❤️✨️ശാലിനിസിദ്ധാർത്ഥം14✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 415

“Ok Subeesh.. Nice To Meet You. തല്ക്കാലം നമ്മൾക്ക് പരിചയപ്പെടലൊക്കെ പിന്നെയാകാം. സുബീഷ് ഇരുന്നുകൊളളൂ.” അവർ അവനോട് ഇരിക്കാൻ പറഞ്ഞതും വല്ലാതെ ഇളിഭ്യനായ അവൻ ബെഞ്ചിലിരുന്നു.

So My Dear Students, നമ്മൾക്ക് ക്ലാസ്സ്‌ തുടങ്ങാം…” മിസ്, ക്ലാസ്സ്‌ എടുക്കുവാനുള്ള പുറപ്പാടിലായിരുന്നു.

“ദേ, ടീച്ചർ ക്ലാസ്സ്‌ എടുക്കുവാനുള്ള പോക്കാണ്… അങ്ങനെയെങ്കിൽ നമ്മൾക്ക് പിന്നെ സംസാരിക്കാം. ശാലിനി…”

അവർ ക്ലാസ്സ്‌ എടുക്കാൻ പോകുകയാണെന്നു കണ്ട് സിദ്ധാർഥ് പെട്ടന്ന് ശാലിനിയോട് സംസാരിക്കുന്നത് നിർത്തിയിട്ട് ക്ലാസ്സിൽ ശ്രദ്ധിക്കാൻ ശ്രമിച്ചു. എന്നാൽ റോസ്മേരി ടീച്ചർ ബ്ലാക്ക് ബോർഡിൽ എഴുതിയത് കണ്ട് വിദ്യാർഥികളെല്ലാവരും അമ്പരന്നു.

അതിങ്ങനെയായിരുന്നു…

” Freshers Period”

ഫ്രഷേഴ്‌സ് പീരിയഡ്…??? ഇതെന്താ മിസ്സേ സംഭവം…” റോസ്, ബോർഡിൽ എഴുതിയിരിക്കുന്നത് കണ്ട് അതുവരെ ചിന്തിച്ചു കൊണ്ടിരുന്നതെല്ലാം മാറ്റിവെച്ചിട്ട് സിദ്ധാർഥ് ധൈര്യത്തോടെ എഴുനേറ്റു നിന്ന് ചോദിച്ചു.

” അതാണോ.. ഒരു ഉദാഹരണം കാണിച്ചുതരാം.. ഇതിപ്പോ ആരെയാ എക്സാമ്പിൾ കാണിക്കാൻ വിളിക്കുക…” റോസ്മേരി കുറച്ച് നേരം വിദ്യാർത്ഥികളെ ഉറ്റുനോക്കി നിൽക്കവേ,

സിദ്ധാർഥിന്റെ തൊട്ടടുത്ത് ഇരുന്ന് പുറകിലെ ബെഞ്ചിൽ ശാലിനിയോടൊപ്പം ഇരിക്കുകയായിരുന്ന കാർത്തികയോട് സൊള്ളാൻ ശ്രമിച്ചു കൊണ്ടിരിക്കുകയായിരുന്ന ജയസൂര്യയെ കണ്ടതും അവനെ കൈകൊട്ടി വിളിച്ചു.

“ഹേയ് പയ്യൻ… Stand Up and Come Here.”

“ഏഹ്… ടീച്ചർ.. അയ്യോ പണികിട്ടിയെന്നാ തോന്നണേ… എടാ സിദ്ധു, നീയെന്താ ടീച്ചർ പഠിപ്പിക്കാൻ തുടങ്ങിയപ്പോൾ എന്നെ വിളിക്കാതിരുന്നത്…”

റോസ്മേരി ടീച്ചറിന്റെ വിളി കേട്ട് ഞെട്ടിതിരിഞ്ഞ ജയൻ ടീച്ചറിന്റെ ഭാവം കണ്ട് അവിടെ നിന്നെഴുനേറ്റിട്ട് സിദ്ധാർഥിന്റെ മുഖത്തെക്ക് നോക്കി പിറുപിറുക്കാൻ തുടങ്ങി.