ്. പിന്നെ എനിക്ക് നിന്നോടൊരു കാര്യം ചോദിക്കാനുണ്ടായിരുന്നു…”