❤️✨️ശാലിനിസിദ്ധാർത്ഥം14✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 415

“അതെന്താ അയാൾ അങ്ങനെ പറയുന്നത്. യഥാർത്ഥ പ്രശ്നം ഇനിയല്ലേ വരുന്നത്… ആ വൈറസ് അവന്റെ ശരീരത്തിൽ പ്രവർത്തിച്ചു തുടങ്ങുമ്പോൾ, അവന്റെ അച്ഛനെ രഹസ്യമായി വിളിച്ച് മോചനദ്രവ്യം ആവശ്യപ്പെടണം.

അങ്ങനെ അയാളതും കൊണ്ടു കൊണ്ടുവരുമ്പോൾ വേണം അവനെ നമ്മുടെ രഹസ്യ കേന്ദ്രത്തിൽ നിന്ന് പുറത്തെത്തിക്കാൻ.

“എന്നിട്ട്…???” ആൽബർട്ടിനു തന്റെ അനിയന്റെ കുബുദ്ധിയിൽ അഭിമാനം തോന്നി.

ആൽബി :”പിന്നെന്താ… രഹസ്യമായി ഒരു സ്ഥലത്ത് വരാൻ പറഞ്ഞിട്ട് അയാളുടേന്ന് പൈസയും വാങ്ങി, അവനെ കൈമാറുക. യാതൊരു കാരണവശാലും നമ്മുടെ ഐഡന്റിറ്റി പുറത്ത് പോകരുത്. ”

ആൽബർട്ട് :”പക്ഷേ ഒരു വലിയ പ്രശ്നമുണ്ട്…”

“എന്ത് പ്രശ്നം…???”

“എടാ നീയല്ലേ അന്ന് പറഞ്ഞത്… ആ മരുന്ന് കുത്തിവെച്ചു കഴിഞ്ഞാൽ ആദ്യത്തെ ഒരാഴ്ച കൊണ്ട് അവന്റെ സ്വരം നഷ്ടപ്പെടുമെന്നും, കൈയും കാലും പതിയെ തളർച്ചയിലേക്ക് നീങ്ങുമെന്നുമൊക്കെ…”

ആൽബി :”അതെ… അല്ല പ്രശ്നമെന്താ”

ആൽബർട്ട് :”പക്ഷേ അവന്റെ സ്വരത്തിനു ചെറിയ ഇടർച്ചയുണ്ടനല്ലാതെ, ശരീരം ക്ഷീണിച്ചുവെന്നല്ലാതെ അവന് വേറെയൊരു കുഴപ്പമില്ലടാ…”

“വാട്ട്‌.. എന്ത് അവന് യാതൊരു പ്രശ്നവുമില്ലെന്നോ…! അഷിൻ സാറ് ആ മരുന്ന് അവന്റെ കഴുത്തിൽ കുത്തി വെക്കുന്നത് ഞാൻ കണ്ടതാണല്ലോ…” ആൽബി ഞെട്ടി.

“അതേടാ നമ്മളുടെ ആൾക്കാർ അവനെ പല രീതിയിലും അവനെ പീഡനങ്ങൾ നൽകിയെങ്കിലും അവനതൊക്കെ സഹിക്കുകയാണ്. കൂടാതെ, ഞാനീ പറയുന്ന കാര്യം നീ വിശ്വസിക്കില്ല…”

ആൽബി :”എന്താത്…???”

“ചില രാത്രികളിൽ… അവന്റെ സ്ഥാനത്ത്, ഏതോ പടച്ചട്ടയും കിരീടവും ധരിച്ച ഒരു രാക്ഷസരൂപം, തന്റെ ചുവന്നു തിളങ്ങുന്ന കണ്ണുകൾ കൊണ്ട് നോക്കുന്നതായും, ഒരു ഭീതിയുണർത്തുന്ന രാക്ഷസീയമായ സ്വരം ആ രൂപം പുറപ്പെടുവിക്കുന്നതായും അവന്റെ തടവറയ്ക്ക് കാവൽ നിൽക്കുന്ന നമ്മുടെ പിള്ളേർ എന്നോട് പറഞ്ഞിട്ടുണ്ട്.”