❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

“എന്താ ചേച്ചി ഒന്ന് നിർത്തുവോ…” ഡോർ തുറന്നയുടനെ സിതാരയ്‌ക്കെന്തെങ്കിലും പറയാൻ സാധിക്കുന്നതിനു മുന്നേ തന്നെ സിദ്ധാർഥ് അവളോടായി ചോദിച്ചു.

“നീ ഇന്നലെ എപ്പോഴാടാ കിടന്നത്…???” സിതാര, അവന് മറുപടികൊടുക്കാതെ തിരിച്ചു ചോദിച്ചു.

സിദ്ധാർഥ് : “ഞാനോ ഞാൻ… ഒരു പത്തരയ്ക്ക്…”

“മ്മ്… ശെരി. വേഗം താഴോട്ടുവാ. ഇന്ന് ഉച്ചയോടെ മിത്രേച്ചിയും ജിത്തുവേട്ടനും ഇവിടെനിന്നും പോകും.. മിത്രേച്ചിയാണെങ്കിൽ ഫ്ലൈറ്റ് ബുക്കിങ് ചെയ്യാനായി പുറത്തേക്ക് പോയിരിക്കുവാ..” സിതാരയവനെ രൂക്ഷമായിട്ടൊന്നു നോക്കിയിട്ട് തുടർന്നു.

സിദ്ധാർഥ് : “ഫ്ലൈറ്റോ.. അതെന്തിന് …???”

സിതാര : എടാ ഇന്നല്ലേ അവര് കൊച്ചിയിലേക്ക് പോകുന്നത്…! നീയത് മറന്നോടാ ???”

സിദ്ധാർഥ് : “ഓഹ് ശെരിയാണല്ലോ ഞാനത് മറന്നും പോയി…”

സിതാര : ഈയിടെയായിട്ട് നിനക്ക് ആ പഴയ മറവിയുടെ പ്രശ്നം പിന്നെയും തുടങ്ങിയോ..???

സിദ്ധാർഥ് : ഹേയ് അങ്ങനെയൊന്നുമില്ല. ചേച്ചി.. ആട്ടെ, ചേട്ടൻ താഴെയുണ്ടോ. ??? ഞാനിപ്പോൾ വരാവേ.. “

“ശെരി..”സിതാര അതും പറഞ്ഞ് അവിടെനിന്നും താഴേക്ക് പോയതോടെ സിദ്ധാർഥ് തന്റെ മുറിയിലേക്കും പോയി.

************************************************

സിദ്ധാർഥ് താഴെയെത്തുമ്പോൾ അഗ്നിജിത്ത്, ലിവിംഗ് റൂമിലിരുന്നു, പത്രം വായിക്കുകയാണ്…

ജിത്തു : “ഗുഡ് മോർണിംഗ് അച്ചൂട്ടാ… നീയിന്നു വളരെ താമസിച്ചാണല്ലോ എഴുന്നേറ്റത്.. എന്തുപറ്റി…??? ഇന്നലെ സമയത്ത് ഉറങ്ങിയില്ലേ ???”

“ഉറങ്ങി ചേട്ടാ… എന്താ ചോദിച്ചേ ???” സിദ്ധാർഥ് അവനെ സംശയത്തോടെ നോക്കി.

“അല്ലാ നീയിന്നലെ പാതിരാത്രി മുറിക്ക് പുറത്തിറങ്ങിയിട്ട് എന്റെ മുറിയുടെ അടുത്തെത്തി, എന്തോ : ‘അയ്യോ ദൈവമെന്നോ, ഭൂതമെന്നോ വിളിക്കുന്നതും നിന്റെ റൂമിന്റെ കതക് ശക്തിയായി വലിച്ചടച്ച് കുറ്റിയിട്ടതും മറ്റും ഞാനും നിന്റെ മിത്രേച്ചിയും കേട്ടായിരുന്നു…”

ജിത്തുവൊന്നു നിർത്തിയിട്ട് പിന്നെയും തുടർന്നു :

“ഞങ്ങൾ ഇന്ന് രാവിലെ അതിനെ കുറിച്ച് സംസാരിച്ചതേയുള്ളു. സത്യം പറയടാ ഇന്നലെ രാത്രി എന്തായിരുന്നു നിന്റെ പരിപാടി…”