❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

ഒരിടത്തായിട്ടല്ല… ലോകത്തിന്റെ പല കോണുകളിലായിട്ടാണ് അവ കാണപ്പെടുന്നതെന്നു ഗ്രീക്ക് പുരാണത്തിൽ പറയുന്നുണ്ട്…. അവ കാണപ്പെടുന്ന സ്ഥലങ്ങളെ പൊതുവേ വിളിക്കുന്ന പേരാണ്, ഏലിസിയൻ പോയിന്റുകൾ. “

സിദ്ധാർഥ് : “അപ്പൊ ഇത് വെറും പുരാണ കഥയല്ലേ…

സത്യമല്ലല്ലോ…??? ഇതൊക്കെ എന്തിനാ എന്നോട് പറഞ്ഞത്…???”

മിത്ര : “നോ… സത്യം തന്നെയാണ്….! നിനക്കിനി അൽപ്പം ഉദാഹരണം പറഞ്ഞു തരുമ്പോൾ എല്ലാം ക്ലിയറാകും.

ഈ പറഞ്ഞ കല്ല് തന്നെയാണ് എല്ലാ മതങ്ങളിലും വിവിധ പേരുകളിലും, രൂപങ്ങളിലും അറിയപ്പെടുന്നത്… ഉദാഹരണത്തിന്…

ഭാരതീയപുരാണേതിഹാസങ്ങളിൽ നമ്മൾ കേൾക്കുന്ന നാഗമാണിക്യം, സ്യമതകം, അശ്വത്ഥാമാവിന്റെ ശിരസ്സിലുള്ള രത്നം, എന്നിങ്ങനെയുള്ളവയും പിന്നെ ബുദ്ധമത വിശ്വാസികൾ വളരെയധികം പരിപാവാനമായി കാണുന്ന രത്‌നമായ ചിന്താമണിയും, എന്തിന് നീ ആൽക്കമിസ്റ്റുകളുടെ കല്ലിനെ കുറിച്ച് കേട്ടിട്ടില്ലേ…???

സിദ്ധാർഥ് : “ആ കേട്ടിട്ടുണ്ട് Philosopher’s Stone അല്ലേ…”

ജിത്തു : അതെ.. ഇങ്ങനെ ചരിത്രത്തിലും, ഇതിഹാസങ്ങളിലും പരാമർശിക്കപ്പെടുന്ന രത്‌നങ്ങളും മറ്റുമെല്ലാം ഇവ തന്നെയാണ്… അതുമല്ലെങ്കിൽ ഇന്റർകണക്ഷൻ ഉള്ളവയാണ്. ഭൂമിയിൽ വളരെ Rare ആയി കാണപ്പെടുന്ന ഇവയെല്ലാം കണ്ടെടുക്കപ്പെട്ടിട്ടുമുണ്ട്.”

“ഓക്കേ സമ്മതിച്ചു.. ഇനി നിങ്ങൾക്കിതൊക്കെ പറഞ്ഞു തന്നെ ആ മഹാൻ ആരാണെന്നു കൂടെ പറ. ഉറങ്ങാനുള്ള സമയമായി വരുന്നുണ്ട് കേട്ടോ.” സിദ്ധാർഥിന്, മാക്സ് ആരാണെന്നറിയാനുള്ള ആകാംഷയായി.

“എവിടുന്ന്…? ഒമ്പതരയായതേയുള്ളു… സംസാരിക്കാൻ നമ്മുക്കിനിയും സമയമുണ്ട്.. തല്ക്കാലം ഒരു ചിന്ന ബ്രേക്കിനു ശേഷം ബാക്കി തുടരാം…” അഗ്നിജിത്ത് തന്റെ വാച്ചിലേക്ക് നോക്കിയിട്ട് നടുനിവർത്താനായി കസേരയിൽ നിന്നെഴുനേറ്റു കൊണ്ട് പറഞ്ഞു.

” ഹ്മ്മ്… ഏട്ടൻ പറഞ്ഞത് ശെരിയാണ്.. ഇവന് കഥയും പറഞ്ഞുകൊടുത്ത് സമയം പോയതറിഞ്ഞില്ല… ഞാൻ പോയി വെള്ളം കുടിച്ചിട്ട് വരാം…” ജിത്തുവിന് പിന്നാലെ മിത്രയും അവിടെനിന്നുമെഴുനേറ്റു.

“ഹൊ ഓക്കേ… ഓക്കേ…! എന്നാപ്പിന്നെ ഞാനും ഒരു ബ്രേക്കേടുത്തേക്കാം…” സിദ്ധു, പിറുപിറുത്തു…