❤️✨️ശാലിനിസിദ്ധാർത്ഥം14✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 415

ആൽബി :”മ്മ്… പ.. പക്ഷേ അവൻ അവിടെയുണ്ടെങ്കിൽ ഇതൊന്നും നടക്കില്ല…”

“ആര്… നിന്നെ ഈയവസ്ഥയിലാക്കിയത് നിന്റെ അടിയും കൊണ്ട് ഹോസ്പിറ്റലിൽ ആയെന്നു പറയുന്ന ആ പയ്യനാണോ ? ”

അതിന് എന്നെ അവനല്ല ഈ കോലത്തിലാക്കിയത്. ആദം എന്ന് പേരുള്ള അവന്റെ വേറൊരു കൂട്ടുകാരനാണ്. അവന് ഞാൻ വെച്ചിട്ടുണ്ട്. ഹോസ്പിറ്റൽ വിട്ട് കോളേജിൽ തിരിച്ചെത്തിക്കോട്ടെ. ഇനി ഒരാഴ്ച കൂടെ വേണം എനിക്ക് റിക്കവറാവാൻ എന്നാണ് ഡോക്ടർ പറഞ്ഞത്.”

“ശ്ശെടാ പുതിയ പിള്ളേരൊക്കെ നിന്റെ പഴയ ശത്രുവിനെക്കാളും അപകടകാരികളാണല്ലോ. നീ സൂക്ഷിക്കണം അബി.” കാതറിൻ അഭിപ്രാപ്പെട്ടു.

അതിന് ഇനി പേടിക്കേണ്ട കാര്യമൊന്നുമില്ല. അന്ന് തന്നെ ആ സിതാരയുടെ അനിയന്റെ ശല്യം ഞാൻ ഒഴിവാക്കിയത് വളരെ നന്നായി. ഇനി എന്നെയോ ഗുണൻ സാബിനെയോ കോളേജിൽ തടയാൻ ഒരുത്തനുമുണ്ടാകില്ല. എന്തായിരുന്നു ആ ധനുഷിന്റെ ഡയലോഗ്,

‘അവനെ പിഴുത്തെറിഞ്ഞ് കളഞ്ഞാലും അവന്റെ സ്ഥാനത്ത് വേറൊരുത്തൻ വരുമെന്നും.. ആ വരുന്നവൻ എന്നെയും ഗുണൻസാബിനെയും കോളേജിൽ നിന്ന് എന്നെന്നേക്കുമായി കെട്ടുകെട്ടിക്കണം എന്നൊക്കെ ആയിരുന്നല്ലോ.

എടാ അബി, പറയുമ്പോൾ ആ പയ്യനെ ഇനി എന്ത് ചെയ്യണം… ആ ഭാനുചിത്ര ഐ പി എസിന്റെ കീഴിൽ പോലീസ് ഏമാന്മാരും കൂടെ നാടിളക്കി പരിശോധിക്കുവാ.

ഒരാഴ്ചയായി അവനെ നമ്മുടെ രഹസ്യകേന്ദ്രത്തിലെ ഇരുട്ടറകളിലെ തടവറയിലിട്ടേക്കുകയാണ്. അവരെങ്ങാനും നമ്മുടെ സ്ഥലം കണ്ടുപിടിക്കുകയോ മറ്റോ ചെയ്താൽ…”

ആൽബി :”പക്ഷേ അവന്റെ തന്തയും മറ്റും എന്തൊക്കെയാ പറയുന്നേ.. ഇച്ചായൻ ആഗ്രഹിച്ചത് പോലെ അയാളാകെ തകർന്നു കാണുമല്ലോ. ”

“ഇല്ല അവന്റെ തന്ത ശിവരാജന് വലിയ പേടിയൊന്നുമില്ലടാ. തന്റെ മോന് യാതൊരു അപകടവും സംഭവിക്കില്ലെന്നാണ് അയാളുടെ പറച്ചിൽ.”