❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

‘പക്ഷേ തനിക്കറിയാത്തത്… : ആ സ്വപ്നത്തിൽ നിന്നുണർന്ന താൻ സമയവും നോക്കി തിരികെ കിടന്ന് ഒരഞ്ചു മിനിറ്റ് കഴിഞ്ഞപ്പോൾ, തന്റെ നെറ്റിയിൽ ആരോ ഒരാൾ കുറച്ച് നിമിഷത്തേക്ക്,അയാളുടെ കൈവെച്ചതായി തോന്നുകയുണ്ടായി.

സുഖകരമായ ശീതളിമയുള്ള ആ വിരലുകൾക്ക് എന്തോ മാന്ത്രിക ശക്തിയുണ്ടായിരുന്നു.

അതിന്റെ സ്പർശനമേറ്റപ്പോൾ ഇതുവരെ തോന്നിയിട്ടില്ലാത്ത ഒരു ദിവ്യാനുഭൂതിയിൽ താൻ ലയിച്ചു കിടന്നു. ശരീരമാകെ ഏതോ ശക്തി സ്രോതസ്സ് നിറയുന്നതു പോലെ…

ആ വേളയിൽ താൻ സ്വപ്നത്തിൽ കേട്ട അതെ മുഴക്കം ഇത്തവണ വ്യക്തമായും സ്പെഷ്ടമായും കേട്ടതാണ്. ഇവയൊക്കെ എന്താണ്…???’

“ഡാ അച്ചൂ… എവിടാ നീ… നിന്നെ അമ്മ വിളിക്കുന്നു…”അകത്തുനിന്ന് ഏട്ടത്തി അവനെ വിളിച്ചു.

“മ്മ് ദാ വരുന്നു ചേച്ചി..” പെട്ടന്നു സ്വബോധത്തിലേക്ക് തിരിച്ചുവന്ന സിദ്ധാർഥ് സിതാരയ്ക്ക് മറുപടി കൊടുത്തിട്ട്.. ബാക്കി ചായയും കുടിച്ച് കപ്പുമായി അകത്തേക്ക് പോയി.

************************************************

കൊച്ചിയിലേക്കുള്ള യാത്രയ്ക്ക് മിത്രയും രൂപശ്രീയും ടോട്ടൽ അവർ ആറുപേർക്കും കൂടെ, അവരുടെ ഓർഗാണൈസേഷന്റെ തന്നെ ഹെലികോപ്റ്റർ ബുക്ക്‌ ചെയ്തതിനു ശേഷം തിരികെ ഫ്ലാറ്റിലേക്ക് മടങ്ങുകയായിരുന്നു.

കോപ്റ്റർ, ഉച്ചയ്ക്ക് രണ്ടരയ്ക്കാണ് അവരുടെ ഫ്ലാറ്റിനു മുകളിലുള്ള ഹെലിപാഡിൽ ഇറങ്ങുന്നത്. കൃത്യം മൂന്നുമണിയാവുമ്പോൾ യാത്രയാരംഭിക്കും. അത് കൊണ്ട് തന്നെ വീട്ടീൽ നിന്ന് ഒന്നരയ്ക്കെങ്കിലും ഇറങ്ങേണ്ടി വരുമെന്ന് മിത്ര കണക്കുകൂട്ടി.

” ഡീ പെണ്ണേ, നീ എന്തുവാ ഇരുന്നു ആലോചിക്കുന്നത്…” രൂപശ്രീ കാർ ഡ്രൈവ് ചെയ്ത് കൊണ്ടിരിക്കെ മിത്രയോട് ചോദിച്ചു.

മിത്ര : “എടീ, നമ്മുടെ ഫാമിലി വില്ലയുടെ വിലാസം സിദ്ധാർഥിന് കൊടുത്താലോ…???”

രൂപ : “അതാരാണീ സിദ്ധാർഥ്…???”

മിത്ര : “ശ്ശോ, അപ്പൊ കുറച്ച് ദിവസം മുൻപ് നിനക്കും കൃഷ്ണേട്ടനും, ഞാനെന്റെ Cousin Siblings നെ കുറിച്ച് പറഞ്ഞു തന്നതോർമയില്ലേ…??? ജിത്തുവേട്ടൻ നിന്നോട് ആ കോപ്പി ക്യാറ്റ് മെഷീൻ കൊണ്ടുവരാൻ പറഞ്ഞത് അവന്റെ ഡയറികളുടെ കോപ്പി എടുക്കാനായിരുന്നു.