❤️✨️ശാലിനിസിദ്ധാർത്ഥം13✨️❤️ [??????? ????????] 437

അർജുൻ സിദ്ധാർഥിനോട് പറഞ്ഞത് കേട്ട് ബാക്കിയുള്ളവർ വായും പൊളിച്ചിരുന്നു.

സിദ്ധാർഥ് :”മ്മ് ശരി… ശരി ഞാൻ സമ്മതിച്ചു. ഞാൻ കൈയൊന്നും ഉപയോഗിക്കില്ല പോരെ. ഇനിയെന്നെ പോകാൻ അനുവദിക്ക്…”

“എടാ നിങ്ങൾ അവനെ വിട്ടേ… അവനെന്താ ചെയ്യാൻ പോകുന്നതെന്ന് ഞാനൊനു കണ്ടറിയട്ടെ.. ” അർജുൻ, തന്റെ സുഹൃത്തുക്കളോട് അവനെ വിടുവാൻ പറഞ്ഞ് സിദ്ധാർഥിനെ പോകാൻ അനുവദിച്ചതോടെ അവൻ പ്രശ്നം നടക്കുന്നയിടത്തേക്ക് നീങ്ങി.

“എടാ നീയെന്ത് പണിയാ ഈ കാണിച്ചത്…??? അവൻ എന്തെങ്കിലും എടാകൂടത്തിൽ ചെന്ന് പെടില്ലേ…അവര് അവനെ തല്ലുകയോ മറ്റോ ചെയ്താലോ…???”

ശിവ അർജുനോട് ചോദിച്ചപ്പോൾ അർജുൻ മറുപടി പറയുന്നതിന് പകരം അവരോട് മിണ്ടാതിരിക്കുവാൻ ആംഗ്യം കാണിച്ചു.

സിദ്ധാർഥ്, പ്രശ്നം നടക്കുന്ന ഭാഗത്തേക്ക് എത്തിയപ്പോൾ, മുഖത്ത് അടിയും കൊണ്ട് എഴുന്നേൽക്കാനാവാതെ തറയിൽ വീണു കിടക്കുകയായിരുന്ന ബാലുവിനെ കണ്ടതും അവനെ പിടിച്ചെഴുനേൽപ്പിച്ചു.

” അയ്യോ ആവൂ.. എന്റെ നടു… താങ്ക്സ് തമ്പി… അയ്യോ അണ്ണാ… ” സിദ്ധാർഥിന്റെ സഹായത്തോടെ എഴുന്നേറ്റ ബാലു, തന്റെ മുന്നിൽ നടക്കുന്നത് കണ്ട് ഞെട്ടിവിറച്ചു.

നേരെത്തെ വന്ന ആൾക്കാരിലൊരാൾ, അവരോട് എന്തെക്കെയോ കരഞ്ഞു പറഞ്ഞുകൊണ്ട് യാചിക്കുകയായിരുന്ന കാന്റീനിന്റെ പ്രൊപ്രൈറ്ററും, ഉടമസ്ഥനുമായ ഗോപാലനെ മൽപിടിത്തത്തിനിടെ, തറയിലേക്ക് വീഴ്ത്തിയിട്ട് ചവിട്ടാൻ വേണ്ടി ആഞ്ഞു തള്ളിയതും, തറയിലേക്ക് വീഴാണൊരുങ്ങിയതും സിദ്ധാർഥ് ഓടിയെത്തി ഗോപാലനെ താങ്ങിപിടിച്ചു.

“എന്താ ഗോപലേട്ടാ എന്താ പ്രശ്നം…??? ഇവരെന്തിനാ ഗോപലേട്ടനെ ഉപദ്രവിക്കുന്നത്…” സിദ്ധാർഥ്, അലിവോടെ ഗോപലേട്ടനോടായി ചോദിച്ചു.

“അത് മോനേ…” ഗോപാലൻ, നന്നായി പേടിച്ചിരിക്കുകയാണെന്നു സിദ്ധാർഥിനു മനസ്സിലായി.

“എന്നോട് പറഞ്ഞോളൂ ഗോപലേട്ടാ… പ്രശ്നം എന്താണെങ്കിലും നമ്മൾക്ക് വഴിയുണ്ടാക്കാം.” സിദ്ധാർഥ്, ഗോപാലനെ ധൈര്യപ്പെടുത്തി.