❤️✨️ശാലിനിസിദ്ധാർത്ഥം14✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 415

സിദ്ധാർഥിന്റെ അൽപം ടെൻഷനോടെയുള്ള ആത്മഗതം കേട്ട് അർജുൻ നിസംഗതയോടെ അവനെയൊന്നു നോക്കിയിട്ട് സിദ്ധുവിനെയും കൂട്ടി ക്ലാസിലേക്ക് നടന്നു…

***************************************

“എടാ അവള് വന്നില്ലല്ലോ.. അതോ ഇനിയവൾ അവളുടെ കൂട്ടുകാരികളുടെ കൂടെയേ വരുകയുള്ളോ.. ” ആരെ കാണുവാൻ വേണ്ടിയായിരുന്നോ സിദ്ധാർഥ് ഇംഗ്ലീഷ് ക്ലാസ്സിലേക്ക് അർജുനോടൊപ്പം ഓടിപാഞ്ഞു ചെന്നത്, അവൾ അപ്പോഴേക്കും അവിടെ വന്നിട്ടില്ലെന്നറിഞ്ഞു, ഇംഗ്ലീഷ് ക്ലാസ്സിൽ ഗേൾസിന്റെ ഇരിപ്പിടങ്ങളിലേക്ക് കണ്ണോടിച്ചു കൊണ്ടിരുന്ന സിദ്ധാർഥ് നിരാശപ്പെട്ടു.

“ഹേയ് ബ്രോ, ബ്രോയെന്താ നോക്കണേ…” ക്ലാസ്സിൽ ഫ്രണ്ട് നെഞ്ചിന്റെ ഭാഗത്ത്‌ നിൽക്കുകയായിരുന്ന സിദ്ധാർഥിന്റെ പിന്നിൽ നിന്നൊരു വിളി വന്നതോടെ, അതാരാണെന്നറിയാനായി അവർ തിരിഞ്ഞു നോക്കി.

തങ്ങളുടെ മുന്നിൽ മുടിയൊക്കെ നീട്ടിവളർത്തിയ ഒരു ഫ്രീക്കൻ പയ്യൻ തങ്ങളെ നോക്കി ചിരിക്കുന്ന കാഴ്ചയാണ് അവർ കണ്ടത്. അവന്റെ തോളിൽ ബാഗിന് പകരം വേറെയെതോ മ്യൂസിക്കൽ ഇൻസ്‌ട്രുമെന്റിന്റെ ബാഗാണ് തൂങ്ങിക്കിടന്നിരുന്നത്.

“അത് ബ്രോ… ഞങ്ങൾ ഒരാള് വന്നോയെന്നു നോക്കിയതാ…” അർജുൻ പുഞ്ചിരിച്ചുകൊണ്ട് അവന് മറുപടി നൽകി.

ഫ്രീക്കൻ : “ഓ അതാണോ… ആരെയാ നോക്കിയേ…???”

സിദ്ധാർഥ് :”ഒരു ഫ്രണ്ടിനെ… ബൈ ദി ബൈ ബ്രോയുടെ പേരെന്നാ ???”

“ഞാൻ, റെമോ ജൂലിയൻ.” ആ പയ്യൻ തന്റെ നെറ്റിയിലേക്ക് പാറിവീണ മുടിയിഴകൾ ഒതുക്കികൊണ്ട് പറഞ്ഞു.

അർജുൻ :” ആട്ടെ ഞങ്ങളെ പരിചയമുണ്ടോ ബ്രോയ്ക്ക് ???”

റെമോ : “ഉണ്ടോന്നോ…സിദ്ധാർഥ്, അർജുൻ അല്ലേ… കോളേജിന്റെ പുതിയ ഹീറോസ്.”

അത് കേട്ട് സിദ്ധാർഥ് അർജുനെ നോക്കി പുഞ്ചിരിച്ചു.

സിദ്ധാർഥ് : “അല്ല, ബ്രോയുടെ ബുക്കും പേനെയുമൊക്കെ എവിടെ പിന്നെ ഇതെന്തിനാ എടുത്തത് ഇന്ന്, ഫണ്ക്ഷൻ ഒന്നുമില്ലല്ലോ.???” അവൻ റെമോയുടെ തോളിൽ കിടന്ന ആ ഉപകരണത്തെ ഉദ്ദേശിച്ചു കൊണ്ട് പറഞ്ഞു.