❤️✨️ശാലിനിസിദ്ധാർത്ഥം14✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 415

“അങ്ങനെയല്ല സിദ്ധു ഞാനുദ്ദേശിച്ചത്. പണ്ട് നിന്റെ ഏട്ടത്തിയും എന്റെ ഏട്ടനും തമ്മിലുണ്ടായിരുന്ന സൗഹൃദബന്ധം ഇപ്പോഴില്ല. കൂടാതെ നിന്റെ ഏട്ടത്തി, ഇനി നിന്നോട് ഞാൻ യാതൊരു വിധത്തിലുമുള്ള കൂട്ടുകെട്ടും പാടില്ലെന്ന് പറഞ്ഞു വിലക്കിയത് കൊണ്ടാണ്, ഞാൻ അങ്ങനെ പറഞ്ഞത്. ”

ശാലിനി, വിഷമത്തോടെ സിദ്ധാർഥിൽ നിന്ന് വീണ്ടും മുഖം മാറ്റിക്കൊണ്ട് മൊഴിഞ്ഞു. അതവനിൽ ചെറിയൊരു നിരാശയും സങ്കടവും പടർത്തിയെങ്കിലും അവൻ പിന്മാറിയില്ല.

സിദ്ധാർഥ് :” അവരോട് പോകാൻ പറ ശാലിനീ… അവർ തമ്മിൽ എന്തെങ്കിലും പിണക്കമോ തർക്കവും ഉണ്ടെങ്കിൽ അതൊന്നും നമ്മൾക്ക് ബാധകമാകാൻ പാടില്ല. നമ്മൾ പഴയത് പോലെ തന്നെ കൂട്ടുകൂടുക തന്നെ ചെയ്യും.

എന്താ കാർത്തികേ, ആവണി, ജയാ, അജൂ… ഞാൻ പറഞ്ഞത് ശെരിയല്ലേ ഗയ്‌സ്…???”

“അത് ശെരിയാണ് സിദ്ധാർഥ്…”ആവണി അവനെ സപ്പോർട്ട് ചെയ്തു.

ശാലിനി : “നിന്നോട് കൂട്ടുകൂടണമെന്ന് നിന്നെ കാണുമ്പോഴെല്ലാം എന്റെ മനസ്സ് പറയാറുണ്ട് സിദ്ധാർഥ്. പക്ഷേ എനിക്കെന്റെ ഏട്ടന്റെ വാക്കൊരിക്കലും ധിക്കരിക്കാനാവില്ല…”

“ദേ പിന്നേം. എന്താ ശാലിനി… നീയീങ്ങനെയായത്.. നിന്നെ മിനിഞ്ഞാന്ന് വിളിച്ചപ്പോൾ എല്ലാം ഞാൻ പറഞ്ഞു തന്നതല്ലേ… സിദ്ധാർഥിപ്പോൾ പഴയ സിദ്ധുവല്ല. അവനിപ്പോൾ ആളാകെ മാറിയത് നീ കണ്ടില്ലേ.” കാർത്തിക ശാലിനിയെ ഗുണദോഷിച്ചു.

ആവണി : “അതേ, ഞാനൊരു കാര്യം ചോദിച്ചോട്ടെ നീയെന്തിനാ നിന്റെ ഏട്ടന്റെ വാക്കുകൾക്ക് വലിയ വില കൽപ്പിക്കുന്നത്…??? അന്ന് നിന്നെ സംരക്ഷിച്ചത് നിന്റെ സ്നേഹമുള്ള ഏട്ടനാണോ, അതോ നിന്നെ കൂട്ടുകാരിയായി കാണുന്ന ഒന്നും സംഭവിക്കരുത് എന്നാഗ്രഹിക്കുന്ന, സിദ്ധാർഥ് ആണോ. പറയടി…”

അത് കേട്ടതും ശാലിനിയും സിദ്ധുവും പരസ്പരം നോക്കി. സിദ്ധാർഥിന്റെ തീക്ഷണത തുളുമ്പുന്ന നോട്ടം താങ്ങാനുള്ള കെൽപ്പില്ലാതെ ശാലിനി വളരെപെട്ടന്നു തന്നെ അവനിൽ നിന്നുള്ള നോട്ടം പിൻവലിച്ചു.