❤️✨️ ശാലിനിസിദ്ധാർത്ഥം 8 ✨️❤️ [??????? ????????] 235

അഗ്നിജിത്ത് : “യെസ്… മിടുക്കൻ. അവിടെയുള്ളവർക്ക് മാത്രമല്ല, നരകദേവനായ പ്ലൂട്ടോയുടെ അധോലോകത്തിലും, സിയൂസ് അധിപനായ ദേവലോകത്തിലുമുള്ളവർക്ക്, അതായത് ഈ ത്രിലോകങ്ങളിലുമുള്ളവർക്ക് ഊർജവും അവരാഗ്രഹിക്കുന്ന ഭൗതിക വസ്തുക്കളും പ്രാപ്യമാക്കുന്നത്, ഈ ഏലിസിയൻ താഴ്‌വരയുടെ ഒത്ത നടുക്കായി സ്ഥിതി ചെയ്തിരുന്ന ഒരു ഭീമാകാരമായ ഒറ്റക്കല്ലിലൂടെയായിരുന്നു. അഥവാ ആ ക്രിസ്റ്റൽ വഴിയായിരുന്നു … അവയുടെ പേരാണ് Ælysion Krystal.. “

” Ælysion Krystal…???” സിദ്ധാർഥ് ജിത്തുവിനെ അത്ഭുതത്തോടെ നോക്കി.

ജിത്തു : “അതെ ഏലിസിയോൺ ക്രിസ്റ്റൽ…. ഗ്രീക്ക് പുരാണത്തിലെ വളരെയധികം ശക്തിയുള്ള രത്നം. ഏതു തരത്തിലുള്ള അവസ്ഥ നിർമ്മിക്കാനും നശിപ്പിക്കാനും, ശക്തിയും, തരംഗവും, ബലവും ശേഖരിക്കാനും, അളവറ്റ രീതിയിൽ പുറത്തുവിടാനുമുള്ള കഴിവുള്ളവയാണത്…

 അത്തരത്തിലുള്ള ആ കല്ലിന്റെ കോടിയിലൊരു അംശം പോലും ഒരു സാധാരണക്കാരനായ മനുഷ്യന് താങ്ങാൻ പറ്റാവുന്നതിലധികം ശക്തിയുള്ളതായിരുന്നു. “

സിദ്ധാർഥ് : എന്ന് വെച്ചാൽ… ഇത് ഏത് വസ്തു കൊണ്ടാണ് നിർമ്മിക്കപ്പെട്ടിരിക്കുന്നത് ??? കേട്ടിട്ട് മാർവെൽ കോമിക്സിലെ ഇൻഫിനിറ്റി സ്റ്റോണുകളെ പോലെയുണ്ട്. ഇനി അത് വല്ലോം ആണോ ചേട്ടാ…???

“ഹി ഹി അത് ഇൻഫിനിറ്റി സ്റ്റോണുകളെക്കാളും അതുക്കും മേലെയാണ് പ്രവർത്തിക്കുന്നത്… അത് അതിശക്തമായതും, മനുഷ്യവംശത്തിനു ഇപ്പോഴും അജ്ജാതവുമായ ഒരു തരം കോസ്മിക് പാർട്ടിക്കിളുകൾ കൊണ്ടാണ് നിർമ്മിക്കപ്പെട്ടിരിക്കുന്നത്.” അഗ്നിജിത്ത് ചിരിച്ചു കൊണ്ട് മറുപടി പറഞ്ഞു.

“കോസ്മിക് പാർട്ടിക്കിളുകളോ…. അപ്പോൾ ചേച്ചിയെനിക്ക് തന്ന കല്ല് അതിന്റെ ഭാഗമാണെന്നാണോ ചേട്ടൻ പറയുന്നത്… അപ്പോൾ നിങ്ങൾ ബ്രേസ് ലെറ്റ്‌ ആയിട്ട് ധരിച്ചിരിക്കുന്ന ഈ കല്ല് അതാണോ… “

സിദ്ധാർഥ്, അവർ കൈതണ്ടയിൽ ധരിച്ചിരുന്ന ബ്രേസ്ലെറ്റിലേക്ക് മാറിമാറി നോക്കി.

“അസംബന്ധം.. ചുമ്മാ പുളുവടിക്കല്ലേ ചേട്ടാ…!” സിദ്ധാർഥിനു ജിത്തു പറഞ്ഞതിനോട് ഉൾക്കൊളനായില്ല.