❤️✨️ശാലിനിസിദ്ധാർത്ഥം13✨️❤️ [??????? ????????] 437

“ഹേയ് അതല്ലടോ… ഞാൻ തന്നോട് ക്ഷമ ചോദിക്കാനാണ് വന്നത്. നേരെത്തെ തന്നോട് വളരെ മോശമായിട്ടാണ് സംസാരിച്ചത്. എന്റെ ഭാഗത്ത് നിന്നും എന്തെങ്കിലും മോശമായ പ്രവർത്തിയുണ്ടായെങ്കിൽ സോറി. തന്നോട് ഞാൻ ക്ഷമ ചോദിക്കുന്നു.”

സിദ്ധാർഥ് യാന്ത്രികമായി അവളോട് അഭ്യർത്ഥിച്ചു.

“ഹ്മ്മ് അതൊന്നും സാരമില്ല സിദ്ധാർഥ്.. ഞാൻ നിന്നോടാണ് തെറ്റ് ചെയ്തത്…. സോറി. നീ നിന്റെ ഫ്രണ്ട്സിനെയൊക്കെ എത്രത്തോളം സ്നേഹിക്കുന്നവനാണെന്നു എനിക്കിപ്പോഴാണ് മനസ്സിലായത്..” രക്ഷിതയുടെ മറുപടി കേട്ട് സിദ്ധാർഥിന്റെ ചുണ്ടിലൊരു പുഞ്ചിരി വിരിഞ്ഞു.

“അയ്യോ… എടീ, അതാരാ വരുന്നതെന്ന് നോക്കിയേ… ഗുണനായക്കിന്റെ ആൾക്കാരല്ലേ ഇങ്ങോട്ട് വരുന്നത്…”

രക്ഷിതയുടെ അടുത്തിരുന്ന ഒരു പെൺകുട്ടി പേടിയോടെ ഒരു ഭാഗത്തേക്ക് കൈ ചൂണ്ടികൊണ്ട് പറഞ്ഞു. അപ്പോഴവിടെ മിലിട്ടറി ഡ്രസ്സ്‌ പോലെയുള്ള കറുപ്പ് വസ്ത്രത്തിൽ നാലഞ്ചു പേർ കാന്റീനിലേക്ക് കടന്നു വരുന്നതാണ് സിദ്ധാർഥ് കണ്ടത്.

“ആരാ ഇവന്മാർ.. ഞാൻ ഇവരെയൊക്കെ കോളേജിന്റെ പരിസരങ്ങളിൽ ഇന്ന് കണ്ടതാണല്ലോ… അവന്മാരെ കണ്ടിട്ട് അവരത്ര ശരിയല്ലെന്ന് തോന്നുന്നു. ആരാ രക്ഷാ, ഇവർ…???”

സിദ്ധാർഥ്, കാന്റീനിലേക്ക് വരുന്നവരുടെ നേർക്ക് നോക്കി കൊണ്ട് ചോദിച്ചു. അത് പറയുമ്പോൾ അവന്റെ സ്വരം വല്ലാതെ മാറിയിരുന്നു.

“അത് സിദ്ധാർഥ്.. അവര്.. അവര് ഗുണനായകിന്റെ ആൾക്കാരാണ്…” രക്ഷ സിദ്ധാർഥിന്റെ മുഖത്തേക്ക് ഭയം മൂലം നോക്കാനാവാതെ തല താഴ്ത്തികൊണ്ട് പറഞ്ഞു. അപ്പോഴേക്കും ആ നാലഞ്ചു പേർ കാന്റീനിലേക്ക് വന്നുകഴിഞ്ഞിരുന്നു.

“ഗുണനായക്…? അതിനയാൾ ആരാണ്…???” സിദ്ധാർഥിന്റെ ചോദ്യത്തിനു രക്ഷിതയോ, അവളുടെ കൂട്ടുകാരികളോ മറുപടി നൽകാതെ നിൽക്കുന്നത് കണ്ട് സിദ്ധാർഥിന് ദേഷ്യം വന്നു.

“എന്തിനാടി നീ വായ് അടച്ചു വെച്ചേക്കുന്നത്. ചോദിച്ചതിന് ഉത്തരം പറയടി…” സിദ്ധാർഥ് ശബ്ദമുയർത്തി.