❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

“ശാലിനി… അവൾക്ക് ഇപ്പോൾ എങ്ങനെയുണ്ട്… ഞാൻ കാരണമാ ഏട്ടാ അവൾക്ക് ഇങ്ങനെയൊക്കെ സംഭവിച്ചത്..” ശാലിനിയെ കുറിച്ച് കേട്ടതോടെ അവൻ ജാഗ്രതയോടെ നിന്നെങ്കിലും സിദ്ധാർഥിന്റെ കണ്ണുകൾ ഈറനണിഞ്ഞുപോയി…”

തുടരുന്നു…

“ഹേയ് സിദ്ധാർഥ്… എന്താ ഇത്. കരയല്ലേ… അവൾക്ക് കുഴപ്പമൊന്നുമില്ല. അവൾ അങ്ങനെയൊക്കെ സംഭവിച്ചതിന്റെ ഷോക്കിലാണെന്നെയുള്ളൂ. അവൾ നിന്നെ ഫ്രണ്ടായിയിട്ട് അല്ലേ കാണുന്നത്… ” ശ്യാം അവനെ സമാധാനിപ്പിക്കാൻ ശ്രമിച്ചു.

“പക്ഷേ ശ്യാമേട്ടാ, ഞാനും ശാലിനിയും ഗ്രൗണ്ടിലൂടെ നടന്നപ്പോഴാണ് അവന്മാർ ഞങ്ങളെ… ” സിദ്ധാർഥിന്റെ സ്വരം ഇടറുന്നത് ശ്യാമിന് കേൾക്കാമായിരുന്നു.

 ശ്യാം : “വിഷമിക്കണ്ടാ സിദ്ധാർഥ്… അവന്മാർ നിന്നെയും അവളെയും ഉപദ്രവിച്ചത് എന്നെയും നിന്റെ ചേച്ചിയെയും ലക്ഷ്യമിട്ടു കൊണ്ടാണ്. ആ ആൽബിയെന്ന് പറയുന്നവന് ഞങ്ങളോട് മുൻവൈരാഗ്യമുണ്ട്.”

സിദ്ധാർഥ് : “എന്തിന്റെ പേരിൽ ???” ശ്യാമിന്റെ വാക്കുകൾ അവനിൽ ഞെട്ടലുണ്ടാക്കിയിരുന്നു.

“സിദ്ധാർഥ്… അത്..!” ശ്യാമിന് പെട്ടന്നൊന്നും പറയാൻ സാധിച്ചില്ല.

“പറ ശ്യാമേട്ടാ.. എന്തിന്റെ പേരിലാ അവന് എന്റെ ഏട്ടത്തിയോട് മുൻവൈരാഗ്യമുള്ളത്…??? എനിക്കിപ്പോൾ അറിയണം.” സിദ്ധാർഥിന്റെ സ്വരത്തിന് മൂർച്ചയുള്ളതായി ശ്യാമിന് തോന്നി.

“എടാ അത് പണ്ടൊരു സംഭവമുണ്ടായി…

അതായത് ഞാനും നിന്റെ ചേച്ചി സിതാരയും ഫസ്റ്റ് ഇയർ വിദ്യാർഥികളായിരുന്നപ്പോൾ…”

അവൻ അന്ന് നടന്ന സംഭവവും അതിന് ശേഷം നടന്നതിന്റെ വിവരണവും സിദ്ധാർഥിന് പറഞ്ഞുകൊടുത്തു.

സിദ്ധാർഥ് : “അപ്പോൾ അതാണല്ലേ ചേച്ചി എന്നെ ഇവിടെ ചേർക്കരുതെന്നു എതിര് പറഞ്ഞത്… അല്ല ചേട്ടാ ഈ പറയുന്ന ഗുണനായക് ഇനി കോളേജിലേക്ക് വരാൻ ചാൻസ് ഉണ്ടോ ???”

“ഉണ്ട്‌ സിദ്ധാർഥ്… അയാൾ തിരിച്ചു വരും എന്നതിന്റെ സൂചനയാണ് നമ്മൾക്കിന്ന് കിട്ടിയത്..” ശ്യാം അവന് മറുപടികൊടുത്തു.

സിദ്ധാർഥ് : “അപ്പോൾ നമ്മളിനിയും അവന്മാരെ സൂക്ഷിക്കണമല്ലേ…. ധനുഷേട്ടൻ, അവന്മാർ കോളേജിൽ കേറിയ കാര്യം എങ്ങനെയാ അറിഞ്ഞേ ???”