❤️✨️ശാലിനിസിദ്ധാർത്ഥം13✨️❤️ [??????? ????????] 437

സിദ്ധാർഥ് : “അതൊക്കെ പിനീട് നീ ആദമിനോടോ വിഷ്ണുവിനോടോ ചോദിച്ചാൽ മതി. പിന്നെ സത്യ നിന്റെ കൂടെതന്നെയില്ലേ…??? ”

ശിവ :” ഉണ്ട്‌ അവനിവിടെ ഗുണ നായകിന്റെ പി.എ വരുന്നത് നോക്കിക്കൊണ്ടിരിക്കുകയാണ്. ദാ അയാളുടെ കാർ ക്യാമ്പസ്‌ മെയിൻ ഗേറ്റ് കടന്നു പോയിട്ടുണ്ട്.”

” നീ പറഞ്ഞത് ശെരിയാണ് ശിവാ.. ഏതോ കാറുകൾ വരുന്ന സൗണ്ട് കേൾക്കാം. നീയെന്തായാലും ഫോൺ വെച്ചോ… Be Careful. പുറത്ത് വേറെന്തെങ്കിലും അസ്വാഭാവികമായി ഉണ്ടായില്ലെങ്കിൽ നീ സത്യയെയും കൂട്ടിയിങ്ങു പോന്നേരെ…

ഞാനെന്തായാലും ജയനെ വിളിക്കട്ടെ.” സിദ്ധാർഥ് കാൾ കട്ട് ചെയ്തു.

“ശിവ എന്ത് പറഞ്ഞടാ… അയാൾ, ആസി ഇങ്ങോട്ട് വരുകയാണോ…”

“അതെ അതാ നീ അങ്ങോട്ടു നോക്കിയേ.” സിദ്ധാർഥ് കൈചൂണ്ടിയ ഭാഗത്തേക്ക് അർജുൻ നോക്കി.

അപ്പോഴേക്കും കോളേജ് ക്യാമ്പസ്സിന്റെ ഗ്രൗണ്ടിലേക്ക് ഇരച്ചുകേറി വന്ന ഒരു ബ്ലാക്ക് സ്കോർപിയോയുടെ കോഡ്രൈവർ സീറ്റിൽ നിന്നിറങ്ങിയ ഒരു യുവാവിനെ സിദ്ധുവും, അർജുനും ദൂരെ നിന്നുതന്നെ കണ്ടുകഴിഞ്ഞിരുന്നു. അയാളുടെ കൂടെ വേറെയും രണ്ട് കാറുകളിൽ വന്നവരും പുറത്തേക്കിറങ്ങി.

“എന്റെ ദൈവമേ എടാ അയാളാണ് ആസി… അഥവാ ആസിഫ്. ഗുണനായകിന്റെ അസിസ്റ്റന്റ്… അയാളെ കണ്ടത് മതിയായില്ലേ. ഇനി നീ ഇവിടുന്ന് മാറണം. അയാൾ നിന്നെ കണ്ടാൽ പ്രശ്നമാകും. ” അർജുൻ സിദ്ധുവിനെ അവിടെ മാറ്റാൻ നോക്കിയെങ്കിലും സാധിച്ചില്ല.

“ഞാനെന്തിനാ മാറുന്നത്..??? ഒരു പ്രശ്നവും ഉണ്ടാകാൻ പോകുന്നില്ല. നീ ധൈര്യമായിരിക്ക്. ” സിദ്ധാർഥ് അജുവിനെ സമാധാനിപ്പിച്ചതിനു ശേഷം ഫോണെടുത്ത് ജയന്റെ നമ്പർ ഡയൽ ചെയ്തു വിളിച്ചു.

ജയൻ :”ഹലോ എന്തായാടാ…??? ആസി വന്നിട്ടുണ്ടോ.”